https://sputnik-abkhazia.info/20230514/asny-aykhraa-irylageit-akti-akanal-atrevel-shou-poekhali--1045796206.html
Аԥсны аҭыхрақәа ирылагеит Актәи аканал атревел-шоу "Поехали!"
Аԥсны аҭыхрақәа ирылагеит Актәи аканал атревел-шоу "Поехали!"
Sputnik Аҧсны
Ателемҩаԥгаҩцәа Шәачантәи ркурорттә мҩахырхарҭа аҳәаақәа ирҭагӡаны Аԥсны иаҭааит. 14.05.2023, Sputnik Аҧсны
2023-05-14T16:21+0300
2023-05-14T16:21+0300
2023-05-14T16:21+0300
аԥсны
аԥсны
ажәабжьқәа
аԥсшьара
https://cdnn1.img.sputnik-abkhazia.info/img/07e7/05/0e/1045792409_0:0:1024:577_1920x0_80_0_0_23d99fc5125dd68494f83439f17167ea.jpg
АҞӘА, лаҵара 14 – Sputnik. Урыстәылатәи ателехәаԥшра Актәи аканал аҟны есымчыбжьа иҭыҵуа атревел-шоу "Поехали!" Аԥсны аҭыхрақәа ирылагеит. Абри атәы аарыцҳауеит апроект аҭыхратә гәыԥ.Осадник лажәақәа рыла, аҭыхратә гәыԥ Аԥсны ишааизашәа уи аҳалалра иаразнак ихнахит."Арҭ аҭыԥшӡарақәа асасцәа ҿыц иаршанхоит, ихнахоит. Иџьашьатәӡам, ари кавказтәи ареспублика есышықәса урыстәылатәи атуристцәа иаҳа-иаҳа иахьаднаԥхьало. Аԥсны еилаӡҩоуп ажәытә ҵасқәеи, кьыс змам иблахкыгоу аԥсабареи, амшын аԥхарреи, изҩыдоу ашьха ҳауеи. Ҳара ара иаҳбаз иҳаҳаз, аԥсуа исасдкылара, ичеиџьыка абарҭқәа зегьы Актәи аканал ахәаԥшцәа рызнагара, дырбара ҳҽазаҳшәоит", - лҳәеит лара.Аҭыхратә гәыԥ аҭаахьеит Гагра, апрограммаҿ иарбоуп - Аҟәа, Афон ҿыц, Пицунда уҳәа акыр аҭыԥқәа рҭаара.Апроект "Поехали!" аҳәаақәа ирҭагӡаны амҩаԥгаҩцәа Урыстәыла иалсуеит улаԥш иҵашәуа, ауаркалеиԥшшәы змоу амашьына иқәтәаны. Дара иҭырҵаауеит аҭыԥантәи алыԥшаахқәа, инрымҩатәны амҩақәа рҭагылазаашьақәагь рбоит. Аҭыхрақәа мҩаԥыргахьеит Москва, Санкт-Петербург, Карелиа, Татарсҭан, Нхыҵ Кавказ ареспубликақәа, иара убас акыр аобластқәеи рыҟны.
Sputnik Аҧсны
media@sputniknews.com
+74956456601
MIA „Rossiya Segodnya“
2023
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
аԥсны, ажәабжьқәа, аԥсшьара
аԥсны, ажәабжьқәа, аԥсшьара
Аԥсны аҭыхрақәа ирылагеит Актәи аканал атревел-шоу "Поехали!"
Ателемҩаԥгаҩцәа Шәачантәи ркурорттә мҩахырхарҭа аҳәаақәа ирҭагӡаны Аԥсны иаҭааит.
АҞӘА, лаҵара 14 – Sputnik. Урыстәылатәи ателехәаԥшра Актәи аканал аҟны есымчыбжьа иҭыҵуа атревел-шоу "Поехали!" Аԥсны аҭыхрақәа ирылагеит. Абри атәы аарыцҳауеит апроект аҭыхратә гәыԥ.
Ашоу авторцәа, амҩаԥгаҩцәа Евгени Покровскии Мариа Осадники ркурорттә мҩахырхарҭа аҳәаақәа ирҭагӡаны Шәачантәи Аԥсныҟа иааит. Дара ателехәаԥшцәа ирзеиҭарҳәоит ҳтәыла аҭыԥшӡарақәеи, ҳкультуреи, ҳфольклори, аԥсуа чыси.
Осадник лажәақәа рыла, аҭыхратә гәыԥ Аԥсны ишааизашәа уи аҳалалра иаразнак ихнахит.
"Арҭ аҭыԥшӡарақәа асасцәа ҿыц иаршанхоит, ихнахоит. Иџьашьатәӡам, ари кавказтәи ареспублика есышықәса урыстәылатәи атуристцәа иаҳа-иаҳа иахьаднаԥхьало. Аԥсны еилаӡҩоуп ажәытә ҵасқәеи, кьыс змам иблахкыгоу аԥсабареи, амшын аԥхарреи, изҩыдоу ашьха ҳауеи. Ҳара ара иаҳбаз иҳаҳаз, аԥсуа исасдкылара, ичеиџьыка абарҭқәа зегьы Актәи аканал ахәаԥшцәа рызнагара, дырбара ҳҽазаҳшәоит", - лҳәеит лара.
Аҭыхратә гәыԥ аҭаахьеит Гагра, апрограммаҿ иарбоуп - Аҟәа, Афон ҿыц, Пицунда уҳәа акыр аҭыԥқәа рҭаара.
Апроект "Поехали!" аҳәаақәа ирҭагӡаны амҩаԥгаҩцәа Урыстәыла иалсуеит улаԥш иҵашәуа, ауаркалеиԥшшәы змоу амашьына иқәтәаны. Дара иҭырҵаауеит аҭыԥантәи алыԥшаахқәа, инрымҩатәны амҩақәа рҭагылазаашьақәагь рбоит. Аҭыхрақәа мҩаԥыргахьеит Москва, Санкт-Петербург, Карелиа, Татарсҭан, Нхыҵ Кавказ ареспубликақәа, иара убас акыр аобластқәеи рыҟны.
