Урыстәыла анефҭ аҩаӡаратә хәԥсақәа ралагалараз аҭак шыҟанаҵо атәы ҳәоуп

© Sputnik / Максим Богодвид / Амедиаҵәахырҭахь аиасраРабота нефтяных станков - качалок
Работа нефтяных станков - качалок - Sputnik Аҧсны, 1920, 23.12.2022
Анапаҵаҩра
НовостиTelegram
Ԥхынҷкәын 5 инаркны урыстәылатәи анефҭ аганахь ала Мраҭашәара атәылақәа рсанкциақәа амчра роуит.
АҞӘА, ԥхынҷкәын 23 - Sputnik. Анефҭ аҩаӡаратә хәԥсақәа ралагалара аҭакс Урыстәыла ари аҭагылазаашьа дҵаны иқәзыргыло атәылақәа рахь анефҭи анефҭаалыҵқәеи рынашьҭра мап ацәнакуеит ҳәа иҳәеит аԥыза-министр ихаҭыԥуаҩ Александр Новак ателеканал "Россия 24" аинтервиу аҭо.
Владимир Путин уаанӡа аҳәамҭа ҟаиҵахьан анефҭ аҩаӡаратә хәԥсақәа ралагалара аҭак азы аусԥҟа инапы аҵеиҩраны дшыҟоу.
"Ари аусԥҟа аҳәаақәа ирҭагӡаны Евроеидгыла иаднакылаз ари аҭагылазаашьа дҵаны иқәзыргыло атәылақәеи аиурист хаҿқәеи рахь анефҭи анефҭаалыҵқәеи рынашьҭра мап ацәнакуеит ", - ҳәа иҳәеит Новак.
Иара иажәақәа рыла Москва азхиоуп анефҭыҵхра аиҵатәра.
"Иааиуа ашықәс азы уахыки-ҽнаки рыла 500-700 нызқь баррель еиҵаны анефҭыҵхра ҳалагар алшоит. Ҳара ҳзы ари 5-7 процент роуп иҟоу", - ҳәа иҳәеит Новак.
Ԥхынҷкәын 5 инаркны урыстәылатәи анефҭ аганахь ала Мраҭашәара атәылақәа рсанкциақәа амчра роуит: Евроеидгыла мшынла имҩанырго анефҭ адкылара мап ацәнакит, "Абыжьба Ду" атәылақәеи, Австралиеи Евроеидгылеи анефҭ мшынла амҩанграан ахәқәа баррельк азы 60 доллар ҳәа ишьақәдыргылеит.
Ажәабжьқәа зегьы
0