Аԥсны аурыс бызшәа рырҵаҩцәа Петербург рзанааҭтә ҩаӡара еиздырҳауеит
21:10 08.08.2023 (ирҿыцуп: 21:32 08.08.2023)
© Foto / Дом Москвы Курсы повышения квалификации в Санкт-Петербург
![Курсы повышения квалификации в Санкт-Петербург Курсы повышения квалификации в Санкт-Петербург - Sputnik Аҧсны, 1920, 08.08.2023](https://cdnn1.img.sputnik-abkhazia.info/img/07e7/08/08/1047397386_0:257:2729:1792_1920x0_80_0_0_6f979a39e294b1b3b087e3fc4de09739.jpg)
© Foto / Дом Москвы
Анапаҵаҩра
Акурсқәа рымҩаԥгара еицеиҿыркаауеит Россотрудничество, афонд "Русский мир", аҩадатәи аҳҭнықалақь адәныҟатәи аимадарақәа рзы аилаки.
АҞӘА, нанҳәа 8 – Sputnik. Аԥсны аурыс бызшәеи алитературеи рырҵаҩцәа Нино Елиава, Џьамила Ҭорҭиа, Татиана Арџьениа алахәуп Санкт-Петербург имҩаԥысуа азанааҭтә ҩаӡара аизырҳаразы акурсқәа. Абри атәы аанацҳауеит Аԥсны иҟоу Россотрудничество ахаҭарнакра.
Акурсқәа мҩаԥыуеит Санкт-Петербургтәи аҳәынҭқарратә университет аҟны, уи иалахәуп Аԥсны, Аргентина, Ермантәыла, Белоруссиа, Қырҭтәыла, Индиа, Ҟазахстан, Киргизиа, Китаи, Молдавиа, Монголиа, Тадџьикистан, Тунис, Узбекисҭан рҟынтәи 85-ҩык арҵаҩцәа.
Арҵаҩцәа ироуеит адыррақәа, аурыс бызшәа аграмматикеи афанетикеи рыҟны имариам атемақәа аҵаҩцәа рызнагашьа, иахьатәи алексикатә процессқәа рышьҭкаара уҳәа. Акурсқәа ианрылгалак арҵаҩцәа ироуеит асертификатқәа.