https://sputnik-abkhazia.info/20230601/ausnagata-daara-iratsoup-asni-aakhy-uastylei-rkulturat-useitsura-zeishrakho-1046113595.html
Ауснагӡатәқәа даара ирацәоуп: Аԥсни Аахыҵ Уаԥстәылеи ркультуратә усеицура зеиԥшрахо
Ауснагӡатәқәа даара ирацәоуп: Аԥсни Аахыҵ Уаԥстәылеи ркультуратә усеицура зеиԥшрахо
Sputnik Аҧсны
Аахыҵ Уаԥстәыла акультура амшқәа аатит лаҵара 31 рзы Самсон Ҷанба ихьӡ зху Аԥсуа драматә театр аҿы. 01.06.2023, Sputnik Аҧсны
2023-06-01T15:00+0300
2023-06-01T15:00+0300
2023-06-01T15:00+0300
аԥсны
аԥсны
ажәабжьқәа
акультура
https://cdnn1.img.sputnik-abkhazia.info/img/07e7/06/01/1046109247_0:320:3072:2048_1920x0_80_0_0_1ebc8faa89d75611240e094f8a428176.jpg
АҞӘА, рашәара 1– Sputnik, Бадраҟ Аҩӡба. Аԥсни Аахыҵ Уаԥстәылеи акультуратә усеицура аҳәаақәа ирҭагӡаны акыр ауснагӡатәқәа азгәаҭоуп ҳәа иҳәеит Sputnik аҿы имҩаԥысуаз апресс-конференциаҟны акультура аминистр Даур Ақаҩба. Аахыҵ Уаԥстәыла акультура амшқәа аатит лаҵара 31 рзы Самсон Ҷанба ихьӡ зху Аԥсуа драматә театр аҿы. Аахыҵ Уаԥстәыла аделегациа хадара азылуеит акультура аминистр Радмила Дзагоева. "Даара агәахәара ду снаҭоит Аахыҵ Уаԥстәыла акультура иахьа Радмила Филипп-иԥҳа леиԥш зеиԥшу ауаҩы дахьахагылоу. Лус лдыруеит, иахәҭоу ҟалҵоит, аԥсҭазаара иаларҵәатәны илшьо зегьы дырзыҳаҵҳаҵоит. Мшаԥымзазы еилацәажәарыла имҩаԥган Аԥсны акультура амшқәа Аахыҵ Уаԥстәыла. Иахьа уи аҭакс Аԥсны иаҳҭаан иҟоуп ҳашьцәа ауаԥсаа", - ҳәа иҳәеит Даур Ақаҩба. Аахыҵ Уаԥстәыла акультура аминистр Радмила Дзагоева еиҭалҳәеит ахәаԥшыҩцәа аспектакль "Ауапеиқәаҵәа" шрыдыркылаз. Аспектакль ашьҭахь ахәаԥшцәа актиорцәеи арежиссиори рыгәҭылакны ирыдырныҳәалон ақәыргыламҭа ҳәа лҳәеит Дзагоева. Мшаԥы 5-6 рзы Аԥсны акультура амшқәа Аахыҵ Уаԥстәыла имҩаԥысит Цхьынвал. Ахәаԥшцәа идырбан Аԥсны Аҳәынҭқарратә аҿар ртеатр инарыгӡо Аԥсны жәлар рышәҟәыҩҩы Шьалодиа Аџьынџьал иажәабжьқәа рмотивқәа рыла иқәыргылоу аспектакль "Аибашьра ахԥатәи амш", иара убас Аԥсны зҽаԥсазтәыз жәлар рыкәашареи рышәаҳәареи рзы аҳәынҭқарратә ансамбли аԥсуа естрада артистцәеи рықәгылара мҩаԥган.
https://sputnik-abkhazia.info/20230531/asny-iaatit-aakhy-uastyla-akultura-amsha-1046102417.html
Sputnik Аҧсны
media@sputniknews.com
+74956456601
MIA „Rossiya Segodnya“
2023
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
аԥсны, ажәабжьқәа, акультура
аԥсны, ажәабжьқәа, акультура
Ауснагӡатәқәа даара ирацәоуп: Аԥсни Аахыҵ Уаԥстәылеи ркультуратә усеицура зеиԥшрахо
Аахыҵ Уаԥстәыла акультура амшқәа аатит лаҵара 31 рзы Самсон Ҷанба ихьӡ зху Аԥсуа драматә театр аҿы.
