https://sputnik-abkhazia.info/20230524/khra-zlou-akhysa-kareliaa-aati-ashkharyuaa-ryshkol-iazkny-1045954057.html

Хра злоу ахҭысқәа: Кәарҷелиаԥҳа Аҟәатәи Ашьхарыуаа рышкол иазкны

Хра злоу ахҭысқәа: Кәарҷелиаԥҳа Аҟәатәи Ашьхарыуаа рышкол иазкны

Sputnik Аҧсны

Нестор Лакоба ихьӡ зху Аҟәатәи ажәабатәи абжьаратәи Ашьхарыуаа рышкол сынтәа 160 шықәса ахыҵит. Аԥсуа интеллигенциа рабиԥарақәа еиҵазааӡахьоу ашкол знысыз... 24.05.2023, Sputnik Аҧсны

2023-05-24T15:52+0300

2023-05-24T15:52+0300

2023-05-24T15:52+0300

арадио

аԥсны

аподкаст

хра злоу ахҭысқәа

https://cdnn1.img.sputnik-abkhazia.info/img/07e7/05/18/1045954153_0:273:768:705_1920x0_80_0_0_10996e7121cc73d5385d094138917b64.jpg

Нестор Лакоба ихьӡ зху Аҟәатәи ажәабатәи абжьаратәи Ашьхарыуаа рышкол сынтәа 160 шықәса ахыҵит. Аԥсуа интеллигенциа рабиԥарақәа еиҵазааӡахьоу ашкол знысыз амҩа, уи аартра ҳажәлар лшарас ирнаҭаз, иҿырԥшыгоу ашкол ҳәа ахьыӡ излаԥсахаз, иахьазы арҵаратә хәышҭаара алшарақәа зеиԥшроу, аныҳәа шазгәарҭо атәы арадио Sputnik аефир аҟны еиҭалҳәеит ашкол аиҳабы Аида Кәарҷелиаԥҳа.Аҟәатәи Ашьхарыуаа рышкол аиҳабы лцәажәараҟны илҳәеит ашкол архитектура ԥхасҭамтәкәа иара адгьылҵакыраҟны акорпус ҿыц ргыланы, ажәытә акәзар аамҭа иақәшәо аиҭашьақәыргылара хьаас ишрымоу. Лара иазгәалҭеит ари азҵаара гәыҵхас ишимаз аԥсуа литература ашьаҭаркҩы Дырмит Гәлиагьы. Убасгьы имӡакәа илҳәеит ашкол ахь зшьаҿа еихызго ахәыҷқәа 99 процент инарзынаԥшуа рхатәы бызшәа аԥсшәа рзымдыруа, изаламцәажәо ишнеиуа."Уи иаҵанакӡом ҳара ҳҿи-ҳнапи еиқәҵаны, ари ма ани ихароуп ҳәа алацәажәара, досу ҳҭыԥ аҟны иҳалшо зегь ҟаҳҵароуп. Дара иахьа зхәыҷқәа ашкол ахь иаазго аҿар ирхарамгьы ыҟазар ҟалап рбызшәа ахьырзымдыруа. Иҟоуп асубиективтә аобективтә мзызқәа рхатәы бызшәа ахьырзымдыруа", - лҳәеит Кәарҷелиаԥҳа.Аицәажәара инеиҵыхны ишәаҳар шәылшоит аудиофаил аҟны хыхь.

2023

Ажәабжьқәа

ab_AB

аԥсны, аподкаст, хра злоу ахҭысқәа, аудио