Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Гагра ақалақь агәҭа ашәахьа аахыс лашарада иҟоуп

© Fotolia / Aleksandr VolkovЭлектрические лампочки
Электрические лампочки  - Sputnik Аҧсны, 1920, 07.02.2023
Анапаҵаҩра
Гагра ақалақь агәҭа игылоу хәба-фба ҩнеихагыла лашарада иҟоуп.
АҞӘА, жәабран 7 - Sputnik, Бадри Есиава. Гагра ақалақь агәҭа алашара ыцәеит ашәахьа жәабран 6 рзы.
Афымцалашара арцәара ахҟьеит авольтҳарак цәаҳәа иаиуз ааха ҳәа Sputnik акорреспондент изеиҭеиҳәеит "Амшынеиқәафымцамч" гагратәи аҟәша аиҳабы Аслан Аиба.

"Авольтҳарак цәаҳәа астанциаеиҵа аҟынтәи ицоз ааха аиуит. Ҳара уажәы аҳауатә цәаҳәа ашьақәыргылара ҳаҿуп. Лашарада иҟоуп Гагра аагәыи-асасааирҭа "Аԥсны" иахьаҵанакуеи. Уаҟа хәба-фба ҩнеихагыла лашарада иҟоуп. Амш иалагӡаны аусурақәа хыркәшахоит", - ҳәа иҳәеит иара.

Аиба иажәақәа рыла, афымцацәаҳәа аусура аиԥҟьара ахҟьеит алашара лассы-ласс арцәара.
Ажәабжьқәа зегьы
0