https://sputnik-abkhazia.info/20230926/imaysit-ayntylat-eibashra-iazku-adokumentalt-filma-rakharbara--1048236779.html
Имҩаԥысит Аџьынџьтәылатә еибашьра иазку адокументалтә фильмқәа раԥхьарбара
Имҩаԥысит Аџьынџьтәылатә еибашьра иазку адокументалтә фильмқәа раԥхьарбара
Sputnik Аҧсны
Акультура аминистрра Аиааиреи Ахьыԥшымреи 30 шықәса рхыҵра ахьӡала имҩаԥнаго аиндаҭлараҟны аиааира ргеит х-документалтә фильмки х-сахьаркыратә фильмки. 26.09.2023, Sputnik Аҧсны
2023-09-26T09:45+0300
2023-09-26T09:45+0300
2023-09-26T09:45+0300
аԥсны
ажәабжьқәа
аԥсны
https://cdnn1.img.sputnik-abkhazia.info/img/07e7/09/19/1048227708_0:0:1280:720_1920x0_80_0_0_7a9eb1489765a3eb0539a26422fc90bd.jpg
АҞӘА, цәыббра 26 – Sputnik, Асмаҭ Ҵәыџьԥҳа. Акультура аминистрра Аиааиреи Ахьыԥшымреи 30 шықәса рхыҵра ахьӡала имҩаԥнагаз аиндаҭлараҟны аиааира згаз адокументалтә фильмқәа рырбара мҩаԥысит Аибашьратә фырхаҵара Ахьӡ-аԥша амузеи аҟны цәыббра 25 рзы. Аԥхьа идырбан адокументалтә фильм "Шьак злоу". Афильм аҿы еиҭаҳәоуп аибашьраҿы еиҩызцәахаз, мышкы еицҭахаз, Жәандрыԥшь ақыҭаҿы анышә еицамардаз аԥсуа еибашьҩи Аԥсныҟа хатәгәаԥхарала Приднестровиантәи иааны еибашьуаз арԥыси рҭоурых. "Ҳфильм ауаҩытәыҩсатә лахьынҵа иазкуп. Иҟалон урҭ ахаангьы рымҩақәа еиԥымлар, аха аԥсҭазаара ахатә гәҭакқәа амоуп. Аӡәы иԥсадгьыл ихьчон, егьи аиаша ихьчон. Аиаша шьак еицызлоу роуп еицызыхьчогьы", - лҳәеит арежиссиор. Фатима Қәҭалиаԥҳа лфильм аибашьра зхызгаз ахәыҷқәа ирызкуп. Афильм афырхаҵа лашьеи лареи рыҩны иацәыхараны, Пицунда аԥсшьарҭақәа руак аҿы рхәыҷра шырхыргоз атәы лҳәоит. Ари аҭоурых лара лхәыҷқәа абри аԥсшьарҭахь иааганы ирзеиҭалҳәоит. "Аибашьра ҳәарада ахәыҷтәы ԥсихологиа анырра анаҭеит. Аамҭа ца-цыԥхьаӡа уи ус шакәу еилыскаауа салагеит. Убри азы исыӡбеит усҟан иҭысхуаз ахәыҷқәа ирызкны афильм ҟасҵарц. Исҭахуп афильм збо ахәаԥшыҩцәа ргәалашәарақәа ирзыхынҳәырц", - ҳәа лҳәеит лара. Ажурналист Елеонора Гилоиан лдокументалә фильм – аибашьра аветеранцәеи дара рыхшареи иаарту реицәажәара ауп, иара убасгьы лара лира 11 мшы шагыз заб дҭахаз аҭыԥҳа лмонолог ауп. "Аҭыхрақәа раан сфырхацәа ирҳәон џьара акы раԥхьаӡа акәны рхаҭақәа ишеилыркааз, ишыҟаз ран ма раб ирзеиҭарҳәаз. Ари акраҵанакуаны сахәаԥшуан. Убри аамҭазы иаҭахны избоит аиааира дуқәа –акультуратә, аекономикатә, агуманитартә иааирақәа шаҭаху. Ҳҭаацәа ззықәԥоз пату ақәҵаны иахьазы иаҳҭахны иҟоу аԥаҳҵалароуп", - ҳәа лҳәеит лара. Зметраж кьаҿу асахьаркыратәии адокументалтәии фильмқәа рҭыхраз ахарџь рхыршәааит Акультура аминистрреи Аԥсны жәлар Рџьынџьтәылатә еибашьра аинвалидцәа Рфонди. Адокументалтә фильмқәа рҭыхразы 200-200 нызқь мааