Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Аҟәа имҩаԥысит Екатерина Бебиаԥҳа лышәҟә ҿыц аӡыргара

© Foto / пресс-служба АГУ В АГУ прошла презентация книги Екатерины Бебия "Средства массовой информации в условиях глобализации"
В АГУ прошла презентация книги Екатерины Бебия Средства массовой информации в условиях глобализации - Sputnik Аҧсны, 1920, 26.02.2023
Анапаҵаҩра
Ашәҟәы шьақәгылоуп жә-хык рыла, иаарԥшуп ажурналисттә етика, автор изинқәа, иахьатәи аамҭаз имҩаԥысуа апроцессқәа аԥсуа журналистика ишаныԥшыз.
АҞӘА, жәабран 26 – Sputnik, Сариа Кәарацхьиаԥҳа. Еицырдыруа аԥсуа журналист Екатерина Бебиаԥҳа лышәҟә ҿыц "Средства массовой информации в условиях мировой глобализации" аӡыргара мҩаԥысит Аҟәа.

Автор лажәақәа рыла, ари аҵыхәтәантәи 15 шықәса раахыс аус здылуоз 50 лышәҟәы ауп.

"Ашәҟәы аҭыжьраз ихианы ишьҭеижьҭеи акрааҵуан, 10 шықәса раахыс аҭыжьра залыршамхеит. Ишыжәдыруа еиԥш аинформациатә хархәагақәа ҭыԥкаҿ игылаӡам, рҽырԥсахуеит. Ашәҟәы иагәылоуп ари аамҭа иалагӡаны аԥсуа журналистика аҽшаԥсахыз. Ааи, аҭыжьраҿ иҟан ауадаҩрақәа. Аха ишырҳәо еиԥш, зегь дара раамҭа рымоуп", - ҳәа азгәалҭеит Бебиаԥҳа.
Ашәҟәы "Средства массовой информации в условиях мировой глобализации" аиҳарак аԥсышәала иҩуп, аха иҟоуп урысшәала астатиақәагьы.
Журналист Елена Зубаркина прочла лекцию студентам АГУ - Sputnik Аҧсны, 1920, 21.02.2023
Аԥсны
Урыстәылатәи ажурналист Елена Зубаркина ААУ аҟны алекциа мҩаԥылгеит
Ашәҟәы шьақәгылоуп жә-хык рыла, иаарԥшуп ажурналисттә етика, автор изинқәа, иахьатәи аамҭаз имҩаԥысуа апроцессқәа аԥсуа журналистика ишаныԥшыз, АИХқәа рыҟны аӡыргара ахықәкы. Иара убас иаарԥшуп ауаажәларра ргәаанагареи АИХқәеи реимадара.
Арҵагатә шәҟәы "Средства массовой информации в условиях мировой глобализации" ҭыжьуп Краснодар, атираж 300 цыра ыҟоуп. Ашәҟәы макьана аҭирҭақәа рахь инагаӡам.
Екатерина Бебиаԥҳа – Аԥсны зҿаԥсазтәыз ажурналист, апублицист, апрофессор, афилологиатə ҭҵаарадыррақəа рдоктор, Аԥсны иреиҳау аҵара зҽаԥсазтәыз аусзуҩы. Иланашьоуп "Агәымшәаразы" амедали "Ахьӡ-Аԥша" аорден ахԥатәи аҩаӡареи.
Ажәабжьқәа зегьы
0