Признание Сирией Абхазии - Sputnik Аҧсны, 1920, 28.10.2021
Аԥсны
Ажәабжьқәа Sputnik Аԥсны аҟны

Аԥсны акультуратә афиша: аспектакльқәа, ацәыргақәҵа, аконцертқәа

© Sputnik / Томас Тхайцук Здание Абхазского государственного театра
Здание Абхазского государственного театра  - Sputnik Аҧсны, 1920, 24.04.2023
Анапаҵаҩра
Есымчыбжьатәи Аԥсны акультуратә афиша - мшаԥы 24-30.
Аинформациатә маҵзуреи арадиои Sputnik Аԥсны ишәыднагалоит есымчыбжьатәи акультуратә хҭысқәа – атеатртә қәгыларақәа, афилармониатәии аестрадатәии концертқәа, ацәыргақәҵақәа, уҳәа убас егьырҭгьы.
Сариа Кәарцхьиаԥҳа, Sputnik
Ҳазҭалаз амчыбжь акультуратә хҭысқәа рыла ибеиоуп.
Аҟәа Ацәыргақәҵатә зал хадаҿы асахьаҭыхыҩ Заур Мықәба ицәыргақәҵа иацҵахоит, уи аартызаауеит мшаԥы 29 рҟынӡа.
Аԥснытәи аҳәынҭқарратә филармониаҿы мшаԥы 24 асааҭ 19:00 рзы иҟалоит "Apsny-star" аконцерт. Мшаԥы 30 асааҭ 11:00 рзы акәзар - "Apsny-star" аҩбатәи асезон ахь алԥшаарақәа ирылагоит.
Аԥсуа драматә театр аҿы мшаԥы 27, 28 асааҭ 19:00 рзы иҟалоит аспектакль "Атәымуаҩ дызлахәу аҭаацәаратә портрет" аԥхьарбара. Степан Лобозиоров икомедиа иалху апиеса ықәиргылеит арежиссиор-ақәыргылаҩ Алхас Шамба.
Мшаԥы 29 асааҭ 19:00 рзы Аԥсуа драматә театр аҿы даҽа ԥхьарбарак ҟалоит - "Агәхыхҩы". Ари аспектакль Достоевски ироман "Бедные люди" ала Владимир Симоновски ипиеса иалхуп. Уи аҿы еиҭаҳәоуп Макар Девушкини Варенька Добросоловеи рыбзиабара аҭоурых. Ахархәара аҭоуп арежиссиортә маана. Уи ахәаԥшцәа аспектакль азал аҟынтәи акәымкәа асценаҿ иҟоушәа агәаанагара рнаҭоит. Аспектакль афырхаҵа хада ироль наигӡоит Аԥсны зҽаԥсазтәыз артист Ҭемраз Чамагәуа, афырԥҳәыс хада – актриса Амра Начҟьебиаԥҳа.
Ҳазлацәажәаша ҳамоуп: Шамба Атәымуаҩ дызлахәу аҭаацәаратә портрет иазкны  - Sputnik Аҧсны, 1920, 15.04.2023
Арадио
Ҳазлацәажәаша ҳамоуп: Шамба "Атәымуаҩ дызлахәу аҭаацәаратә портрет" иазкны
РУСДРАМ аҿы х-спектакльк ддырбоит ари амчыбжь азы.
Мшаԥы 25 асааҭ 19:00 рзы - арежиссиор Мариа Романова иқәлыргылаз "Ишьаарҵәыроу ачара". Испаниатәа адраматург Федерико Гарсиа Лорка испектакль азкуп ззин ыҟам абзиабара, ашьоура.
Мшаԥы 27 асааҭ 19:00 рзы - акомедиа "Аклиникатә хҭыс", арежиссиор Сергеи Ефремов. Акыр узырлахҿыхуа комедиоуп, ахҭысқәа жәпакы угәы дырҿыӷьуам, асиужет акыр еилаԥшьуп. Апроблемақәа шырацәоугьы афырхацәа зегьы ириааиуеит.
Мшаԥы 29 - 30 асааҭ 19:00 рзы - абзиабара, ачарҳәара, анажьра ирызку Артур Миллер ипиеса иалху аспектакль "Сԥацәа зегьы".
Аԥсны араионқәа рҿгьы акультуратә хҭысқәа азгәаҭан иҟоуп. Убас, Очамчыратәи ашкол-интернат аҿы мшаԥы 26 асааҭ 14:00 рзы авокал-инструменталтә ансамбль "Гәында" аконцерт ҟалоит.
Мшаԥы 27 асааҭ 17:00 рзы Галтәи Акультура аҩнаҿы иҟалоит Аҳәынҭқарратә хортә капелла аконцерт мҩаԥысуеит.
Ажәабжьқәа зегьы
0