https://sputnik-abkhazia.info/20230711/amshtsga-aakha-znaaz-laa-aya-akhak-ylei-lasharalei-eidyrsheit-1046842540.html
Амшцәгьа ааха знаҭаз Лӡаа ақыҭа ахәҭак ӡылеи лашаралеи еиқәдыршәеит
Амшцәгьа ааха знаҭаз Лӡаа ақыҭа ахәҭак ӡылеи лашаралеи еиқәдыршәеит
Sputnik Аҧсны
Ԥхынгәы 8-9 азы илеиз ақәаршҩы Гагра араион Лӡаа ақыҭа аԥхасҭа арҭеит. 11.07.2023, Sputnik Аҧсны
2023-07-11T17:35+0300
2023-07-11T17:35+0300
2023-07-11T17:35+0300
аԥсны
ажәабжьқәа
https://cdnn1.img.sputnik-abkhazia.info/img/07e7/07/09/1046801719_0:370:960:910_1920x0_80_0_0_ef7cb9bbf1b1ade5beb84ace2f7ea44b.jpg
АҞӘА, ԥхынгәы 11 – Sputnik, Бадри Есиава. Амшцәгьа ааха знаҭаз Лӡаа ақыҭа ахәҭак ӡылеи лашаралеи еиқәдыршәеит ҳәа Sputnik иазеиҭеиҳәеит Лӡаа ахада Гурам Абӷаџьаа. Абӷаџьаа игәаанагарала, аҩаша ашьыбжьышьҭахь 40% ақыҭа ауааԥсыра алашара роуроуп. Лӡаа хәбаны еихагылоу аҩнқәа хԥа гылоуп, иара убасгьы ахатәыҩнқәа 700. "Алашара наҳашьҭаанӡа аиԥырҟьагақәа рҭагылазаашьа гәаҳҭоит. Ус иаалырҟьаны афымцамч ҳзоужьӡом. Убри азы аамҭа-аамҭалоуп алашара зроуа", - ҳәа иҳәеит ақыҭа ахада. Ԥхынгәы 10 рзы Лӡаа иаҭааит Аԥсны ахада Аслан Бжьаниа, Гагра араион ахада Иури Ҳагәышь, АҶА ахада Лев Кәыҵниа, Аԥсны ААР аминистр Роберт Киут. Ахада аҭыԥантәи ауааԥсыреи атуристцәеи дрыҿцәажәеит, анапынҵа ҟаиҵеит аӡи алашареи ишалшо иаарласны ауааԥсыра ирзынарышьҭырц, ачеи аӡыржәтәи рызнаргарц. Абӷаџьаа иажәақәа рыла, ахада инапынҵа нагӡоуп. Речнаиа амҩаҿы аӡы аҩнқәа, асасааирҭақәа ирыҩналеит, амҩақәа ықәнаӡәӡәааит, автотранспорт ааха анаҭеит. Атехника алшарала амҩа ахәҭак аремонт азууп. "Ицарц зҭаххаз аԥсшьаҩцәа цартә иҟаҳҵеит. Иаанхаз маҷҩуп", - иҳәеит Абӷаџьаа. Асыџьқәа ақыҭаҿы ҩнык аҿы аԥхасҭа роуит. Уа аӡымыҭҟьар анлеи, актәи аихагыла арбгеит.
https://sputnik-abkhazia.info/20230710/bzhania-gagra-araion-ay-amshtsga-akhaaa-raykhrazy-ausuraa-shtsoz-geieit--1046825357.html
Sputnik Аҧсны
media@sputniknews.com
+74956456601
MIA „Rossiya Segodnya“
2023
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа
Амшцәгьа ааха знаҭаз Лӡаа ақыҭа ахәҭак ӡылеи лашаралеи еиқәдыршәеит
Ԥхынгәы 8-9 азы илеиз ақәаршҩы Гагра араион Лӡаа ақыҭа аԥхасҭа арҭеит.
АҞӘА, ԥхынгәы 11 – Sputnik, Бадри Есиава. Амшцәгьа ааха знаҭаз Лӡаа ақыҭа ахәҭак ӡылеи лашаралеи еиқәдыршәеит ҳәа Sputnik иазеиҭеиҳәеит Лӡаа ахада Гурам Абӷаџьаа.
"Иаха ақыҭа ахәҭак алашара азоурыжьит. Иахьагьы аусурақәа цоит. Ирацәоуп ашьаҟақәа аӡы иқәнагаз. "Амшынеиқәафымцамч" Гагратәи афилиал аусзуҩцәа урҭ еиҭашьақәдыргылоит. Аелектрикцәа аусура иаҿуп. Иҟоуп аӡымҩангагақәагьы аԥхасҭа ахьроуз. Ари аус аҿы ацхыраара ҳнаҭоит "Пицундатәи аӡыршьҭра", - ҳәа азгәеиҭеит иара.
Абӷаџьаа игәаанагарала, аҩаша ашьыбжьышьҭахь 40% ақыҭа ауааԥсыра алашара роуроуп. Лӡаа хәбаны еихагылоу аҩнқәа хԥа гылоуп, иара убасгьы ахатәыҩнқәа 700.
"Алашара наҳашьҭаанӡа аиԥырҟьагақәа рҭагылазаашьа гәаҳҭоит. Ус иаалырҟьаны афымцамч ҳзоужьӡом. Убри азы аамҭа-аамҭалоуп алашара зроуа", - ҳәа иҳәеит ақыҭа ахада.
Ԥхынгәы 10 рзы Лӡаа иаҭааит Аԥсны ахада Аслан Бжьаниа, Гагра араион ахада Иури Ҳагәышь, АҶА ахада Лев Кәыҵниа, Аԥсны ААР аминистр Роберт Киут. Ахада аҭыԥантәи ауааԥсыреи атуристцәеи дрыҿцәажәеит, анапынҵа ҟаиҵеит аӡи алашареи ишалшо иаарласны ауааԥсыра ирзынарышьҭырц, ачеи аӡыржәтәи рызнаргарц.
Абӷаџьаа иажәақәа рыла, ахада инапынҵа нагӡоуп. Речнаиа амҩаҿы аӡы аҩнқәа, асасааирҭақәа ирыҩналеит, амҩақәа ықәнаӡәӡәааит, автотранспорт ааха анаҭеит. Атехника алшарала амҩа ахәҭак аремонт азууп.
"Ицарц зҭаххаз аԥсшьаҩцәа цартә иҟаҳҵеит. Иаанхаз маҷҩуп", - иҳәеит Абӷаџьаа.
Асыџьқәа ақыҭаҿы ҩнык аҿы аԥхасҭа роуит. Уа аӡымыҭҟьар анлеи, актәи аихагыла арбгеит.
