Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Ахәыҷтәы хәшәтәырҭа иҭоу рзы алабораториа ҿыц аҿы анализқәа хәыдаԥсада иҟарҵалоит

© Sputnik / Саид Царнаев / Амедиаҵәахырҭахь аиасраЛаборантка проводит анализ крови
Лаборантка проводит анализ крови  - Sputnik Аҧсны, 1920, 02.12.2022
Анапаҵаҩра
НовостиTelegram
Алабораториа уахи-ҽни аус ауеит. Ара иҟарҵоит абиохимиатәи азеиԥши анализқәа.
АҞӘА, ԥхынҷкәын 2 - Sputnik. Ареспубликатә хәыҷтәы хәшәтәырҭа иҭоу рзы алабораториа ҿыц аҿы анализқәа хәыда-ԥсада иҟарҵалоит ҳәа арадио Sputnik аефир аҿы илҳәеит аҳақьым хада и.н. Инесса Камлиаԥҳа.
Республиканская детская больница. - Sputnik Аҧсны, 1920, 23.11.2022
Аԥсны
Ареспубликатә хәыҷтәы хәшәтәырҭаҿы алабораториа аартхоит
Лара лажәақәа рыла амбулатортә чымазцәа алабораториатә маҵзурақәа рыҭалахоит аныхратә материал азхоны иҟазар.
“Аныхратә материал шықәсык аҩнуҵҟа зымаҵ ауа ачымазцәа рхыԥхьаӡара иазхаша ауп иҳарҭо. Ачымазцәа рзы астатистика есышықәса Агәабзиарахьчара аминистррахь инаҳашьҭуеит. Аԥыжәара раҳҭоит астационар иҭоу ачымазцәа", - ҳәа лҳәоит Камлиаԥҳа.
Алабораториа уахи-ҽни аус ауеит. Ара иҟарҵоит абиохимиатәи азеиԥштәи анализқәа.
Камлиаԥҳа лажәақәа рыла ахәшәтәырҭаҿы алабораториа хымԥадатәиуп, избанзар ахәшәтәырҭа цхыраара ласык аҳасаб ала аус ауеит. Лассы-ласс убри аҩыза аҭагылазаашьа ҟалалоит ацхыраара анырҭаху, иаҳҳәап аԥҟара анымҩаԥгатәу. Усеиԥш аан иаарласны ашьа анализ ҟаҵатәуп.
Уажәы ахәшәтәырҭаҿы алабораториаз аҭыԥ арҽеиратә усурақәа иаҿуп. 5,3 млн мааҭ рыхә ахархәагақәа аминистрра иаанахәахьеит. Аиҭашьақәыргыларатә усқәа анхдыркәшалак урыстәылантәи иаауеит аинсталлиаторцәа, урҭ алабораториатә техника аусура шьақәдыргылоит.
Ажәабжьқәа зегьы
0