https://sputnik-abkhazia.info/20230823/akadifaama-izeishrakhozei-asny-agalanti-asshara-1047627324.html
Акадифаамҭа: изеиԥшрахозеи Аԥсны ҭагалантәи аԥсшьара
Акадифаамҭа: изеиԥшрахозеи Аԥсны ҭагалантәи аԥсшьара
Sputnik Аҧсны
Аԥсны атуризм аминистрра адыррала ииасыз ашықәс иаҿырԥшны сынтәа цәыббрамзаз ареспубликаҿ аԥсшьара зҭаху рхыԥхьаӡара 10-15% иацлеит. 23.08.2023, Sputnik Аҧсны
2023-08-23T11:22+0300
2023-08-23T11:22+0300
2023-08-23T12:31+0300
аԥсны
ажәабжьқәа
аԥсны
аԥсшьара
https://cdnn1.img.sputnik-abkhazia.info/img/07e7/08/11/1047540985_0:160:3072:1888_1920x0_80_0_0_8247d7aaffe0b9ced109ef52b39da171.jpg
АҞӘА, нанҳәа 23 - Sputnik. Акадифаамҭаз ҳаззыԥшуи иахьазы заа иааныркылахьоу аҭыԥқәеи рганахьала алҵшәа бзиа ыҟоуп ҳәа лҳәеит арадио Sputnik апрограмма "Турбаза" аҿы аминистрра атуриндустриа анализи азԥхьагәаҭареи рыҟәша аиҳабы Инара Бениаԥҳа. Аԥхын традициа ҳасабла атуристцәа ҭаацәала рыԥсы ршьозар, ҭагалан аиҳараҩык рымацара рыԥсы ршьоит, убри азы ҭыԥк змоу ауадақәа алыркаауеит лҳәеит Бениаԥҳа. "Ҳотелиерцәагьы егьырҭ атәылақәа рҿырԥшы ала ҭыԥк змоу ауадақәа рыхәԥсақәа ацрыҵ рзыҟарҵоит, зықәра ыҟоу ауаа рыдрыԥхьалоит, убри алагьы аномертә фонд хадырҭәаауеит", - ҳәа лҳәеит лара. Урыстәыла аладатәи акалҭ акурортқәеи Аԥсны акурортқәеи реиндаҭлара атәы далацәажәо Бениаԥҳа илҳәеит акадифаамҭаз еиҳа Аԥсны шалырхуа. "Ари, Аԥсны еиҳа иахьԥхарроу, амшын еиҳа иахьҟәандоу азоуп. Уажәы Шәача, Тҟәаԥс, Дагомыс еиҳа ихьшәашәарахахьеит", - лҳәеит аҟазауаҩ. Ԥхынгәи нанҳәеи амзақәа рзы асасааирҭақәеи апансионатқәеи рҿы ахәқәа ҳаракын, аха цәыббра, жьҭаара амзақәа рзы еиҳа илаҟәхоит ҳәа азгәалҭеит лара. "Азеиԥш тенденциа уахәаԥшуазар иубарҭоуп аԥхынтәи ахәԥсақәа раасҭа 30% ишеиҵо", - лҳәеит Бениаԥҳа. Ҿырԥштәны иаалгеит "Акурорт Пицунда", аԥхын ахәқәа 3880 мааҭ иреиҵамзар, уажәы - 1550 мааҭ ҳәа уахык аԥсшьара шалшо. Инара Бениаԥҳа иазгәалҭеит 2023 шықәсазтәи аԥхынтәи аԥсшьара аамҭа шымариамыз. "Аԥхьатәи аԥшьбараз аҭирақәа маншәалан, ауснагӡақәа ҟаҳҵон, аха нас иаалырҟьаны 30% рҟынӡа икаҳаит. Аамҭақәак 70% асасааирҭақәа ҭәымызт", - лҳәеит лара. Бениаԥҳа лажәақәа рыла, ари иҟалаз аӡхыҵрақәа, ақәаршҩықәа иара убасгьы Урыстәыла иҭышәынтәалам аекономикатә ҭагылазаашьа ирыдҳәалоуп.
https://sputnik-abkhazia.info/20230822/ashys-ialagazar-asny-iaadyrshkheit-30-yk-zinda-aus-zua-agidtsa-1047613278.html
https://sputnik-abkhazia.info/20230822/gagra-tsybbramzazti-assharaamaz-eia-ialyrkhua-akhyrkharaa-zhaba-iryanakueit--1047605513.html
Sputnik Аҧсны
media@sputniknews.com
+74956456601
MIA „Rossiya Segodnya“
2023
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа, аԥсны, аԥсшьара
ажәабжьқәа, аԥсны, аԥсшьара
Акадифаамҭа: изеиԥшрахозеи Аԥсны ҭагалантәи аԥсшьара
11:22 23.08.2023 (ирҿыцуп: 12:31 23.08.2023) Аԥсны атуризм аминистрра адыррала ииасыз ашықәс иаҿырԥшны сынтәа цәыббрамзаз ареспубликаҿ аԥсшьара зҭаху рхыԥхьаӡара 10-15% иацлеит.
