Микрофон  - Sputnik Аҧсны, 1920
Арадио

Ҷанба ауниверситет аҟны азанааҭ ҿыц аартразы: хҭыс бзиоуп

Ҷанба ауниверситет аҟны азанааҭ ҿыц аартразы: хҭыс бзиоуп
Анапаҵаҩра
Аԥснытәи аҳәынҭқарратә университет аҟазара афакультет аҿы иаартхеит "академиатә хор адирижер" ҳәа азанааҭ ҿыц. Уи шеиҿкаахаз, шаҟа иаҭахны иҟоу ари азанааҭ, адкыларатә ԥышәарақәа шымҩаԥысуа, алԥшаарақәа рҟны иахьазы шаҟаҩ рхы ԥыршәаз, ари азанааҭ ала здыррақәа аазырԥшыз иахьынӡазыҟаҵоу атәы арадио Sputnik аефир аҟны еиҭеиҳәеит Аԥышәаратә комиссиа алахәыла, Аԥсны Жәлар рартист, акомпозитор, адирижиор Нодар Ҷанба.
"Академиатә хор адирижер" ҳәа азанааҭ ҿыц ала рхы ԥыршәеит жәҩык, Аԥснытәи аҳәынҭқарратә университет аҟны имҩаԥысуаз аолимпиада "Аҳаракырахь амҩа" аҳәаақәа ирҭагӡаны. Аҿар рзыӡырҩра мҩаԥысит Аԥснытәи ахәынҭқарратә хортә капелла аҽахьазыҟанаҵо ахыбраҿы.
"Хымԥада, ихьшәаны ицәырҵит (азанааҭ ААУ аҟны-азгәаҭа), аха зегьы аамҭак-аамҭак рымоуп. Анкьа асовет ҳәынҭқарра аныҟаз, асистема ахылаԥшуан адирижиорцәа рааӡара, аха аибашьра анаҩс ус еиԥш аҭагылазаашьа ҳмоуит аҟынтә иубоит ауадаҩрақәа шыҟоу. Адирижиорцәа агуп араионқәа зегьы рҟны ашколқәа рҿы аума, иара аколлективқәа иҟоу напхгара рызҭо дрымаӡам, иазыҟаҵатәуп. Ауниверситет абзоурала иахьа ус еиԥш аҭагылазаашьа ҳауит, ари хҭыс бзиоуп", - ҳәа азгәеиҭеит Ҷанба.
Аицәажәара инеиҵыхны ишәаҳар шәылшоит аудиофаил аҟны.
Ажәабжьқәа зегьы
0