Москва имҩаԥысыз аиԥылара ашьҭахь Ҭырқәтәыла ақәшаҳаҭхеит Шьамтәылантәи ар алгара

© AFP 2023 / OMAR HAJ KADOURТурецкие войска на главной автомагистрали между Дамаском и Алеппо, недалеко от города Саракиб в северной провинции Идлиб, 29 августа 2018 года
Турецкие войска на главной автомагистрали между Дамаском и Алеппо, недалеко от города Саракиб в северной провинции Идлиб, 29 августа 2018 года - Sputnik Аҧсны, 1920, 31.12.2022
Анапаҵаҩра
НовостиTelegram
Урыстәыла, Шьамтәыла, Ҭырқәтәыла ртәылахьчарақәа рминистрцәа ари амчыбжь азы х-ганктәи аиҿцәажәарақәа мҩаԥыргеит Москва, шьамтәылатәи акризистә ҭагылазаашьа алҵшьас иҟоу амҩақәа ртәы иалацәажәеит.
АҞӘА, ԥхынҷкәын 31 – Sputnik. Урыстәыла, Шьамтәыла, Ҭырқәтәыла ртәылахьчарақәа рминистрцәа реиԥылара ашьҭахь Анкара ақәшаҳаҭхеит Сириантәи арбџьармчқәа ралгара ҳәа аанацҳауеит шьамтәылатәи агазеҭ Al-Watan Домаск ахыҵхырҭақәа шьаҭас иганы.
Города мира. Тегеран - Sputnik Аҧсны, 1920, 20.07.2022
Урыстәыла, Иран, Ҭырқәтәыла Шьамтәылаз аицҳәамҭа рыдыркылеит
Урыстәыла атәылахьчара аминистрраҟны ирҳәеит "аиԥылара аихшьалақәа рыла, аганқәа ишазгәарҭаз ари ихырҳагоу аформат ала аиԥыларақәа аԥхьаҟагьы ишацҵатәу Араб республикеи иааидкылан арегион зегь аҟны аҭагылазаашьа аҭышәнартәаларазы".
Аусбарҭақәа рхадацәа Москва реиԥылара 11 шықәса раахыс Анкареи Домаски рзы раԥхьатәи аофициал еиԥылароуп ҳәа азгәанаҭоит агазеҭ Hürriyet.
Al-Watan ахыҵхарҭа ишаанацҳауа ала, Москва имҩаԥысыз х-тәылак рминистрцәа реиԥылара иалҵшәаны Аҩада Шьамтәыла игылаз Ҭырқәтәылатәи ар алгахоит.
Ҭырқәтәыла атәылахьчара аминистр Хулуси Акар иҳәеит Сириа ахԥатәи ахәҭа атеррористцәа хылаԥшра ахьарҭо иахҟьаны ҭырқәтәылатәи ар шалагалаз.

"Ҳара аиԥылараҿы иазгәаҳҭеит Шьамтәыла акзаареи асуверенитети ҳшадгыло, ҳара хықәкы заҵәык иҳамоу атеррористцәа рҿагылара ауп. Ҳара иазгәаҳҭеит Шьамтәыла х-хәҭак атеррористтә гәыԥқәа рнапаҵаҟа ишыҟоу", - ҳәа аҳәоит агазеҭ Sabah аминистр иажәақәа ааганы.

Аминистр иазгәеиҭеит, шьамтәылатәи ахҵәацәа машәырда дара ргәазыҳәарыла рыҩныҟа ахынҳәраз аҭагылазаашьа шаԥҵатәу.
Ажәабжьқәа зегьы
0