АҞӘА, нанҳәа 23 - Sputnik. Акадифаамҭаз ҳаззыԥшуи иахьазы заа иааныркылахьоу аҭыԥқәеи рганахьала алҵшәа бзиа ыҟоуп ҳәа лҳәеит арадио Sputnik апрограмма "Турбаза" аҿы аминистрра атуриндустриа анализи азԥхьагәаҭареи рыҟәша аиҳабы Инара Бениаԥҳа.
"Атуроператорцәа рыбжьара имҩаԥызгаз аҭҵаара-зҵаарақәа рыла еилыскааит зегьы акадифаамҭа қәҿиарала имҩаԥысуеит ҳәа ишазырыԥхьаӡо. Ииасыз ашықәс иаҿырԥшны сынтәа цәыббрамзаз ареспубликаҿ аԥсшьара зҭаху рхыԥхьаӡара 10-15% иацлеит. Ҳәарада амш аҭагылазаашьа, ахәқәа уҳәа анырра ҟарҵашт. Асасааирҭақәа ииашоу ахәԥсатә политика мҩаԥыргар аҿаҵарақәа 2022 шықәсазеиԥш иҟалоит, ирыцларгьы алшоит", - ҳәа лҳәеит лара.
Аԥхын традициа ҳасабла атуристцәа ҭаацәала рыԥсы ршьозар, ҭагалан аиҳараҩык рымацара рыԥсы ршьоит, убри азы ҭыԥк змоу ауадақәа алыркаауеит лҳәеит Бениаԥҳа.
"Ҳотелиерцәагьы егьырҭ атәылақәа рҿырԥшы ала ҭыԥк змоу ауадақәа рыхәԥсақәа ацрыҵ рзыҟарҵоит, зықәра ыҟоу ауаа рыдрыԥхьалоит, убри алагьы аномертә фонд хадырҭәаауеит", - ҳәа лҳәеит лара.
Урыстәыла аладатәи акалҭ акурортқәеи Аԥсны акурортқәеи реиндаҭлара атәы далацәажәо Бениаԥҳа илҳәеит акадифаамҭаз еиҳа Аԥсны шалырхуа.
"Ари, Аԥсны еиҳа иахьԥхарроу, амшын еиҳа иахьҟәандоу азоуп. Уажәы Шәача, Тҟәаԥс, Дагомыс еиҳа ихьшәашәарахахьеит", - лҳәеит аҟазауаҩ.
Ԥхынгәи нанҳәеи амзақәа рзы асасааирҭақәеи апансионатқәеи рҿы ахәқәа ҳаракын, аха цәыббра, жьҭаара амзақәа рзы еиҳа илаҟәхоит ҳәа азгәалҭеит лара.
"Азеиԥш тенденциа уахәаԥшуазар иубарҭоуп аԥхынтәи ахәԥсақәа раасҭа 30% ишеиҵо", - лҳәеит Бениаԥҳа.
Ҿырԥштәны иаалгеит "Акурорт Пицунда", аԥхын ахәқәа 3880 мааҭ иреиҵамзар, уажәы - 1550 мааҭ ҳәа уахык аԥсшьара шалшо.
Инара Бениаԥҳа иазгәалҭеит 2023 шықәсазтәи аԥхынтәи аԥсшьара аамҭа шымариамыз.
"Аԥхьатәи аԥшьбараз аҭирақәа маншәалан, ауснагӡақәа ҟаҳҵон, аха нас иаалырҟьаны 30% рҟынӡа икаҳаит. Аамҭақәак 70% асасааирҭақәа ҭәымызт", - лҳәеит лара.
Бениаԥҳа лажәақәа рыла, ари иҟалаз аӡхыҵрақәа, ақәаршҩықәа иара убасгьы Урыстәыла иҭышәынтәалам аекономикатә ҭагылазаашьа ирыдҳәалоуп.
