https://sputnik-abkhazia.info/20230517/ansambl-ertsakh-aasabyrbat-kontsert-maysit-aa-1045882050.html
Ансамбль "Ерцахә" аихшьаалатә концерт мҩаԥысит Аҟәа
Ансамбль "Ерцахә" аихшьаалатә концерт мҩаԥысит Аҟәа
Sputnik Аҧсны
"Ахьӡ-Аԥша" III аҩаӡара занашьо ансамбль "Ерцахә" 1974 шықәса рзы ишьаҭаркын. 17.05.2023, Sputnik Аҧсны
2023-05-17T21:55+0300
2023-05-17T21:55+0300
2023-05-18T20:27+0300
аԥсны
ажәабжьқәа
акультура
https://cdnn1.img.sputnik-abkhazia.info/img/07e7/05/11/1045876614_0:85:1620:996_1920x0_80_0_0_7739ffeccb66e0c02377344c9e16bb67.jpg
АҞӘА, лаҵара 17- Sputnik, Асмаҭ Ҵәыџьԥҳа. Ашәаҳәареи акәашареи жәлар рансамбль "Ерцахә" аихшьаалатә концерт мҩаԥысит Аҟәа, Аҳәынҭқарратә филармониаҟны лаҵара 17 азы. Аконцерттә программа ҩ-сааҭк имҩаԥысуан. Ихыркәшан амилаҭтә кәашарала. Аихшьаалатә концерти ансамбль анапхгаҩы Вианор Логәуа имширеи еиқәшәеит. Очамчыра араион ахадара акультура аҟәша ахаҭарнакцәа Вианор Логәуа идныҳәалеит, изеиӷьаршьеит агәабзиара, ирҿиараҿы ақәҿиара дуқәа, иазгәарҭеит аԥсуа культура аиқәырхараҿы илшамҭақәа. Ансамбль "Ерцахә" шьаҭаиркит 1974 шықәса рзы Аԥсны жәлар рартист Кәасҭа Ченгьелиа. Абарҭ ашықәсқәа ирылагӡаны ансамбль гастроль ҳасабла ирҭаахьан Урыстәыла, Ҭырқәтәыла, Румыниа, Иугославиа. 2019 шықәсазы Аԥсны ахада Рауль Ҳаџьымба инапы аҵеиҩит Очамчыра араион Жәлар рашәаҳәареи рыкәашареи рансамбль "Ерцахә" анапхгаҩы Вианор Логәуа "Ахьӡ-Аԥша" аорден III аҩаӡара иоуразы Аусԥҟа, иара убасгьы инапы аҵеиҩит Аусԥҟа "Аԥсны Аҳәынҭқарра зҽаԥсазтәыз артист" ҳәа аҳаҭыртә хьӡы ранашьазарц ансамбль алахәылацәа Мака Кәыҵниаԥҳа, Даур Ԥиԥиа, Марина Шинелиа.
Sputnik Аҧсны
media@sputniknews.com
+74956456601
MIA „Rossiya Segodnya“
2023
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа, акультура
Ансамбль "Ерцахә" аихшьаалатә концерт мҩаԥысит Аҟәа
21:55 17.05.2023 (ирҿыцуп: 20:27 18.05.2023) "Ахьӡ-Аԥша" III аҩаӡара занашьо ансамбль "Ерцахә" 1974 шықәса рзы ишьаҭаркын.
АҞӘА, лаҵара 17- Sputnik, Асмаҭ Ҵәыџьԥҳа. Ашәаҳәареи акәашареи жәлар рансамбль "Ерцахә" аихшьаалатә концерт мҩаԥысит Аҟәа, Аҳәынҭқарратә филармониаҟны лаҵара 17 азы.
Аныҳәатә программа аартын аԥсуа чаратә кәашарала, анаҩс Нодар Кәарҷиа напхгара зиҭо ахор инанагӡеит акомпозициа "Ерцахә". Иара убарҭ урҭ ахәаԥшыҩцәа иддырҳаит жәлар ркомпозициақәа жәпакы. Аконцерт апрограммаҿ иҟан аԥсуа, ауаԥс кәашарақәа, акәашара "Ашамҭа", "Нарҭаа рыкәашара" уҳәа егьырҭ аномерқәагьы.
Аконцерттә программа ҩ-сааҭк имҩаԥысуан. Ихыркәшан амилаҭтә кәашарала.
Аихшьаалатә концерти ансамбль анапхгаҩы Вианор Логәуа имширеи еиқәшәеит. Очамчыра араион ахадара акультура аҟәша ахаҭарнакцәа Вианор Логәуа идныҳәалеит, изеиӷьаршьеит агәабзиара, ирҿиараҿы ақәҿиара дуқәа, иазгәарҭеит аԥсуа культура аиқәырхараҿы илшамҭақәа.
Ансамбль "Ерцахә" шьаҭаиркит 1974 шықәса рзы Аԥсны жәлар рартист Кәасҭа Ченгьелиа. Абарҭ ашықәсқәа ирылагӡаны ансамбль гастроль ҳасабла ирҭаахьан Урыстәыла, Ҭырқәтәыла, Румыниа, Иугославиа.
2019 шықәсазы Аԥсны ахада Рауль Ҳаџьымба инапы аҵеиҩит Очамчыра араион Жәлар рашәаҳәареи рыкәашареи рансамбль "Ерцахә" анапхгаҩы Вианор Логәуа "Ахьӡ-Аԥша" аорден III аҩаӡара иоуразы Аусԥҟа, иара убасгьы инапы аҵеиҩит Аусԥҟа "Аԥсны Аҳәынҭқарра зҽаԥсазтәыз артист" ҳәа аҳаҭыртә хьӡы ранашьазарц ансамбль алахәылацәа Мака Кәыҵниаԥҳа, Даур Ԥиԥиа, Марина Шинелиа.
