Микрофон  - Sputnik Аҧсны, 1920
Арадио

Ҳаразиа Аԥсны Аконституциазы: ахәыҷқәа ирызнагахар ауеит акласстә сааҭ аан

Ҳаразиа Аԥсны Аконституциазы: ахәыҷқәа ирызнагахар ауеит акласстә сааҭ аан
Анапаҵаҩра
НовостиTelegram
Аԥсны Аконституциа ахәыҷқәа иаҳа ирмарианы еилыркаарц азы ирызҭыжьу ашәҟәқәа ашколқәа ирзеихшоуп. Ианбалаго уи аҵаҩцәа рызнагара, ишԥахысло, рдыррақәа атәыла азакәан хадазы иахьынӡаханарҭәаауа атәы еиҭеиҳәеит Гәдоуҭа араион аҵараҟәша аиҳабы Адамыр Ҳаразиа.
Аԥсны аҵареи абызшәатә политикеи аминистрра сахьала иҩычоу ахәыҷқәа рзы Аконституциа 1500 цыра ашколқәа ирзыршеит, школцыԥхьаӡа 10 -10 шәҟәы. Ашәҟәы аҭыжьра лаԥшьгамҭоуп Аконституциатә ӡбарҭа аиҳабы Лиудмила Хоџьашьвили. Ашәҟәаҿы бызшәа мариала иалацәажәоуп аҳәынҭқарра закәу, атәылауаа зинқәаси хақәиҭрақәаси ирымоу, амчра ахырхарҭа хадақәа хԥа реинырра шеиҿкаатәу.
"Ашкол аҟны ари ашәҟәы урокны иаларҵәаны, асааҭ азкны ҳәа уи аформа ашҟа ҳмиасӡацт, аха ухы иаурхәаратәы иҟоуп акласстә сааҭны. Хымԥада, аҳәынҭқарра Аконституциа аиҳабыратә классқәа рҟны аҭоурых инагәылаҵаны ҳахәаԥшуеит, аха инеиҵыхны ахәыҷқәа ашколаҟны ианнеи инаркны изаку рдырыртә еиԥш макьана ус аҭагылазаашьа ҳамамызт", - иҳәеит Ҳаразиа.
Иара иазгәеиҭеит, ашколқәа рҿы уажәшьҭа рхы иадырхәар шалшо Аконституциа ахәыҷқәа рзы ашәҟәқәа аиҵбыратә классқәа рҿы аграждантә-патриоттә знеишьала.
Аицәажәара инеиҵыхны ишәаҳар шәылшоит аудиофаил аҟны хыхь.
Ажәабжьқәа зегьы
0