Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Аԥснытәи аделегациа ацәыргақәҵа LIBCOM-2022 рҽаладырхәит

© Foto / Пресс-служба Министерства культуры АбхазииДелегация из Абхазии приняла участие в выставке LIBCOM-2022 в Суздале
Делегация из Абхазии приняла участие в выставке LIBCOM-2022 в Суздале - Sputnik Аҧсны, 1920, 21.11.2022
Анапаҵаҩра
Суздаль ақалақь аҿы Ацәыргақәҵа темас иаман аинформациатә технологиақәа, акомпиутертә системақәа, абиблиотекақәа рзы аҭыжьымҭақәа.
АҞӘА, абҵара 21 - Sputnik. Аԥснытәи аделегациа 26-тәи Жәларбжьаратәи аконференциеи ацәыргақәҵа LIBCOM-2022-и рыҽрыладырхәит Владимиртәи аобласт, Суздаль ақалақь аҿы ҳәа аанацҳауеит ареспублика акультура аминистрра апресс-маҵзура.

Абҵара 20-25 рзы имҩаԥысраны иҟоу аконференциа аҳәаақәа ирҭагӡаны аделегатцәа ирылацәажәараны иҟоуп ҳаамҭазтәи аинформациатә технологиақәа, урҭ абиблиотекатә усхк аҟны рхархәашьа.

Аделегациа иалахәуп Иван Папасқьыр ихьӡ зху Амилаҭтә библиотека аиҳабы Борис Ҷолариа, аиҳабы ихаҭыԥуаҩ Амза Агрԥҳа, акультура аминистрра аҟаза нага Милана Хоџьааԥҳа, абиблиотека аусзуҩцәа Хатуна Бжьаниаԥҳа, Светлана Гьергьиаԥҳа, Гагра араион Ацентртә библиотекатә система аиҳабы Лиана Смырԥҳа, Гагратәи ашкол № 1 абиблиотека аиҳабы Мимоза Қаҩԥҳа.
Жәларбжьаратәи аконференциа "Аинформациатә технологиақәеи, акомпиутертә системақәа, абиблиотекақәа рзы аҭыжьымҭақәа" ("LIBCOM") мҩаԥысуеит есышықәса 1997 шықәса раахыс.
Уи иалахәуп Урыстәылеи ИАР атәылақәеи рҟынтәи абиблиотека дуқәа рнапхгаҩцәеи рҟазацәеи, иреиҳау аҵараиурҭақәа рырҵаҩцәеи, ашәҟәҭыжьырҭақәа русзуҩцәеи, аҭҵаарадырра, акультура, аҵараиура аусзуҩцәеи.
Ажәабжьқәа зегьы
0