https://sputnik-abkhazia.info/20230415/opua-eieieit-yrtylanti-asnya-atauara-raagarazy-irydyrkylaz-abama-aty-1045285081.html
Џьопуа еиҭеиҳәеит Қырҭтәылантәи Аԥсныҟа атауарқәа раагаразы ирыдыркылаз аӡбамҭа атәы
Џьопуа еиҭеиҳәеит Қырҭтәылантәи Аԥсныҟа атауарқәа раагаразы ирыдыркылаз аӡбамҭа атәы
Sputnik Аҧсны
Аԥсны ахада Аслан Бжьаниа хәажәкыра 31 рзы инапы аҵаиҩит Қырҭтәылеи Аԥсни рҳәаа захыгара ҟало атауарқәеи амаругақәеи рсиа шьақәзыргылаз адҵаԥҟа. 15.04.2023, Sputnik Аҧсны
2023-04-15T09:20+0300
2023-04-15T09:20+0300
2023-04-15T10:07+0300
аԥсны
ажәабжьқәа
https://cdnn1.img.sputnik-abkhazia.info/img/07e5/08/0f/1033039532_0:0:3073:1728_1920x0_80_0_0_2bada8f9c9dd33a6fbf87a6de3e22f73.jpg
АҞӘА, мшаԥы 15 - Sputnik. Аԥсны ахада 2007 шықәсазтәи идҵаԥҟаҿы аԥсуа-ақырҭуа ҳәаа захыгара алшо атауарқәа рсиа иазку аиҭакрақәа ралагалара аҭаххеит ақыҭанхамҩа аминистрра аҿиара апрограмма анагӡара алыршаразы. Абри атәы арадио Sputnik аҿы иҳәеит аԥыза-министр ихаҭыԥуаҩ, ақыҭанхамҩа аминистр Беслан Џьопуа.Иара иажәақәа рыла, Аԥсны иҟоу ааӡарҭа иалшаӡом асубтропикатә ҵиаақәа реиҭаҳатәқәа рыла апрограмма аиқәыршәара. Урыстәылатәи ааӡарҭақәа ракәзар, урҭ рҩызцәа рымаӡам, убри амшала Аԥсныҟа Қырҭтәылантәи иааргоит досу ишишло ала. Иара инаҵишьит, аҵиаақәа арахь аҭиразы акәымкәа, апрограмма иалахәу рзы шакәу ишааргало. Аԥыза-министр ихаҭыԥуаҩ иазгәеиҭеит "ажәлар ирцәыҵәахны иҟарҵеит" ҳәа шьоукы ишырҳәогьы, уи ус акәмызт. Џьопуа иажәақәа рыла, Аԥсны аџьармыкьақәа рҿы уажәы Қырҭтәылатәи атауарқәа ыҟоуп, аха урҭ рхыԥхьаӡара шаҟа ыҟоу, насгьы иахьынтәиаагоу аиларгара уадаҩуп.Аиҭакрақәа аналаргалалак, иара ишиҳәаз ала, ААҬ "Егры" аҿы ишахәҭоу еиԥш акарантинтәи аҳазалхратәи маҵзурақәа аусура иалагоит, иалагалахо атауар абаџь ақәҵахоит, иаҭаххаргьы, алабораториақәа рҿы иҭҵаахоит.Қырҭтәылеи Аԥсни рҳәаа захыгара ҟало атауарқәеи амаругақәеи рсиа шьақәзыргылаз адҵаԥҟа Аԥсны ахада Аслан Бжьаниа инапы аҵаиҩит хәажәкыра 31 рзы.Аҵыхәтәантәи аиҭакрақәа инарықәыршәаны, Қырҭәылантәи Аԥсныҟа ралагалара алшоит шықәсык зхыҵуеи шықәсырацәала изызҳауеи акультурақәа реиҭаҳатәқәа, ақыҭанхамҩатә культурақәа реиҭаҳатә, ажәла, зыԥсы ҭоу аҩнатә ԥсаатә, аԥстәқәа рыфатә, ақыҭанхамҩатә техника, автомобилтә хархәагақәа, атранспорттә хархәагақәа рыхәҭақәа, ахәшахьшьтәқәа.