АҞӘА, рашәара 1– Sputnik, Бадраҟ Аҩӡба. Аԥсни Аахыҵ Уаԥстәылеи акультуратә усеицура аҳәаақәа ирҭагӡаны акыр ауснагӡатәқәа азгәаҭоуп ҳәа иҳәеит Sputnik аҿы имҩаԥысуаз апресс-конференциаҟны акультура аминистр Даур Ақаҩба.
"Иахьа асааҭ 18:00 рзы Аҳәынҭқарратә филармониаҟны иқәгылоит еицырдыруа ансамбль "Симд". Ари аконцерт ала иаркхоит Аԥсны Аахыҵ Уаԥстәыла акультура амшқәа. Исҳәарц сҭахуп, аԥхьаҟатәи ҳуснагӡатәқәа шырацәоу, хымԥада ишынагӡахо", - ҳәа азгәеиҭеит иара.
Аахыҵ Уаԥстәыла акультура амшқәа аатит лаҵара 31 рзы Самсон Ҷанба ихьӡ зху Аԥсуа драматә театр аҿы. Аахыҵ Уаԥстәыла аделегациа хадара азылуеит акультура аминистр Радмила Дзагоева.
"Даара агәахәара ду снаҭоит Аахыҵ Уаԥстәыла акультура иахьа Радмила Филипп-иԥҳа леиԥш зеиԥшу ауаҩы дахьахагылоу. Лус лдыруеит, иахәҭоу ҟалҵоит, аԥсҭазаара иаларҵәатәны илшьо зегьы дырзыҳаҵҳаҵоит. Мшаԥымзазы еилацәажәарыла имҩаԥган Аԥсны акультура амшқәа Аахыҵ Уаԥстәыла. Иахьа уи аҭакс Аԥсны иаҳҭаан иҟоуп ҳашьцәа ауаԥсаа", - ҳәа иҳәеит Даур Ақаҩба.
Аахыҵ Уаԥстәыла акультура аминистр Радмила Дзагоева еиҭалҳәеит ахәаԥшыҩцәа аспектакль "Ауапеиқәаҵәа" шрыдыркылаз.
"Ҳатеатр арепертуар акыр иҭбаауп. Имаҷым аурыс классика, аҳәаанырцәтәи адраматургиа иаҵанакуа, аха атеатр милаҭтәзар, ҳадраматургиа аԥыжәара аҭатәуп. "Ауапеиқәаҵәа" – аԥхьа асценахь иназгаз автор ихаҭа иоуп. Уажәы ҩынтәуп иқәдыргылоижьҭеи. Иаҳҭахуп ҳтәыла анҭыҵгьы ауаа ҳмилаҭ культура рдыруазарц. Аҟәаа ракәзар џьашьахәшәа ҳрыдыркылеит", - лҳәеит лара.
Аспектакль ашьҭахь ахәаԥшцәа актиорцәеи арежиссиори рыгәҭылакны ирыдырныҳәалон ақәыргыламҭа ҳәа лҳәеит Дзагоева.
Мшаԥы 5-6 рзы Аԥсны акультура амшқәа Аахыҵ Уаԥстәыла имҩаԥысит Цхьынвал. Ахәаԥшцәа идырбан Аԥсны Аҳәынҭқарратә аҿар ртеатр инарыгӡо Аԥсны жәлар рышәҟәыҩҩы Шьалодиа Аџьынџьал иажәабжьқәа рмотивқәа рыла иқәыргылоу аспектакль "Аибашьра ахԥатәи амш", иара убас Аԥсны зҽаԥсазтәыз жәлар рыкәашареи рышәаҳәареи рзы аҳәынҭқарратә ансамбли аԥсуа естрада артистцәеи рықәгылара мҩаԥган.
