Микрофон  - Sputnik Аҧсны, 1920
Арадио

Ҳаразиа: ҳџьынџьуаа рырхынҳәра азҵаараҿы узхыҽхәо ҳәа акгьы ыҟаӡам

Ҳаразиа: ҳџьынџьуаа рырхынҳәразы азҵаараҿы узхыҽхәо ҳәа акгьы ыҟаӡам
Анапаҵаҩра
НовостиTelegram
Аԥсадгьыл ахь архынҳәразы аҳәынҭқарратә еилакы ахантәаҩы Вадим Ҳаразиа арадио Sputnik аефир аҿы еиҭеиҳәеит ҳџьынџьуаа рыԥсадгьыл ахь рырхынҳәразы аус иацу ауадаҩрақәа ртәы, шаҟаҩы сынтәа раара алыршахаз, насгьы урҭ Аԥсны рыҟазааразы иаԥҵоу аҭагылазаашьақәа ртәы.
Арепатриант акарта иаҵәа аниоу нахыс хәышықәса ҳара дымҩаԥаҳгароуп, уалс иҳаду - абызшәа ирҵара, аусура аганахьала ацхыраара иҭара, инхара-инҵыра абара ҳәа азгәеиҭеит Ҳаразиа аиҿцәажәараҿы.
"Ҳџьынџьуаа рырхынҳәра азҵаараҿы узхыҽхәо ҳәа акгьы ыҟаӡам. 2022 шықәсазы 223-ҩык аусҳәарҭаҿы иҭагалан атәылауаҩшәҟәы аиуразы. Ари зыхҟьазгьы - аара цәгьахеит. Амҩақьыра ахә ҳаракхеит. Амшын аганахьала амҩа еиҿкаатәуп. Сақәшаҳаҭым Қырҭтәылантәи ҳџьынџьуаа арахь ианаауа, аха уи амҩа иаҳа иалырхуеит, ирзыманшәалоуп аҟынтә", – ҳәа азгәеиҭеит Ҳаразиа.
Аԥсадгьыл ахь архынҳәразы аҳәынҭқарратә еилакы ахантәаҩы еиҭеиҳәеит Иорданиантәи иаараны иҟоу рзы анхарҭатә ҭыԥ аус аиқәыршәара азҵаара ахьынӡанагоу, насгьы еиҭеиҳәеит ахԥатәи ахәыҷы дзауа аҭаацәарақәа рзы аԥара рызшәара аус шцо атәы, уи апроект 2023 шықәсазы ҿыцрақәас иалагалоу.
Иаҳа инарҭбааны аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Ажәабжьқәа зегьы
0