Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Аԥсны акультуратә афиша: аскетчқәа, аспектакльқәа, ацәыргақәҵа

© Sputnik / Томас ТхайцукПремьера спектакля - Цилиндр в абхаздраме
Премьера спектакля - Цилиндр в абхаздраме  - Sputnik Аҧсны, 1920, 21.11.2022
Анапаҵаҩра
НовостиTelegram
Аинформациатә маҵзура Sputnik Аԥсны ишәыднагалоит абҵара 21-27 рызтәи акультуратә хҭысқәа рафиша. Ҳазҭалаз амчыбжь беиахараны иҟоуп акультуратә хҭысқәа рыла. Акультура бзиа избо атеатртә қәгыларақәа, аиумор ахәылԥаз, аконцерт, ацәыргақәҵа рзыԥшуп.
Сариа Кәарцхьиаԥҳа, Sputnik
Аԥсуа ҳәынҭқарратә Аҿар ртеатр аҿы абҵара 21 асааҭ 18:30 рзы иҟалоит аспектакль "Аԥсҭазаара ахаҿсахьа". Атеатр актиорцәа аԥсуа шәҟәыҩҩцәа рсатиратә рҿиамҭақәа ирылхны аскетчқәа ҳдырбоит.
Ражьден Гәымба ихьӡ зху Аҳәынҭфилармониаҿы абҵара 23 асааҭ 18:00 рзы иалагоит аконцерт – “Музыкальная палитра” урыстәылатә амузыкантцәа – аскрипкарҳәаҩы Марина Шигановои апианист Валери Харламови алахәны.
Абҵара 24-25 рзы Аԥсуа драматә театр аҿы асааҭ 19:00 рзы - Едуардо де Филиппо иҩымҭала иқәыргылоу аспектакль "Цилиндр". Арежиссиор Бенар Ақаҩба.
Абҵара 22-23 асааҭ 19:00 рзы РУСДРАМ асценаҿы арежиссиор Антон Киселиус испектакль "Все мои сыновья" (Артур Миллер).
Абҵара 25, 26 асааҭ 19:00 рзы - “Абырг Хабыгә игәыжь ажәабжь”. Арежиссиор Антон Корнилов. Аспектакль Фазиль Искандер иҩымҭа "Сандро Чегьемтәи" шьаҭас иамоуп. Акомедиа XX ашәышықәсазтәи Аԥсны аҭоурых атәы аҳәоит.
Ҳазҭалах амчыбжь азы Аҟәа иаатуеит ацәыргақәҵа. Ацәыргақәҵатә зал хадаҿы абҵара 22-30 рзы имҩаԥгахоит Аԥсны зҽаԥсазтәыз асахьаҭыхыҩ, апоет, ауаажәларратә усзуҩ Нугзар Логәуа ицәыргақәҵа.
Ажәабжьқәа зегьы
0