https://sputnik-abkhazia.info/20230411/bganba-aaay-akyn-bziala-uaabeit-usadgyl-akh-a-ansaia-dysgydysaleit--1045213742.html
Бганба: аҳәааҿы аҷкәын "бзиала уаабеит уԥсадгьыл ахь" ҳәа ансаиҳәа, дысгәыдысҳәҳәалеит
Бганба: аҳәааҿы аҷкәын "бзиала уаабеит уԥсадгьыл ахь" ҳәа ансаиҳәа, дысгәыдысҳәҳәалеит
Sputnik Аҧсны
Ҳазҭоу ашықәс азы 30 шықәса ҵит Аԥсадгьыл ахь ахынҳәаразы аҳәынҭқарратә еилакы аԥҵоижьҭеи. Арадио Sputnik апроект "Зхьышьҭра змырӡыз" аҿы ишәаҳар шәылшоит... 11.04.2023, Sputnik Аҧсны
2023-04-11T16:48+0300
2023-04-11T16:48+0300
2023-05-02T15:08+0300
арадио
аԥсны
аподкаст
арепатриациа
зхьышьҭра змырӡыз
https://cdnn1.img.sputnik-abkhazia.info/img/07e7/04/0b/1045215268_0:0:2867:1614_1920x0_80_0_0_83f7c59460eb6d70ecdb9e4c6bc29fa0.jpg
Зхьышьҭра змырӡыз: Альпер Бганба Аԥсныҟа нхараҳәа иаара шыҟалаз иазкны
Sputnik Аҧсны
Зхьышьҭра змырӡыз: Альпер Бганба Аԥсныҟа нхараҳәа иаара шыҟалаз иазкны
Бганаа рыжәла Гәбаадәы иалҵыз ҳәа иԥхьаӡоуп, аха Альпер иабшьҭра Аҟәантә ауп амҳаџьырра ишыргаз. Иабду иаб иоуп арантә ицаз, иара11 шықәса ихыҵуан ҳәа азгәеиҭеит Альпер аиҿцәажәараҿы."Ахҵәара ашьҭахьгьы иара Аԥсныҟа даауан, Нестор Лакәабеи Ефрем Ешбеи дырҩызан. Иара иҭоурых атәы еиҭарҳәоит ара инхо аиҳабацәа. Иара иҭабуп ҳәа иасҳәоит, избанзар Бганы Шәлиман иԥсадгьыл ахь имаз агәбылра, сара сакәӡам, сышьҭахь ииуа аҵеицәагьы ирызхоит", - ҳәа азгәеиҭеит Альпер.Аԥсныҟа даахьан Альпер иабгьы, иара аԥсышәала аҩышьа аԥхьашьа идыруан, Аԥсны иадҳәалаз ажәабжьқәа саҳауан схы здыруеижьҭеи ҳәа еиҭеиҳәеит Альпер. Аха усҟантәи аамҭазы Ҭырқәтәылагьы имариамызт атәым жәларқәа рыӷьацара, атәыла имҩаԥнагоз аполитика иацныҟәатәын, аԥсуа хьыӡқәа ахәыҷқәа ирыхьӡырҵар ҟаломызт, аамҭа цәгьақәа ыҟан уа ҳажәлар рзгьы ҳәа иҳәеит Бганба.Альпер раԥхьаӡа акәны Аԥсныҟа дааит аибашьра ианалага. Раԥхьатәи агәыԥ дақәымшәеит, Сҭампыл аҵара иҵон, аха ихала ашәҟәқәа еиқәыршәаны, аԥара еизганы дааит."Сҭаацәа рзы асалам шәҟәы ааныжьны сдәықәлеит. Аԥсны бзиа ирбон, аха еибашьроуп азин сырымсҭар ҳәа сшәон, маӡала сааит. Раԥхьаӡа Ԥсоу аҳәааҿы санааи аԥсуа бираҟ кнаҳауп, аԥсуа нбанқәа хәыҷык издыруан, "бзиала шәаабеит" ҳәа ианызба, сылаӷырӡ леит. Спаспорт анрысҭа, "бзиала уаабеит уԥсадгьыл ахь" ҳәа ансаиҳәа, сыԥан дгәыдыскылеит аҷкәын", - ҳәа игәалаиршәеит Альпер.Иаҳа инарҭбааны аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Sputnik Аҧсны
