Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Апарламент абанктә ҭышәныртәалара аусхк аҟны закәанԥҵаратә актқәак аԥсахра аланагалеит

© Sputnik / Томас Тхайцук Сессия Парламента РА
Сессия Парламента РА  - Sputnik Аҧсны, 1920, 15.12.2022
Анапаҵаҩра
НовостиTelegram
АҞӘА, ԥхынҷкәын 15 - Sputnik. Аԥсны Жәлар реизара адепутатцәа аҵыхәтәантәи аԥхьарала ирыдыркылеит "Абанктә ҭышәныртәалара аусхк аҟны Аԥсны Аҳәынҭқарра закәанԥҵаратә актқәак аԥсахра рылагалараз" азакәан.
Аилыркаагатә шәҟәы ишаҳәо ала, аԥсахрақәа алагалахоит Аԥсни Урыстәылеи рзакәанԥҵарақәа реишьаршәаларазы.
Адокумент инақәыршәаны 20% аҟынтә 10% рҟынӡа иларҟәхоит аиқәшаҳаҭра зыбжьоу аиурист хаҿыки (ма) хатәхаҿыки мамзаргьы еихьыԥшу аиурист хаҿқәа ргәыԥи реилаӡарак ма реилаӡарақәак реихшьаалақәа рҟынтәи иаархәои (ма) ироуеи акредиттә еиҿкаарақәа ракциатә пакетқәа (рыхәҭа).
Аиҭакрақәа акредиттә еиҿкаарақәа аԥхьаӡамҭа шаадыртыз азы ардырратә процедура ааныжьны акредиттә еиҿкаарақәа ркореспонденттә ԥхьаӡамҭақәа раартра азин аԥырырхуеит.
Иара убасгьы, азакәан апроект иазгәанаҭоит атермин "акрызҵазкуа анырра" "ахылаԥшреи акырӡа еиҳаны анырреи" ала аԥсахра. Уи иахьа еиҳа ахархәара змоу терминуп, афинанстә ҳасабырба Жәларбжьаратәи аҿырԥшқәа (МСФО) ирықәшәоит.
Ажәабжьқәа зегьы
0