Микрофон  - Sputnik Аҧсны, 1920
Арадио

Аветеринар хада: уажәраанӡа ак ҳмыхьцызт ҳәа ахшлых гәамҭакәа афара ииашам

Аветеринар хада: уажәраанӡа ак ҳмыхьыцызт ҳәа, ахшлых гәамҭакәа, афара ииашам
Анапаҵаҩра
Аџьармыкьақәа, акрыфарҭақәа рахь инарго ахш, ашә, акәац адиагностикатә гәаҭара ахыжьра ахьынӡахымԥадатәиу, арахә чмазарак рымазар, ауаҩы ишиныԥшуа атәы арадио Sputnik аефир аҟны еиҭеиҳәеит Аԥсны аветеринартә маҵзура аиҳабы Роман Џьопуа.
"Иахьазы аҵәыбзи аимҳәа цәгьеи рдиагностиказы ауадаҩрақәа ҳамоуп араионқәа рҟны. Адиагностика абуциллиоз (аҵәыбзы), атуберкулиоз (аимҳәа цәгьа) атәылақәа зегьы рҟны, џьара Африка икҿахоу рыда, шамахамзар адиагностика ззутәу чмазарақәоуп. Арҭ ачымазарақәа даара имарианы арахә рҟынтәи ауаҩ иахь ииасыр рылшоит, насгьы дара чмазара бааԥсқәоуп, еиҳаракгьы аҵәыбзы. Шықәсык ахь ҩынтә азакәан инақәыршәаны ҳаспециалистцәа аусқәа мҩаԥыргоит", - иҳәеит Џьопуа.
Иара еиҭеиҳәеит арахә агәаҭарақәа рахыжьра шымҩаԥысуа, иазгәеиҭеит араионқәеи ақыҭақәеи рхадарақәа аветеринарцәа русураҟны ацхыраара шрырҭаша.
Аицәажәара инеиҵыхны ишәаҳар шәылшоит аудиофаил аҟны.
Ажәабжьқәа зегьы
0