https://sputnik-abkhazia.info/20230823/ochamchyrati-akhshtyra-atskhyraara-las-amashyna-areit--1047621243.html

Очамчыратәи ахәшәтәырҭа ацхыраара лас амашьына арҭеит

Очамчыратәи ахәшәтәырҭа ацхыраара лас амашьына арҭеит

Sputnik Аҧсны

Акурорттә аамҭа алагареи Аԥсны мрагыларатәи ахәҭа иаҭаауа атуристцәа рхыԥхьаӡара аизҳареи иахҟьаны араион амедусҳәарҭақәа русура рацәахеит. 23.08.2023, Sputnik Аҧсны

2023-08-23T09:00+0300

2023-08-23T09:00+0300

2023-08-23T11:14+0300

аԥсны

ажәабжьқәа

аԥсны

агәабзиара

очамчыра араион

https://cdnn1.img.sputnik-abkhazia.info/img/07e7/08/17/1047627179_9:0:1268:708_1920x0_80_0_0_7b9ab002d2868ac46c147120b9cf0b0e.png

АҞӘА, нанҳәа 23 – Sputnik. Аԥсны агәабзиарахьчара аминистрра ацхыраара лас амашьына Очамчыратәи ахәшәтәырҭа иарҭеит ҳәа аанацҳауеит аусбарҭа апресс-маҵзура. "Агәабзиарахьчара аминистрра атәыла анапхгара рыдгыларала Очамчыратәи араионтә хәшәтәырҭаз ацхыраара лас - "Тойота-Хайс" аархәеит. Ари амарка акырҵуеит ибзианы ахы аанарԥшуеижьҭеи. Уажәшьҭарнахыс автомашьына Очамчыра ауааԥсыра рымаҵ аулоит", - ҳәа иҳәеит аминистр Едуард Быҭәба. Ахәшәтәырҭа аҳақьым хада Мадонна Кьышьмариаԥҳа лажәақәа рыла ари ахәшәтәырҭа автопарк аҿы раԥхьатәи аҳәаанырцәтәи машьыноуп. Акраамҭа ара рхы иадырхәон амашьынақәа хԥа - "УАЗ". "Газель". Урҭ аамҭа-аамҭала арҽеирақәа рҭахын."Автопарк ажәуеит. Амашьынақәа аамҭа-аамҭала арҽеирақәа рҭахуп. Амашьына ҿыц ҳәарада иаҳҭахын, аха асеиԥш иҿыцӡа иҟоу аҳәаанырцәтәи амашьына ҳауп ҳәа ҳгәыӷуамызт" - лҳәеит лара. Едуард Быҭәба иҳәеит араион аҿы Ацхыраара ласы аҭыԥ аартра азгәаҭаны ишрымоу, уи ашьҭахь автомашьына Тамшьҟа ишиагахо, уаҟагьы ахәшәтәырҭа аҭахарқәа рзы аус шауло.

очамчыра араион

2023

Ажәабжьқәа

ab_AB

ажәабжьқәа, аԥсны, агәабзиара, очамчыра араион