https://sputnik-abkhazia.info/20221231/1043428247.html
Ашықәс ҿыц ҳазыԥшуп: Аԥсны аныҳәатә гәалаҟазаара
Ашықәс ҿыц ҳазыԥшуп: Аԥсны аныҳәатә гәалаҟазаара
Sputnik Аҧсны
Аԥсны ахьынӡанаӡааӡо Ашықәс ҿыц аҽазыҟаҵара иаҿуп. Sputnik ишәзеизнагеит аныҳәатә гәалаҟазара еиҳагьы иузышьҭызхуа аҭыхымҭақәа. 31.12.2022, Sputnik Аҧсны
2022-12-31T13:00+0300
2022-12-31T13:00+0300
2022-12-31T13:09+0300
аԥсны
афотосахьақәа
https://cdnn1.img.sputnik-abkhazia.info/img/07e6/0c/1f/1043428418_0:161:3071:1888_1920x0_80_0_0_726e41692bc9ce67f59b19efe2f88ed4.jpg
Сынтәатәи аӡынразы Аԥсны асы амузаргьы, ҳтәыла ахы-аҵыхәеи рҽазыршәеит ашықәсҿыцазтәи аныҳәатә гәалаҟазаара аԥҵара. Аҳҭнықалақь апаркқәа рҿы ишьақәдыргылеит еилаарцыруа аиллиуминациа, уахьынаԥшы-ааԥшуа улаԥш иҵашәоит иԥшӡаны иҩычоу аԥсаӡқәа, Ахақәиҭра ашҭаҿы игылоу ашықәсҿыцазтәи аԥсаӡ хада акәзар - зқьы-хкы лашарабагала икаԥха-каҷҷо аҭааҩцәа аргәырӷьоит. Ажәакала, зегь азхиоуп 2023-тәи ашықәс ҿыц аԥылара.Sputnik ашықәсҿыцазтәи аныҳәатә гәалаҟазаара зҿықәыҳәҳәуа афотоҭыхымҭақәа шәзеизнагеит.
Sputnik Аҧсны
media@sputniknews.com
+74956456601
MIA „Rosiya Segodnya“
2022
Sputnik Аҧсны
media@sputniknews.com
+74956456601
MIA „Rosiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rosiya Segodnya“
Sputnik Аҧсны
media@sputniknews.com
+74956456601
MIA „Rosiya Segodnya“
фото, афотосахьақәа
Ашықәс ҿыц ҳазыԥшуп: Аԥсны аныҳәатә гәалаҟазаара
13:00 31.12.2022 (ирҿыцуп: 13:09 31.12.2022) Аԥсны ахьынӡанаӡааӡо Ашықәс ҿыц аҽазыҟаҵара иаҿуп. Sputnik ишәзеизнагеит аныҳәатә гәалаҟазара еиҳагьы иузышьҭызхуа аҭыхымҭақәа.
Сынтәатәи аӡынразы Аԥсны асы амузаргьы, ҳтәыла ахы-аҵыхәеи рҽазыршәеит ашықәсҿыцазтәи аныҳәатә гәалаҟазаара аԥҵара.
Аҳҭнықалақь апаркқәа рҿы ишьақәдыргылеит еилаарцыруа аиллиуминациа, уахьынаԥшы-ааԥшуа улаԥш иҵашәоит иԥшӡаны иҩычоу аԥсаӡқәа, Ахақәиҭра ашҭаҿы игылоу ашықәсҿыцазтәи аԥсаӡ хада акәзар - зқьы-хкы лашарабагала икаԥха-каҷҷо аҭааҩцәа аргәырӷьоит. Ажәакала, зегь азхиоуп 2023-тәи ашықәс ҿыц аԥылара.
Sputnik ашықәсҿыцазтәи аныҳәатә гәалаҟазаара зҿықәыҳәҳәуа афотоҭыхымҭақәа шәзеизнагеит.
Абар-абар Ашықәс ҿыц ҳашәхымс иаадгылоит, Аԥсны уи ргәы хыҭхыҭуа иазыԥшуп. Ақалақьқәа рҿы еилаарцыруа арԥшӡагақәа шьақәдыргылеит, урҭ уахынла оумакала иԥшӡоуп, рыкәша-мыкәша зегь дырлашоит.
Аԥсны аԥсаӡ хада дыргылеит Аҟәа Ахақәиҭра ашҭаҿы.
Аҳҭнықалақь аԥсаӡ уи анхацәа рыдагьы, егьырҭ ақалақьқәеи ақыҭақәеи, иара убас асасцәеи бзиа еицырбаз ҭыԥхеит.
Есышықәсеиԥш, сынтәагьы аԥшәамцәа рыдәқьанқәа рҩычоит, досу еиҳа еиӷьны изырԥшӡо ҳәагьы еиндаҭлоит.
Урҭ убасҟак идырԥшӡеит, уҩналаны ак ааухәандаз ҳәа угәы ааҟалоит.
Акаҳуажәырҭақәа рҿы ачаи ԥха инаҿыхәо иааиуа ашықәс азы иҟаландаз ҳәа ргәы ззыҳәо иалацәажәоит, абзиарақәа ргәы иҭаркуеит.
Ақалақь аҿы игылоу арԥшӡагақәа ирыдгыланы ауаа рфотосахьақәа рҭыхра бзиа ирбоит.
Иаабац аԥсаӡ иаҵәақәа рыдагьы, шьоукы-шьоукы еиуеиԥшым знеишьала аԥсаӡқәа дырхиоит.
![Аҟәатәи аԥсаӡ абар ҩышықәса раахыс илашо "аԥарда" ахакнарҳауеит. - Sputnik Аҧсны](https://cdnn1.img.sputnik-abkhazia.info/img/07e6/0c/1f/1043430060_0:0:3067:2047_600x0_80_0_1_ecd24e81a2b54a8df6fdb0e42d19a837.jpg "Аҟәатәи аԥсаӡ абар ҩышықәса раахыс илашо "аԥарда" ахакнарҳауеит.")
Аҟәатәи аԥсаӡ абар ҩышықәса раахыс илашо "аԥарда" ахакнарҳауеит.
Ашықәс ҿыц – агәазыҳәарақәа рызхәыцреи алҵшәақәа реихшьалареи ираамҭоуп. Зегь реиҳа ихадоу - абзиара шыҟало агәра агароуп!
Аҟәа ақалақь ахадара ари аныҳәа ҷыдала рҽазыҟарҵеит, аҳҭнықалақь акәакьқәа зегьы дырԥшӡеит.
Ауаа ашҭахь ирнеиуеит рҩызцәеи рҭынхацәеи ирыцны, ргәалаҟазаара ашьҭыхразы, акино иахәаԥшразы, ицаҳәцаҳәуа акакао ажәразы.
Ахәылбыҽха аԥсаӡ ауаа еиҳа ирацәаны иадеизалоит, игәырӷьоит, иччоит, ихәмаруеит.
Аҟәатәи атроллеибусқәаҵәҟьа еилаарцыруа лашарабагала ирҩычеит, Ашықәс ҿыц ааира акгьы шагым ауаа идырдыруа.
