https://sputnik-abkhazia.info/20230407/amab-asua-khyy-aynarrat-universitet-any-ioua-akhagylara-daaara-imour-aloit-1045100009.html
Амқәаб: аԥсуа хәыҷы аҳәынҭқарратә университет аҟны иоуа ахаҵгылара, даҽаџьара имоур ҟалоит
Амқәаб: аԥсуа хәыҷы аҳәынҭқарратә университет аҟны иоуа ахаҵгылара, даҽаџьара имоур ҟалоит
Sputnik Аҧсны
Адкыларатә кампаниа 2023 аҳәаақәа ирҭагӡаны Аԥснытәи аҳәынҭқарратә университет аҟны апрофориентациатә усура хыркәшоуп. Афакультетқәа рдеканцәа злахәыз... 07.04.2023, Sputnik Аҧсны
2023-04-07T11:30+0300
2023-04-07T11:30+0300
2023-04-07T11:30+0300
арадио
аԥсны
аподкаст
https://cdnn1.img.sputnik-abkhazia.info/img/07e7/04/06/1045100138_0:0:1500:844_1920x0_80_0_0_2dabca632108078810fae1eeeb19fbc5.jpg
Амқәаб: аԥсуа хәыҷы иҳәынҭқарратә университет аҟны иоуа ахаҵгылара, даҽаџьара имоур ҟалоит
Sputnik Аҧсны
Амқәаб: аԥсуа хәыҷы иҳәынҭқарратә университет аҟны иоуа ахаҵгылара, даҽаџьара имоур ҟалоит
Адкыларатә кампаниа 2023 аҳәаақәа ирҭагӡаны Аԥснытәи аҳәынҭқарратә университет аҟны апрофориентациатә усура хыркәшоуп. Афакультетқәа рдеканцәа злахәыз аиԥыларақәа мҩаԥган раионцыԥхьаӡа. Аректор иабжьгаҩ, афилологиатә факультет ажурналистика акафедра аиҳабы Гурам Амқәаб арадио Sputnik аефир аҟны еиҭеиҳәеит ас еиԥш ауснагӡатә аҟынтәи ауниверситет аҟны иззыԥшу алҵшәақәа ртәы.Уажәшьҭа хәышықәса ирықәуп ас еиԥш аиҿкааратә ус ауниверситет имҩаԥнагоижьҭеи, иара иреиҳаӡоу аҵараиурҭа аҭалара зҭаху даара иарманшәалоит ҳәа азгәеиҭеит ицәажәараҟны Амқәаб."Ахәыҷқәа араионқәа рҟны ирԥылоит ауниверситет аҿы аус зуа арҵаҩцәа, иреилдыркаауеит аԥышәарақәа шымҩаԥысуа, насгьы ахырхарҭа алхраҟны ирыцхраауеит. Ахәыҷқәа иҟарҵо азҵаарақәа рҭакқәа зегь роуеит. Аиԥыларақәа сгәаанагарала аинтерес аҵаны имҩаԥысуеит, насгьы ауниверситет иаҳа абитуриентцәа аднаԥхьалоит", - иҳәеит Амқәаб.Иара инарҭбааны убасгьы дазааҭгылеит ауниверситет ажурналистика аҟәшахьы зхы зырхо абитуриент идыргало азанааҭқәа ртәы.Амқәаб иазгәеиҭеит аҳәаанырцә аҵарахьы ицо аԥсуа ҿар рхыԥхьаӡара шырацәоу. Убри аан уи еснагь иаанагаӡом уаҟа ироуа адыррақәа рыҩаӡара иаҳа иҳаракхоит ҳәа, избанзар ихьысҳау ауниверситетқәа маҷӡам."Аԥсуа хәыҷы ҳара ҳшихаҵгыло еиԥш, даҽаџьара дахьнеиуа ус ихаҵгылаӡом, убри аҟынтәи рҳәынҭқарраҟны аҵара рҵар иаҳа еиӷьуп ҳәа сыԥхьаӡоит. Иԥсҭазаара аԥсуа ҳәынҭқарра иазикыр иҭахызар, аҳәынҭқарратә университет аҟны аҵара иҵароуп, избанзар ара ишидырҵо еиԥш, даҽаџьара идмырҵар ҟалоит", - иҳәеит Амқәаб.Аицәажәара инеиҵыхны ишәаҳар шәылшоит аудиофаил аҟны хыхь.
Sputnik Аҧсны
media@sputniknews.com
+74956456601
MIA „Rossiya Segodnya“
2023
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
аԥсны, аподкаст, аудио
Адкыларатә кампаниа 2023 аҳәаақәа ирҭагӡаны Аԥснытәи аҳәынҭқарратә университет аҟны апрофориентациатә усура хыркәшоуп. Афакультетқәа рдеканцәа злахәыз аиԥыларақәа мҩаԥган раионцыԥхьаӡа. Аректор иабжьгаҩ, афилологиатә факультет ажурналистика акафедра аиҳабы Гурам Амқәаб арадио Sputnik аефир аҟны еиҭеиҳәеит ас еиԥш ауснагӡатә аҟынтәи ауниверситет аҟны иззыԥшу алҵшәақәа ртәы.
Уажәшьҭа хәышықәса ирықәуп ас еиԥш аиҿкааратә ус ауниверситет имҩаԥнагоижьҭеи, иара иреиҳаӡоу аҵараиурҭа аҭалара зҭаху даара иарманшәалоит ҳәа азгәеиҭеит ицәажәараҟны Амқәаб.
"Ахәыҷқәа араионқәа рҟны ирԥылоит ауниверситет аҿы аус зуа арҵаҩцәа, иреилдыркаауеит аԥышәарақәа шымҩаԥысуа, насгьы ахырхарҭа алхраҟны ирыцхраауеит. Ахәыҷқәа иҟарҵо азҵаарақәа рҭакқәа зегь роуеит. Аиԥыларақәа сгәаанагарала аинтерес аҵаны имҩаԥысуеит, насгьы ауниверситет иаҳа абитуриентцәа аднаԥхьалоит", - иҳәеит Амқәаб.
Иара инарҭбааны убасгьы дазааҭгылеит ауниверситет ажурналистика аҟәшахьы зхы зырхо абитуриент идыргало азанааҭқәа ртәы.
Амқәаб иазгәеиҭеит аҳәаанырцә аҵарахьы ицо аԥсуа ҿар рхыԥхьаӡара шырацәоу. Убри аан уи еснагь иаанагаӡом уаҟа ироуа адыррақәа рыҩаӡара иаҳа иҳаракхоит ҳәа, избанзар ихьысҳау ауниверситетқәа маҷӡам.
"Аԥсуа хәыҷы ҳара ҳшихаҵгыло еиԥш, даҽаџьара дахьнеиуа ус ихаҵгылаӡом, убри аҟынтәи рҳәынҭқарраҟны аҵара рҵар иаҳа еиӷьуп ҳәа сыԥхьаӡоит. Иԥсҭазаара аԥсуа ҳәынҭқарра иазикыр иҭахызар, аҳәынҭқарратә университет аҟны аҵара иҵароуп, избанзар ара ишидырҵо еиԥш, даҽаџьара идмырҵар ҟалоит", - иҳәеит Амқәаб.
Аицәажәара инеиҵыхны ишәаҳар шәылшоит аудиофаил аҟны хыхь.
