Урыстәыла азхьаԥшра ду анаҭоит Аԥсни Аахыҵ Уаԥстәылеи адгылара рыҭара

© Foto / Министерство Культуры РАФлаг Абхазии и России
Флаг Абхазии и России  - Sputnik Аҧсны, 1920, 31.03.2023
Анапаҵаҩра
АҞӘА, хәажәкыра 31 - Sputnik. Урыстәыла азхьаԥшра ду анаҭоит Аԥсни Аахыҵ Уаԥстәылеи адгылара рыҭара, жәларбжьаратәи азин ашьаҭала арҭ аҳәынҭқаррақәа рхала иалырхыз Урыстәылеи дареи реиҩызара арҿиаразы амҩа инақәыршәаны. Абас азгәаҭоуп атәыла адәныҟатә политика аконцепциа аҟны.
"Урыстәыла иагәҭакуп иҷыдоу азхьаԥшра рырҭаларц Аԥсни Аахыҵ Уаԥстәылеи, ИАР атәыла-лахәылақәеи, ЕАЕЕ атәыла-лахәылақәеи, Урыстәыла изианы иазыҟоу аҳәынҭқаррақәеи, иара убас Урыстәыла аганахь ала аконструктивтә политика мҩаԥызго аҿиарамҩа иану аҳәынҭқаррақәеи рсоциал-економикатә ҿиара", - аҳәоит аконцепциа атекст.
Адокумент егьырҭ аԥҟарақәа:
Урыстәыла ахы ҳәаақәнаҵеит аҷыдаҟазшьа змоу ацивилизациатә тәыланы, аурыс дунеи иашьагәыҭны, евразиатәии аокеанҭынчтәии ҳәынҭқарраны, адунеитә ҿиара ихьыԥшым центрны.
Урыстәыла Мраҭашәара иаӷаны ахы аԥхьаӡом, ахгьы алнакӡом, аимак шыхшыҩдоу еилыркаап ҳәагьы игәыӷуеит.
Урыстәыла иагәҭакуп ЕААи егьырҭ ҳәынҭқаррақәаки адунеитә усқәа рҿы зегь рхагылараз рԥыжәара аԥыхра.
XXI ашәышықәсазы Урыстәыла иапроект хаданы иҟоуп –Евразиа иаку изеиԥшкантиненталтәу, иҭышәынтәалоу, агәреибагара змоу, иҿиоу, ишәҭыкакаҷуа ҵакыраны аҟаҵара.
Аҵак ду аманы иашьоит Китаии Индиеи иареи реизыҟазаашьақәа.
Урыстәыла ԥхьаҟагьы абиологиатә абџьар, аиҳаракгьы иара иаԥну атәылақәа рҿы, аус адулареи аҟазаареи ҭнаҵаалоит.
Агуманитартә политика аганахь ала аурысцәымӷра аполитика иаҿагыланы иахьчалоит аурыс бызшәа, акультура, аспорт, адин, аҭоурыхтә иашара.
Ажәабжьқәа зегьы
0