https://sputnik-abkhazia.info/20221127/asua-multfilm-abraskyl-ifyrkhaaraa-anglyz-byzshakhy-eiagoup-1042834786.html
Аԥсуа мультфильм "Абраскьыл ифырхаҵара" англыз бызшәахьы еиҭагоуп
Аԥсуа мультфильм "Абраскьыл ифырхаҵара" англыз бызшәахьы еиҭагоуп
Sputnik Аҧсны
Аԥсуа лакәқәа рышьаҭала иаԥҵоу амультфильм "Абраскьыл ифырхаҵара" 2020 шықәсазы иҭыҵит. 27.11.2022, Sputnik Аҧсны
2022-11-27T18:30+0300
2022-11-27T18:30+0300
2022-11-28T16:14+0300
аԥсны
ажәабжьқәа
акультура
https://cdnn1.img.sputnik-abkhazia.info/img/102798/49/1027984943_44:0:920:493_1920x0_80_0_0_cdb9414a2ed4292b95c787f6bde579af.jpg
АҞӘА, абҵара 27 - Sputnik. Аԥсуа мультфильм "Абраскьыл ифырхаҵара" англыз бызшәахьы еиҭагоуп, абри атәы Sputnik иазеиҭеиҳәеит амультфильм автор Асҭамыр Кәыҵниа.Аиҭагара иалахәын АААК аусзуҩцәа жәаҩык, англыз бызшәа аспециалистцәа, Асҭамыр Кәыҵниа. Адублиаж ҭарҩит амузыкант Анри Гәымба истудиаҿы. Афырхаҵа хада – Абраскьыл абжьы ихеиҵеит Каили Синг."Аусумҭа абырцкал икылхуп. Ҳаракыла еиҭагоуп атекст, абыжьқәеи ашьҭыбжьқәеи ирышьклаԥшуп. Аиашазы, аԥсышәала еибыуҳәо аҵакы, аиумор аиҭагара уадаҩуп, аха аус адызулоз акырӡа еизааигәаны иҟарҵеит", - иҳәеит иара.Кәыҵниа иажәақәа рыла, аԥара азымхара иахҟьаны аԥсуа лакәқәа рфырхаҵа Абраскьыл аус адулара аанкылахоит. 15 минуҭ иҟоу амультфильм ҩышықәса аус адиулон, уи иақәхарџьын млн мааҭ рҟынӡа. Арахь иаҵанакуеит актиорцәа рыбжьы аҭаҩразы аԥаразшәара, амузыка аԥҵара, амультик аԥҵаразы еиуеиԥшым апрограммақәа раахәара. Кәыҵниа иҳәеит аҳәынҭқарра адгылареи ма аспонсорцәеи рыда аиԥш зеиԥшу апроектқәа рынагӡара шыуадаҩу.Иахьазы Кәыҵниа даҽа проектк даҿуп. Амультфильм "Кәтаӷьцәа хылԥа" аҭыжьра игәы иҭоуп.
https://sputnik-abkhazia.info/20190721/Supermen-dukhazyrshua-Abryskyl-akomiks-aynt-amultfilna-anaara-shilshaz-1027965830.html
https://sputnik-abkhazia.info/20201128/Kynia-Ktatsa-khylazy-akhyaa-rzy-akha-adutsagy-irgakhoit-1031358144.html
Sputnik Аҧсны
media@sputniknews.com
+74956456601
MIA „Rossiya Segodnya“
2022
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа, акультура
Аԥсуа мультфильм "Абраскьыл ифырхаҵара" англыз бызшәахьы еиҭагоуп
18:30 27.11.2022 (ирҿыцуп: 16:14 28.11.2022) Аԥсуа лакәқәа рышьаҭала иаԥҵоу амультфильм "Абраскьыл ифырхаҵара" 2020 шықәсазы иҭыҵит.
АҞӘА, абҵара 27 - Sputnik. Аԥсуа мультфильм "Абраскьыл ифырхаҵара" англыз бызшәахьы еиҭагоуп, абри атәы Sputnik иазеиҭеиҳәеит амультфильм автор Асҭамыр Кәыҵниа.
"Амультфиль анҭыҵ инаркны, уи афинанстә цхыраара азҭаз Мзауҷ Ԥлиеи сареи иаҳҳәеит -аурыс, аҭырқәа, англыз бызшәақәа рахь ииагазар шыбзиахоз. Сымацара ари ахықәкы анагӡара сылымшеит, усҟантәи аамҭазы даҽа проектгьы саҿын. Ари ашықәсан ҳидеиа адгылара анаҭеит Адунеизегьтәи аԥсуа-абаза конгресс, дара рымчала аамзы рыҩнуҵҟа амультфильм англыз бызшәахьы еиҭаган", - иҳәеит Кәыҵниа.
Аиҭагара иалахәын АААК аусзуҩцәа жәаҩык, англыз бызшәа аспециалистцәа, Асҭамыр Кәыҵниа. Адублиаж ҭарҩит амузыкант Анри Гәымба истудиаҿы. Афырхаҵа хада – Абраскьыл абжьы ихеиҵеит Каили Синг.
"Аусумҭа абырцкал икылхуп. Ҳаракыла еиҭагоуп атекст, абыжьқәеи ашьҭыбжьқәеи ирышьклаԥшуп. Аиашазы, аԥсышәала еибыуҳәо аҵакы, аиумор аиҭагара уадаҩуп, аха аус адызулоз акырӡа еизааигәаны иҟарҵеит", - иҳәеит иара.
Кәыҵниа иажәақәа рыла, аԥара азымхара иахҟьаны аԥсуа лакәқәа рфырхаҵа Абраскьыл аус адулара аанкылахоит. 15 минуҭ иҟоу амультфильм ҩышықәса аус адиулон, уи иақәхарџьын млн мааҭ рҟынӡа. Арахь иаҵанакуеит актиорцәа рыбжьы аҭаҩразы аԥаразшәара, амузыка аԥҵара, амультик аԥҵаразы еиуеиԥшым апрограммақәа раахәара. Кәыҵниа иҳәеит аҳәынҭқарра адгылареи ма аспонсорцәеи рыда аиԥш зеиԥшу апроектқәа рынагӡара шыуадаҩу.
Иахьазы Кәыҵниа даҽа проектк даҿуп. Амультфильм "Кәтаӷьцәа хылԥа" аҭыжьра игәы иҭоуп.
