Микрофон  - Sputnik Аҧсны, 1920
Арадио

Хра злоу ахҭысқәа: ашколқәа рҿы апсихологцәа рыҟамзаареи урҭ рҭахреи иазкны

Хра злоу ахҭысқәа: ашколқәа рҿы апсихологцәа рыҟамзаара иазкны
Анапаҵаҩра
НовостиTelegram
ААУ аҟны зҵара хзыркәшаз апсихологцәа шаҟаҩы ҳамада, есышықәса иреиҳау аҵараиурҭа иалго аспециалистцәа абацо, дара абжьаратә ҵараиурҭақәа рҿы рыҟазаара абанӡахымԥадатәиу, абри атәы арадиоефир аҿы еиҭарҳәеит, Аҟәатәи афбатәи абжьаратә школ апсихолог Алиса Агәхааԥҳаи, ААУ аинформациеи амедиакоммуникациақәеи рыҟәша анапхгаҩы Алхас Чхамалиеи, иара убас, Очамчыра араин аҵараҟәша аиҳабы ихаҭыԥуаҩ Вахтанг Амҷба.
Аԥсны Ахәыҷы изинқәа рыхьчаразы азинмчра змоу Мактина Џьынџьалԥҳа лыпресс-конференциаҿ илҳәеит, ашколқәа рҿы апсихологцәа шазымхо, убри аан ААУ аҿы есышықәса иаурышьҭуеит ари азаанаҭ ала аҵара зҵо. Иреиҳаӡоу аҵариурҭа ахаҭарнак Алхас Чхамалиа иажәақәа рыла, апсихологцәа разыҟаҵара иалагеит 2008 шықәса рзы. Иахьа уажәраанӡа ари азанааҭ ала рҵара хдыркәшахьеит 180-ҩык, убри ари ахырхарҭала аҵара аҵаразы аԥара хшәаатәуп.
Апсихолог Алиса Агәхааԥҳа лажәақәа рыла, аҵара хзыркәшо ирызхаӡом аԥышәа, ашколқәа рҿы аусура иалагарцаз, рхы иақәгәыӷӡом, убри ауп еиҳаракгьы ирԥынгыло ҳәа азгәалҭеит лара. Алиса иара убасгьы еиҭалҳәеит ашкол аҿы лусура шышьақәгылоу, иҟоу ауадаҩрақәа ртәы.
Очамчыра араин аҵараҟәша аиҳабы ихаҭыԥуаҩ Вахтанг Амҷба иҳәеит, араионтә школқәа рҿы зынӡагьы ишыҟам апсихолог иштат, убри аан иара иҟазаара аҭахны ишыҟоу. Уаанӡа уи инаигӡо аусура арҵаҩы ихахьы игон, аха уажәы уи уадаҩхеит ҳәа азгәаиҭеит Амҷба.
Иаҳа инарҭбааны аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Ажәабжьқәа зегьы
0