https://sputnik-abkhazia.info/20230412/akhatkhaa-rymatsara-yrtylei-asni-raa-iakhugar-ialo-atauarei-ur-manyzgar-zylshoi-1045224548.html
Sputnik Аҧсны
media@sputniknews.com
+74956456601
MIA „Rossiya Segodnya“
2023
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа
Џьопуа еиҭеиҳәеит Қырҭтәылантәи Аԥсныҟа атауарқәа раагаразы ирыдыркылаз аӡбамҭа атәы
09:20 15.04.2023 (ирҿыцуп: 10:07 15.04.2023) Аԥсны ахада Аслан Бжьаниа хәажәкыра 31 рзы инапы аҵаиҩит Қырҭтәылеи Аԥсни рҳәаа захыгара ҟало атауарқәеи амаругақәеи рсиа шьақәзыргылаз адҵаԥҟа.
АҞӘА, мшаԥы 15 - Sputnik. Аԥсны ахада 2007 шықәсазтәи идҵаԥҟаҿы аԥсуа-ақырҭуа ҳәаа захыгара алшо атауарқәа рсиа иазку аиҭакрақәа ралагалара аҭаххеит ақыҭанхамҩа аминистрра аҿиара апрограмма анагӡара алыршаразы. Абри атәы
арадио Sputnik аҿы иҳәеит аԥыза-министр ихаҭыԥуаҩ, ақыҭанхамҩа аминистр Беслан Џьопуа.
Иара иажәақәа рыла, Аԥсны иҟоу ааӡарҭа иалшаӡом асубтропикатә ҵиаақәа реиҭаҳатәқәа рыла апрограмма аиқәыршәара. Урыстәылатәи ааӡарҭақәа ракәзар, урҭ рҩызцәа рымаӡам, убри амшала Аԥсныҟа Қырҭтәылантәи иааргоит досу ишишло ала. Иара инаҵишьит, аҵиаақәа арахь аҭиразы акәымкәа, апрограмма иалахәу рзы шакәу ишааргало.
Аԥыза-министр ихаҭыԥуаҩ иазгәеиҭеит "ажәлар ирцәыҵәахны иҟарҵеит" ҳәа шьоукы ишырҳәогьы, уи ус акәмызт.
"Аҳәаа иаԥну Тҟәарчал, Очамчыра, Гал араионқәа рхадацәа аҳәара ҟарҵон уи азакәан иақәшәо шыҟаҵатәу, ишақәиҭтәтәу. Даҽакала иуҳәозар, уажәы иахьааиуа - уи азакәан еилаганоуп ишаларгало. Аҳәаа ҳәаауп, аԥсуа ган ишақәнагоу еиԥш аус ауроуп. Уи иахысуа атауарқәа зегьы аҳазатә гәаҭара иахысроуп. Қырҭтәылеи ҳареи еиқәшаҳаҭракгьы ҳабжьаҳамҵацт, ари азҵаара аполитикахь икылрымгааит", - иҳәеит иара.
Џьопуа иажәақәа рыла, Аԥсны аџьармыкьақәа рҿы уажәы Қырҭтәылатәи атауарқәа ыҟоуп, аха урҭ рхыԥхьаӡара шаҟа ыҟоу, насгьы иахьынтәиаагоу аиларгара уадаҩуп.
Аиҭакрақәа аналаргалалак, иара ишиҳәаз ала, ААҬ "Егры" аҿы ишахәҭоу еиԥш акарантинтәи аҳазалхратәи маҵзурақәа аусура иалагоит, иалагалахо атауар абаџь ақәҵахоит, иаҭаххаргьы, алабораториақәа рҿы иҭҵаахоит.
Қырҭтәылеи Аԥсни рҳәаа захыгара ҟало атауарқәеи амаругақәеи рсиа шьақәзыргылаз адҵаԥҟа Аԥсны ахада Аслан Бжьаниа инапы аҵаиҩит хәажәкыра 31 рзы.
Аҵыхәтәантәи аиҭакрақәа инарықәыршәаны, Қырҭәылантәи Аԥсныҟа ралагалара алшоит шықәсык зхыҵуеи шықәсырацәала изызҳауеи акультурақәа реиҭаҳатәқәа, ақыҭанхамҩатә культурақәа реиҭаҳатә, ажәла, зыԥсы ҭоу аҩнатә ԥсаатә, аԥстәқәа рыфатә, ақыҭанхамҩатә техника, автомобилтә хархәагақәа, атранспорттә хархәагақәа рыхәҭақәа, ахәшахьшьтәқәа.
