"Короче, план такой": ахакерцәа ирызку урыстәылатәи афильм аҭыхрақәа мҩаԥысуеит Аԥсны
16:23 11.12.2022 (ирҿыцуп: 16:47 11.12.2022)
© Sputnik / Марианна Кубрава
Анапаҵаҩра
Аҭыхрақәа мҩаԥысуан Аҟәа, Гагра, аӡиа Риҵа азааигәара. Афильм аекранқәа рыхь ацәырҵра инықәырԥшны иазгәаҭоуп иааиуа ашықәс ҭагалан азы.
АҞӘА, ԥхынҷкәын 11 - Sputnik, Бадри Есиава. Урыстәылатәи акиностудиа "WMG Company" иҭнахуа апрограммаԥҽҩцәа (ахакерцәа) ирызку афильм аҭыхрақәа мҩаԥысуеит Аԥсны ҳәа Sputnik иазеиҭеиҳәеит апроект анагӡаратә продиусер Дмитри Писаруков.
Асиужет аҟны ишазгәаҭоу ала, гәыԥҩык апрограммаԥҽҩцәа иҷыдоу аусбарҭақәа рылаԥш иҵашәеит. Арҭ аҿарацәа рҿаԥхьа ицәырҵит азҵаара - абахҭа аҭашәара мамзаргьы аҳәынҭқарра аус ацура. Апрограммаԥҽҩцәа амчрақәа аус рыцура иақәшаҳаҭхеит.
"Асценари ишаҳәо ала, ԥшь-ҩык аҟазауаа адунеи зегь аҟны аус руеит - Италиа, Сеишилах, Мальдиви, Антигуа, Норвегиа. Хықәкыс рҿаԥхьа ишьҭоу ацәгьоура аԥырҟәҟәара ауп. Аԥсны аҭыԥшӡарақәа ирыбзоураны аҭыхрақәа рзын ихазыноуп, ара анцәа игәыдикылаз ҭыԥуп. Аҭыԥантәи аԥсабара аҭыхрақәа ахәҭақәак Америка, Малаизиа, Антигуа уҳәа реиԥш иҟоу рҭыхраз ианаалеит", - ҳәа иҳәеит иара.
Писаруков иажәақәа рыла аҭыхрақәа ирылахәуп 30-ҩык рҟынӡа. Ароль хада нарыгӡоит Кирилл Нагиеви Софиа Каштанови. Иара убас аҭыхрақәа ирылахәуп еицырдыруа ателесериалқәа рыҟны ихәмархьоу актиорцәагьы.
1/4
© Sputnik
Ахакерцәа ирызку урыстәылатәи афильм аҭыхрақәа мҩаԥысуеит Аԥсны
2/4
© Sputnik / Марианна Кубрава
Ахакерцәа ирызку урыстәылатәи афильм аҭыхрақәа мҩаԥысуеит Аԥсны
3/4
© Sputnik / Марианна Кубрава
Ахакерцәа ирызку урыстәылатәи афильм аҭыхрақәа мҩаԥысуеит Аԥсны
4/4
© Sputnik / Марианна Кубрава
Ахакерцәа ирызку урыстәылатәи афильм аҭыхрақәа мҩаԥысуеит Аԥсны
1/4
© Sputnik
Ахакерцәа ирызку урыстәылатәи афильм аҭыхрақәа мҩаԥысуеит Аԥсны
2/4
© Sputnik / Марианна Кубрава
Ахакерцәа ирызку урыстәылатәи афильм аҭыхрақәа мҩаԥысуеит Аԥсны
3/4
© Sputnik / Марианна Кубрава
Ахакерцәа ирызку урыстәылатәи афильм аҭыхрақәа мҩаԥысуеит Аԥсны
4/4
© Sputnik / Марианна Кубрава
Ахакерцәа ирызку урыстәылатәи афильм аҭыхрақәа мҩаԥысуеит Аԥсны
"Жәамшуп ҳара араҟа аус аауеижьҭеи. Аҭыхрақәа мҩаԥысхеит Аҟәа Гагра, иахьа иҭаҳхоит аӡиа Риҵа азааигәара италиатәи аныҟәара. Изӡаӡом, насыԥуп ара аусура. Изакәызаалак ԥынгылак ҳмоуӡацт, ҳара ҳахьынтәааз -15°С ихьшәашәараоуп, ара макьаана ааԥынроуп", - иҳәеит Писаруков.
Апроект анагӡаратә продиусер иара убасгьы иазгәеиҭеит, ареспубликаҿы аҭыхратә усқәа шымҩаԥысуа иазгәаҭоу ауснагӡала.
"Акиногәыԥ Аԥсны даара иргәаԥхеит. Аӡәырҩы ааигәа иҟан, сара фышықәса ансхыҵуаз сҭаацәа срыцны Гагра ԥсшьара ҳаҟан. Сҭаацәа иахьа рыдунеи рыԥсаххьеит, аха агәалашәара бзиа сзаанхеит. Хымԥада ҳаԥхьаҟа аусураз ҩаԥхьа арахь саауеит", - иҳәеит иара.
Аԥсны адагьы афильм аҭыхрақәа мҩаԥысхьеит Шәача, Геленџьик, Даӷьесҭан, иҵеигь аусурақәа ирыцҵахоит Сҭамбыл, Москва.
Ихиоу аматериал рыҭахоит нанҳәамза 2023 шықәсазы. Афильм анҭыҵуа макьаана еилкааӡам, аха Писаруков игәаанагарала иааиуа ашықәс ҭагалан азы иҭыҵыр алшоит.
Писаруков аҳәынҭқарра ахада Аслан Бжьаниа аԥхьа днаргылан Аԥсны аиҳабыреи апроект анагӡара алыршара иалахәу зегьи иҭабуп ҳәа реиҳәоит.
