Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Аԥсны Жәлар Реизара аиҳабы Никарагуа иҟоу Аԥсны Ацҳаражәҳәаҩ диԥылеит

© Sputnik Народное Собрание Республики Абхазия
Народное Собрание Республики Абхазия  - Sputnik Аҧсны, 1920, 24.12.2022
Анапаҵаҩра
Ареспублика Никарагуа иҟоу Аԥсны Ацҳаражәҳәарҭа аԥҵан абҵара 2, 2021 шықәсазы Манагуа ақалақь аҟны.
АҞӘА, ԥхынҷкәын 24 - Sputnik. Никарагуа Ареспублика Амилаҭтә Ассамблеиа адепутатцәа Аԥсны Жәлар Реизараҟны аиҩызаразы адепутаттә гәыԥ аԥҵара иақәгәыӷуеит, аҩтәылак рзакәанԥҵаратә усбарҭақәа рыбжьара аимадара арӷәӷәареи еиуеиԥшым ахырхарҭақәа рыла аԥышәеимдареи иацхрааларцаз. Абри атәы Апарламент аиҳабы Лаша Ашәба изеиҭеиҳәеит Никарагуа иҟоу Аԥсны Ацҳаражәҳәаҩ Инар Ладариа.
Инар Ладариа Лаша Ашәба изеиҭеиҳәеит Никарагуа Ареспубликаҟны иҟоу Аԥсны Аҳәынҭқарра Ацҳаражәҳәарҭа анеиҿкааха инаркны аусура аихшьалақәа ртәы.
Лаша Ашәба иҳәеит Аԥсны Жәлар Реизара шазхиоу Никарагуа Ареспубликеи дареи рпарламентбжьаратә усеицура арҿиаразы.
Инар Ладариа Никарагуа Ареспубликаҟны Аԥсны Аҳәынҭқарра Аҷыдалкаатәи Азинмчы змоу Ацҳаражәҳәаҩыс дҟаҵан Аԥсны ахада иусԥҟала абҵара 17, 2021 шықәсазы.
Ажәабжьқәа зегьы
0