Микрофон  - Sputnik Аҧсны, 1920
Арадио

Кәыҵниаԥҳа: аидеологиа аганахьала ҳцыркьуеит

Ҳазлацәажәаша ҳамоуп: Кәыҵниаԥҳа аетно-парк 2022 шықәсазтәи аусура иазкны
Анапаҵаҩра
НовостиTelegram
Аетнографиатә парк "Аԥсны" амузеи аиҳабы Илона Кәыҵниаԥҳа арадио Sputnik аефир аҿы еиҭалҳәеит изеиԥшрааз иҳаҩсыз ашықәс аетно-парк аусуразы, излахарҭәаахеи аҭоурыхтә обиект, насгьы уи иаҭаараны иҟаз асасцәа рхыԥхьаӡара усҟак изырацәамхаз.
"Апарк иахьа иаҭаараны иахәҭаз ҳәа ҳгәы иззаанагоз хаҭала сара исымбаӡеит, аха, асасцәа рхыԥхьаӡара ҳара ишаҳҭахыз еиԥш ирацәамзаргьы, аҭыԥантәи ауааԥсыра иҟарҵаз агәцаракра ҳгәы шьҭызхуаз ак акәны иҟалеит. Аӡыргара аҭахуп апарк. Аԥсуаа ҳахдырраҿы иҟазароуп ҳҭоурых атәы зҳәо аӡыргара. Риҵа ада акгьы ыҟамызшәа. Убри аан Ашықәс ҿыцазтәи аныҳәақәа рзы ҳара ҩымш заҵәык ракәын аус анаҳамуаз. Амза ҩба рынахыс ҳаартын. Ауаа рацәан. Урҭ аӡәы имҩахигаз ракәӡам, зхатә машьынала хаз-хазы иҟаз ракәын", - ҳәа еиҭалҳәеит Кәыҵниаԥҳа.
Аетнографиатә парк "Аԥсны" амузеи аиҳабы иара убасгьы еиҭалҳәеит ашықәс иалагӡаны апарк аҩнуҵҟа еиҿкааз апроект ҿыцқәа ртәы, урҭ рҷыдарақәа ртәы дазааҭгылеит.
Иаҳа инарҭбааны аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Ажәабжьқәа зегьы
0