https://sputnik-abkhazia.info/20230508/aslan-bzhania-ochamchyra-araion-any-ailatsazhara-maigeit-1045705118.html
Аслан Бжьаниа Очамчыра араион аҟны аилацәажәара мҩаԥигеит
Аслан Бжьаниа Очамчыра араион аҟны аилацәажәара мҩаԥигеит
Sputnik Аҧсны
Араион асоциал-економикатә ҿиара, ареспубликатә биуџьет аҟынтәи ирзоужьу аԥаралеи, Аинвестпрограмма аҳәаақәа ирҭагӡаны имҩаԥгоу аусурақәеи уҳәа акыр азҵаарақәа... 08.05.2023, Sputnik Аҧсны
2023-05-08T18:37+0300
2023-05-08T18:37+0300
2023-05-08T18:42+0300
аԥсны
аԥсны
ажәабжьқәа
очамчыра араион
аслан бжьаниа
https://cdnn1.img.sputnik-abkhazia.info/img/07e7/05/08/1045703387_0:0:2801:1575_1920x0_80_0_0_02d7576dd779f0370e141a42b8aede02.jpg
АҞӘА, лаҵара 8 - Sputnik. Аԥсны ахада Аслан Бжьаниа анҭыҵтәи аусуратә еилацәажәара мҩаԥигеит Очамчыра араион аҟны. Абри атәы аанацҳауеит атәыла ахада ипресс-маҵзура.Иара иажәақәа рыла, Аинвестпрограммала ирзоужьыз 376 миллион мааҭ рахьынтәи иныхуп 322 миллион мааҭ. Арҭ аԥарақәа рыла ақыҭақәа Тамшь, Мықә, Маркәыла амҩдуқәа рыҟны акаҭран ықәҵан, аиҭашьақәыргыларатә усурақәа мҩаԥган афымцацәаҳәа аихшарҭақәа рыҟны, иаахәан аҳауатә цәаҳәа "Аҽгәара" аиҭашьақәыргыларазы амаҭәахәқәа, ихыркәшоуп ареспубликатә мҩаду Аҟәа-Очамчыра арлашара актәи ахәҭа.Аинвестпрограмма аҳәаақәа ирҭагӡаны иара убасгьы иазгәаҭоуп, Мықә аӡеизакырҭа аргылареи "Аҽгәара" шьаҭанкыла арҽеиратә усурақәа рымҩаԥгареи.Ареспубликатә биуџьет ахарџьқәа рыла имҩаԥган акыр аусмҩаԥгатәқәа рацәаны. 2021 шықәсазы Ӷәада ақыҭан ацҳа шьақәыргылан, Аҭареи Маркәылеи аӡыржәтә азы адгьыл кылҵәан. Гәыԥи Маркәылеи иргылан астадион маҷқәа, Гәыԥ ақыҭан афымцацәаҳәа еиҭашьақәыргылан, Ҷлоу аӡымҩангагатә цәаҳәақәа шьақәыргылан.2022 шықәсазы ареспубликатә биуџьет аҟынтәи ахарџьқәа дәықәҵан Гәыԥ ақыҭа фымцала аиқәыршәараз, Баграт Шьынқәба иҩны-амузеи арҽеираз, афельдшер-акушер ҭыԥқәа реиҭашьақәыргылараз, Аӡҩыбжьа аӡыржәтәазы адгьылкылҵәараз.Урҭ рыдагьы, аиԥылараҟны ирылацәажәеит араион аҟны аенергетика, акриминогентә ҭагылазаашьа, ашәахтәқәа реизгара уҳәа акыр азҵаарақәа.
https://sputnik-abkhazia.info/20230508/aslan-bzhania-tarchal-araion-any-ausurat-eilatsazhara-maigeit-1045702113.html
очамчыра араион
Sputnik Аҧсны
media@sputniknews.com
+74956456601
MIA „Rossiya Segodnya“
2023
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
аԥсны, ажәабжьқәа, очамчыра араион, аслан бжьаниа
аԥсны, ажәабжьқәа, очамчыра араион, аслан бжьаниа
Аслан Бжьаниа Очамчыра араион аҟны аилацәажәара мҩаԥигеит
18:37 08.05.2023 (ирҿыцуп: 18:42 08.05.2023) Араион асоциал-економикатә ҿиара, ареспубликатә биуџьет аҟынтәи ирзоужьу аԥаралеи, Аинвестпрограмма аҳәаақәа ирҭагӡаны имҩаԥгоу аусурақәеи уҳәа акыр азҵаарақәа ирзааҭгылан аилацәажәараҟны.
АҞӘА, лаҵара 8 - Sputnik. Аԥсны ахада Аслан Бжьаниа анҭыҵтәи аусуратә еилацәажәара мҩаԥигеит Очамчыра араион аҟны. Абри атәы
аанацҳауеит атәыла ахада ипресс-маҵзура.
Араион ахада Беслан Бигәаа 2020-2022 ш.ш. рызтәи ареспубликатә биуџьети Аинвестпрограммалеи ирзоужьыз аԥарақәа рыла иҟаҵоу аусурақәа рзы аҳасабырба ҟаиҵеит.
Иара иажәақәа рыла, Аинвестпрограммала ирзоужьыз 376 миллион мааҭ рахьынтәи иныхуп 322 миллион мааҭ. Арҭ аԥарақәа рыла ақыҭақәа Тамшь, Мықә, Маркәыла амҩдуқәа рыҟны акаҭран ықәҵан, аиҭашьақәыргыларатә усурақәа мҩаԥган афымцацәаҳәа аихшарҭақәа рыҟны, иаахәан аҳауатә цәаҳәа "Аҽгәара" аиҭашьақәыргыларазы амаҭәахәқәа, ихыркәшоуп ареспубликатә мҩаду Аҟәа-Очамчыра арлашара актәи ахәҭа.
Аинвестпрограмма аҳәаақәа ирҭагӡаны иара убасгьы иазгәаҭоуп, Мықә аӡеизакырҭа аргылареи "Аҽгәара" шьаҭанкыла арҽеиратә усурақәа рымҩаԥгареи.
Ареспубликатә биуџьет ахарџьқәа рыла имҩаԥган акыр аусмҩаԥгатәқәа рацәаны. 2021 шықәсазы Ӷәада ақыҭан ацҳа шьақәыргылан, Аҭареи Маркәылеи аӡыржәтә азы адгьыл кылҵәан. Гәыԥи Маркәылеи иргылан астадион маҷқәа, Гәыԥ ақыҭан афымцацәаҳәа еиҭашьақәыргылан, Ҷлоу аӡымҩангагатә цәаҳәақәа шьақәыргылан.
2022 шықәсазы ареспубликатә биуџьет аҟынтәи ахарџьқәа дәықәҵан Гәыԥ ақыҭа фымцала аиқәыршәараз, Баграт Шьынқәба иҩны-амузеи арҽеираз, афельдшер-акушер ҭыԥқәа реиҭашьақәыргылараз, Аӡҩыбжьа аӡыржәтәазы адгьылкылҵәараз.
Урҭ рыдагьы, аиԥылараҟны ирылацәажәеит араион аҟны аенергетика, акриминогентә ҭагылазаашьа, ашәахтәқәа реизгара уҳәа акыр азҵаарақәа.
