https://sputnik-abkhazia.info/20221230/aati-amuzykat-araiurany-aremont-usuraa-khyrkshakhoit-ashys-alagamaz-1043418853.html
Аҟәатәи амузыкатә ҵараиурҭаҟны аремонт усурақәа хыркәшахоит ашықәс алагамҭаз
Аҟәатәи амузыкатә ҵараиурҭаҟны аремонт усурақәа хыркәшахоит ашықәс алагамҭаз
Sputnik Аҧсны
Алықьса Чычба ихьӡ зху Аҟәатәи амузыкатә ҵараиурҭа шьаҭаркын 1930 ықәсазы Аԥснытәи аҳәынҭқарратә музыкатә техникум ҳәа. 30.12.2022, Sputnik Аҧсны
2022-12-30T15:00+0300
2022-12-30T15:00+0300
2022-12-30T15:24+0300
аԥсны
ажәабжьқәа
акультура
https://cdnn1.img.sputnik-abkhazia.info/img/103033/09/1030330994_0:101:1920:1181_1920x0_80_0_0_458f97a97f69d7206081fea2cd675822.jpg
АҞӘА, ԥхынҷкәын 30 – Sputnik. Аҟәатәи амузыкатә ҵараиурҭаҟны аремонт усурақәа хыркәшахоит 2023 шықәса ажьырныҳәа алагамҭаз, абри атәы иҳәеит ИАЕ "Строймонтаж" адиректор Русҭам Цәеиба. Абри атәы аанацҳауеит Акультура аминистрра. Аҵараиурҭа адиректор Нинель Бжьаниаԥҳа ишылҳәо ала ахыбра актәи аихагыла иныҭкааны аремонт ҟаҵоуп. Агәыӷра аалырԥшуеит атәыла аиҳабыра ԥхьаҟагьы аҩбатәи ахԥатәии аихагылақәа рҭыԥ иқәырҵап ҳәа. "Ари культуратә центруп. Ароуп иахьааӡо уаҵәы ипрофессионалхаша амузыкарҳәаҩцәа", - лҳәеит лара. Аремонттә усурақәа ирзоужьын 5,7 миллион мааҭ. Алықьса Чычба ихьӡ зху Аҟәатәи амузыкатә ҵараиурҭа шьаҭаркын 1930 ықәсазы Аԥснытәи аҳәынҭқарратә музыкатә техникум ҳәа. Ари Аԥсны ираԥхьатәиз музыкатә ҵараиурҭан. Амузыкатә техникум арҵаҩцәа реилазаара алшарала культуратә центрны, акадрқәа еиҵанааӡо иҟалеит. 1933 шықәсазы атехникум аҿы аусура иалагеит асимфониатә оркестр, аҳәынҭқарратә квартет, жәлар ринструментқәа роркестр. 2002 шықәсазы еицырдыруа аԥсуа композитор Алықьса Чычба ихьӡ ахырҵеит.Иахьа араҟа аус руеит: афортепиано, ахыцтә инструментқәа, жәлар ринструментқәа, авокал, ахортә дирижиорра, амузыка атеориа, жәлар рхортә ҟазара, аестрада рыҟәшақәа.
https://sputnik-abkhazia.info/20221029/asny-aiabyra-arespublikat-biuet-aynti-aara-zzouzhu-ausnagata-irylatsazheit-1042313111.html
Sputnik Аҧсны
media@sputniknews.com
+74956456601
MIA „Rosiya Segodnya“
2022
Sputnik Аҧсны
media@sputniknews.com
+74956456601
MIA „Rosiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rosiya Segodnya“
Sputnik Аҧсны
media@sputniknews.com
+74956456601
MIA „Rosiya Segodnya“
ажәабжьқәа, акультура
Аҟәатәи амузыкатә ҵараиурҭаҟны аремонт усурақәа хыркәшахоит ашықәс алагамҭаз
15:00 30.12.2022 (ирҿыцуп: 15:24 30.12.2022) Алықьса Чычба ихьӡ зху Аҟәатәи амузыкатә ҵараиурҭа шьаҭаркын 1930 ықәсазы Аԥснытәи аҳәынҭқарратә музыкатә техникум ҳәа.
АҞӘА, ԥхынҷкәын 30 – Sputnik. Аҟәатәи амузыкатә ҵараиурҭаҟны аремонт усурақәа хыркәшахоит 2023 шықәса ажьырныҳәа алагамҭаз, абри атәы иҳәеит ИАЕ "Строймонтаж" адиректор Русҭам Цәеиба. Абри атәы аанацҳауеит Акультура аминистрра.
"Аиҳабыра рнапынҵала ахыбраҿы аусурақәа ирылаган фымз раԥхьа. Уажәы урҭ ахыркәшарахь инеихьеит. Ажьырныҳәа 15 азы аиҭашьақәыргыларатә усурақәа хыркәшахоит", - иҳәеит иара.
Аҵараиурҭа адиректор Нинель Бжьаниаԥҳа ишылҳәо ала ахыбра актәи аихагыла иныҭкааны аремонт ҟаҵоуп. Агәыӷра аалырԥшуеит атәыла аиҳабыра ԥхьаҟагьы аҩбатәи ахԥатәии аихагылақәа рҭыԥ иқәырҵап ҳәа.
"Ари культуратә центруп. Ароуп иахьааӡо уаҵәы ипрофессионалхаша амузыкарҳәаҩцәа", - лҳәеит лара.
Аремонттә усурақәа ирзоужьын 5,7 миллион мааҭ.
Алықьса Чычба ихьӡ зху Аҟәатәи амузыкатә ҵараиурҭа шьаҭаркын 1930 ықәсазы Аԥснытәи аҳәынҭқарратә музыкатә техникум ҳәа. Ари Аԥсны ираԥхьатәиз музыкатә ҵараиурҭан. Амузыкатә техникум арҵаҩцәа реилазаара алшарала культуратә центрны, акадрқәа еиҵанааӡо иҟалеит.
1933 шықәсазы атехникум аҿы аусура иалагеит асимфониатә оркестр, аҳәынҭқарратә квартет, жәлар ринструментқәа роркестр. 2002 шықәсазы еицырдыруа аԥсуа композитор Алықьса Чычба ихьӡ ахырҵеит.
Иахьа араҟа аус руеит: афортепиано, ахыцтә инструментқәа, жәлар ринструментқәа, авокал, ахортә дирижиорра, амузыка атеориа, жәлар рхортә ҟазара, аестрада рыҟәшақәа.