media@sputniknews.com
+74956456601
MIA „Rosiya Segodnya“
2023
Sputnik Аҧсны
media@sputniknews.com
+74956456601
MIA „Rosiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rosiya Segodnya“
Sputnik Аҧсны
media@sputniknews.com
+74956456601
MIA „Rosiya Segodnya“
аԥсны, аподкаст, аудио, арепатриациа, зхьышьҭра змырӡыз
аԥсны, аподкаст, аудио, арепатриациа, зхьышьҭра змырӡыз
Бганба: аҳәааҿы аҷкәын "бзиала уаабеит уԥсадгьыл ахь" ҳәа ансаиҳәа, дысгәыдысҳәҳәалеит
16:48 11.04.2023 (ирҿыцуп: 15:08 02.05.2023) Ҳазҭоу ашықәс азы 30 шықәса ҵит Аԥсадгьыл ахь ахынҳәаразы аҳәынҭқарратә еилакы аԥҵоижьҭеи. Арадио Sputnik апроект "Зхьышьҭра змырӡыз" аҿы ишәаҳар шәылшоит Аԥсныҟа ихынҳәыз ҳџьынџьуаа рҭоурыхқәа, рхәыцрақәа.
Бганаа рыжәла Гәбаадәы иалҵыз ҳәа иԥхьаӡоуп, аха Альпер иабшьҭра Аҟәантә ауп амҳаџьырра ишыргаз. Иабду иаб иоуп арантә ицаз, иара11 шықәса ихыҵуан ҳәа азгәеиҭеит Альпер аиҿцәажәараҿы.
"Ахҵәара ашьҭахьгьы иара Аԥсныҟа даауан, Нестор Лакәабеи Ефрем Ешбеи дырҩызан. Иара иҭоурых атәы еиҭарҳәоит ара инхо аиҳабацәа. Иара иҭабуп ҳәа иасҳәоит, избанзар Бганы Шәлиман иԥсадгьыл ахь имаз агәбылра, сара сакәӡам, сышьҭахь ииуа аҵеицәагьы ирызхоит", - ҳәа азгәеиҭеит Альпер.
Аԥсныҟа даахьан Альпер иабгьы, иара аԥсышәала аҩышьа аԥхьашьа идыруан, Аԥсны иадҳәалаз ажәабжьқәа саҳауан схы здыруеижьҭеи ҳәа еиҭеиҳәеит Альпер. Аха усҟантәи аамҭазы Ҭырқәтәылагьы имариамызт атәым жәларқәа рыӷьацара, атәыла имҩаԥнагоз аполитика иацныҟәатәын, аԥсуа хьыӡқәа ахәыҷқәа ирыхьӡырҵар ҟаломызт, аамҭа цәгьақәа ыҟан уа ҳажәлар рзгьы ҳәа иҳәеит Бганба.
Альпер раԥхьаӡа акәны Аԥсныҟа дааит аибашьра ианалага. Раԥхьатәи агәыԥ дақәымшәеит, Сҭампыл аҵара иҵон, аха ихала ашәҟәқәа еиқәыршәаны, аԥара еизганы дааит.
"Сҭаацәа рзы асалам шәҟәы ааныжьны сдәықәлеит. Аԥсны бзиа ирбон, аха еибашьроуп азин сырымсҭар ҳәа сшәон, маӡала сааит. Раԥхьаӡа Ԥсоу аҳәааҿы санааи аԥсуа бираҟ кнаҳауп, аԥсуа нбанқәа хәыҷык издыруан, "бзиала шәаабеит" ҳәа ианызба, сылаӷырӡ леит. Спаспорт анрысҭа, "бзиала уаабеит уԥсадгьыл ахь" ҳәа ансаиҳәа, сыԥан дгәыдыскылеит аҷкәын", - ҳәа игәалаиршәеит Альпер.
Иаҳа инарҭбааны аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
