Микрофон  - Sputnik Аҧсны, 1920
Арадио

Воуԥҳа еиҭалҳәеит, аинфекциатә хәшәтәырҭа хәшәылеи афымцалашаралеи иахьынӡеиқәшәоу атәы

Воуԥҳа еиҭалҳәеит, аинфекциатә хәышәтәырҭа хәшәылеи афымцалашаралеи иахьынӡеиқәшәо атәы
Анапаҵаҩра
НовостиTelegram
Агәабзиарахьчара аминистр Аҟәатәи аинфекциатә хәшәтәырҭаҿы аусуратә еизара мҩаԥигеит. Уи иалахәыз аҳҭнықалақь ахадара агәабзиарахьчара аусбарҭа аиҳабы Ирма Воуԥҳа арадио Sputnik аефир аҿы еиҭалҳәеит, агрипп иадҳәаланы ишьақәгылаз аҭагылазаашьаҿы рымчқәа ахьынӡеизхо, ахәшәтәырҭа хәшәла иахьынӡеиқәшәоу.
Аилацәажәараҿы Воуԥҳа дазааҭгылеит ачымазҩцәа рыхәшәтәра аус шцо, афымцалашара арцәара шырныруа уҳәа ртәы.
"Ахәшәқәа рганахьала аԥсшьарамшқәа рзы ибзиан еиқәыршәан ахәшәтәырҭа. Есыҽны астационар аҿы иҟан 40-45-ҩык рҟынӡа. Амбулатортә хәшәтәра зауз ракәзар, мышкы рхыԥхьаӡара 200-ҩык рҟынӡа инаӡеит. Ахәыҷқәа рацәаҩны ишьҭан, уажәазы имаҷҩуп. Адуцәа ракәзар, уажәы ахәшәтәырҭа ҭәуп ишьҭоу ачымазҩцәа рыла", - ҳәа адырра ҟалҵеит Воуԥҳа.
Ачымазара уажәы илаҟәит, аха уажәы ашколқәа рааҭра агәҭынчымра ҳазцәырнагоит ҳәа азгәалҭеит арадиоефир аҿы аҳҭнықалақь ахадара агәабзиарахьчара аусбарҭа аиҳабы.
Ирма Воуԥҳа иара убасгьы илҳәеит ахәышәтәырҭаҿы иҟоу адизель шыԥхасҭахаз, иара аусура иаладыргаанӡа, ахәшәтәырҭаҿы алашара дырцәаӡом "Амшынеиқәафымцамч" Аҟәатәи аҟәшахьы иҟаҵаз аҳәарала.
Иаҳа инарҭбааны аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Ажәабжьқәа зегьы
0