Урыстәыла

Афедерациатә Хеилак иаабац Арбџьармчқәа Европа рыҟазааразы Аиқәшаҳаҭра мап ацәнакит

© Sputnik / Григорий Сысоев / Амедиаҵәахырҭахь аиасраФлаг на здании Совета Федерации Федерального Собрания Российской Федерации на улице Большая Дмитровка в Москве.
Флаг на здании Совета Федерации Федерального Собрания Российской Федерации на улице Большая Дмитровка в Москве. - Sputnik Аҧсны, 1920, 24.05.2023
Анапаҵаҩра
Иаабац Арбџьармчқәа Европа рыҟазаара иазку Аиқәшаҳаҭра анапы аҵаҩын Париж, 1990 шықәсазы. 1999 шықәсазы Европа ашәарҭадареи аусеицуреи рзы Аиҿкаара (ОБСЕ) Сҭампылтәи асаммит аҿы еиҭарҿыцыз авариант анапы аҵаҩын.
АҞӘА, лаҵара 24 - Sputnik. Афедерациатә Хеилак иаабац Арбџьармчқәа Европа рыҟазааразы Аиқәшаҳаҭра мап ацәнакит апленартә еилатәараҟны.
Аиқәшаҳаҭра рнапы аҵарҩит ԥшь-тәылак-Урыстәыла, Белоруссиа, Ҟазахстан, Украина. Урыстәыла 2007 шықәсазы ИАЕА иазку Аиқәшаҳаҭра алахәхара аннакылеит, НАТО атәылақәа адаптациатә еиқәшаҳаҭра аратификациа азнауаанӡа, адокумент аҟны иарбоу ламысцқьала анагӡара иалагаанӡа.
Афедерациатә хеилак аиҳабы ихаҭыԥуаҩ Константин Косачиов уаанӡа иазгәеиҭахьан, ари аиқәшаҳаҭра иахьатәи аамҭақәа ирықәшәом, аха Урыстәыла иара мап ахьацәнакуа абџьар ахылаԥшраз аиҿцәажәараҟны акәаԥ аргылоит ҳәа.
Апарламентари иажәақәа рыла, еишьашәалоу аиқәшаҳаҭра ԥхьаҟагьы алацәажәара алшоит, аха арахь ианылароуп абџьархкы ҿыцқәа, аԥырҩы дызҭам ахархәагақәеи егьырҭ 1990 шықәса раахыс ицәырҵыз абџьарқәеи.
Ажәабжьқәа зегьы
0