Шоигу урыстәылатәи ар рҟны иҟало аиҭакрақәа ртәы далацәажәеит

© Foto / Пресс-служба Минобороны РФ / Амедиаҵәахырҭахь аиасраМинистр обороны РФ С. Шойгу вручил медали "Золотая Звезда" героям спецоперации на Украине
Министр обороны РФ С. Шойгу вручил медали Золотая Звезда героям спецоперации на Украине - Sputnik Аҧсны, 1920, 17.01.2023
Анапаҵаҩра
НовостиTelegram
2022 шықәса нанаҳәамзазы Урыстәыла аррамаҵзура штатла иахысуа рхыԥхьаӡара 1,15 млн. инаӡон.
АҞӘА, ажьырныҳәа 17 - Sputnik. Урыстәыла атәылахьчара аминистр Сергеи Шоигу Урыстәыла Арбџьармчқәа рхыԥхьаӡара аизырҳара азҵаарақәа ирызкны аилацәажәара мҩаԥигеит.
Иара иҳәеит 2023 шықәса инаркны 2026 шықәсанӡа ар рхыԥхьаӡара 1,5 миллионҩык рҟынӡа ишышьақәыргылахо.
Шоигу иазгәеиҭеит азхьаԥшра ҷыда шаҭатәу ар еилаӡарала аррамаҵзура иахысуа рхыԥхьаӡарала ишеизырҳатәу, архәҭақәа рахь ианаҿҳәароу абџьар шынашьҭлатәу, арратә округқәеи арегион ҿыцқәеи рҿы арратә ҽазыҟаҵарҭақәа рхыԥхьаӡара ишацҵатәу, аҟазауаа инарҭбааны ишазырхиалатәу.
Иазгәаҭоуп аҳәынҭқарра арратә шәарҭадара аиҿкаара хәдықәҵара шаҭалатәу, аҵакыра ҿыцқәа шыхьчалатәу Арбџьармчқәа рыструктуратә еилазаарақәа рырӷәӷәарала:
иаԥҵатәуп АМ рырстратегиатә ҵакыратә еидҵара ҿыцқәа ҩба – Москватәии Ленинградтәии арратә округқәа, иара убасгьы Урыстәыла адгьылҵакыра ҿыцқәа рҿы ар ргәыԥқәа;
Ареспублика Карелиа аҿы еиҿкаатәуп х-дивизиак иҟоу амотошьаҟацәа рыла ишьақәгылоу ар ркорпуси, Аҳаир-десанттә ар рдесант-жәыларатә дивизиақәа ҩбеи;
Мраҭашәара, Мрагылара, Ацентртә арратә округқәеи Аҩадатәи афлоти рҿы иҟоу амотошьаҟацәа рыбригадақәа быжьба амотохысратә дивизиақәа ҳәа ишьақәыргылатәуп;
ирӷәӷәатәуп Арра-мшынтә флот, Аҳаир-космостә мчрақәа, астратегиатә хырхарҭа змоу Аракетатә ар.
Ажәабжьқәа зегьы
0