Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Ниурнбергтәи апроцесс иазку ацәыргақәҵа Аҟәа иддырбоит Аиааира Амш аламҭалаз

© Sputnik / Евгений Халдей / Амедиаҵәахырҭахь аиасраНюрнбергский процесс. 20 ноября 1945 года — 1 октября 1946 года. На скамье подсудимых бывшие руководители гитлеровской Германии.
Нюрнбергский процесс. 20 ноября 1945 года — 1 октября 1946 года. На скамье подсудимых  бывшие руководители гитлеровской Германии. - Sputnik Аҧсны, 1920, 23.04.2023
Анапаҵаҩра
НовостиTelegram
Аекспозициа аартызаауеит Аибашьратә фырхаҵара ахьӡ-аԥша амузеи аҟны аусуратә сааҭқәа рзы. Аҩналара хәыда-ԥсадоуп.
АҞӘА, мшаԥы 23 - Sputnik. Ниурнбергтәи апроцесс иазку ацәыргақәҵа Аҟәа иддырбоит Аиааира Амш аламҭалаз, иара убас имҩаԥысраны иҟоуп Аџьынџьтәылатә еибашьра Дуӡӡа иазку асахьаркыратә, адокументалтә, аҭоурыхтә фильмқәа дырбара, абри атәы аанацҳауеит Аԥсны иҟоу Урыстәыла ацҳаражәҳәарҭа.
Ацәыргақәҵа "Ниурнбергтәи апроцесс. Москвантәи агәаанагара" шьақәгылоуп атрибунал амҩаԥысшьа иазку хыԥхьаӡара рацәала афотосахьақәа, архивтә документқәа. Иара убас иҟалоит аҭоурыхҭҵааҩцәа ргәаанагарақәеи апроцесс зыла иабази уи иалахәызи ражәабжьқәа.
Аџьынџьтәылатә еибашьра Дуӡӡа иазку афильмқәа ддырбалоит мшаԥы 25 инаркны лаҵара 2 рҟынӡа Аҟәа Аибашьратә фырхаҵара ахьӡ-аԥша амузеи аҟны. Апрограмма аатуеит арежиссиор Николаи Лебедев исахьаркыратә фильм "Ниурнберг" ала.
Ацәыргақәҵа еиҿнакааит Александр Печиорски Ифонд, уи афонд хықәкыс иамоуп анацисттә концлагерқәа ирҿагылаз, маӡалатәи аусурақәа мҩаԥызгоз, анацистцәа ирабашьуаз, анемец оккупациа иахәхаз ауаа ргәалашәара анаунагӡатәра.
Ажәабжьқәа зегьы
0