https://sputnik-abkhazia.info/20230731/gagra-araion-any-asabarat-rytsara-iakhany-ialaz-akhasa-60-million-maa-inareiaup-1047239633.html

Гагра араион аҟны аԥсабаратә рыцҳара иахҟьаны иҟалаз аԥхасҭа 60 миллион мааҭ инареиҳауп

Гагра араион аҟны аԥсабаратә рыцҳара иахҟьаны иҟалаз аԥхасҭа 60 миллион мааҭ инареиҳауп

Sputnik Аҧсны

Ԥхынгәы 9 руха иҟалаз аӡхыҵрақәа ирыхҟьаны Гагра араион аҟны 1200-ҩны инареиҳаны ааха роуит. 31.07.2023, Sputnik Аҧсны

2023-07-31T14:21+0300

2023-07-31T14:21+0300

2023-07-31T14:21+0300

аԥсны

аԥсны

ажәабжьқәа

гагра араион

https://cdnn1.img.sputnik-abkhazia.info/img/07e7/07/0a/1046822081_0:85:1620:996_1920x0_80_0_0_83629c7786dfc5731e67d9103bdf75f5.jpg

АҞӘА, ԥхынгәы 31 – Sputnik. Гагра араион аҟны аӡхыҵра иҟанаҵаз аԥхасҭа иартәоит 60 миллион мааҭ инареиҳаны ҳәа лҳәеит арадио Sputnik аинтервиу азҭаз Гагра араион ахада ихаҭыԥуаҩ Хана Гәынԥҳа. Гәынԥҳа лажәақәа рыла, ироуз арзаҳалқәа зегьы рҟынтәи аматериалтә цхыраара рыҭахоит 80 ҭаацәара. Дара ироуз аԥхасҭа азгәаҭаны, аиҳабыра рҟынтәи ирызшәахоит 100 нызқь инаркны 500 нызқьмааҭ рҟынӡа. Аԥарақәа рызҭарҵоит иааиуа амзақәа рзы рбанктә хыԥхьаӡарахь. Ԥхынгәы 9 руха иҟалаз аӡхыҵрақәа ирыхҟьаны Гагра араион аҟны 1200-ҩны инареиҳаны ааха роуит. Амшцәгьақәа зегь реиҳа аԥхасҭа рнаҭеит ақыҭақәа Лӡаа, Алаҳаӡы, Ԥсахара, Бзыԥ аҳабла, Гагра ақалақь ахәҭак.Гәынԥҳа иара убасгьы иазгәалҭеит, Гагра араион аҟны уажәыгь ишцо аԥсабаратә рыцҳара ахҟьаԥҟьақәа раԥыхразы аусурақәа. Уи иалахәуп ауааԥсыреи атехникеи.Араион ахада ихаҭыԥуаҩ илҳәеит, ааха зоуз рзы ацхыраара шыҟарҵаз анаплакыҩцәа, иахьазы ишеизгоу 11 миллион мааҭ инарзынаԥшуа.

https://sputnik-abkhazia.info/20230730/gagra-araion-any-ialaz-asabarat-rytsara-akhaaa-raykhra-ialatsazheit--1047231188.html

гагра араион

2023

Ажәабжьқәа

ab_AB

аԥсны, ажәабжьқәа, гагра араион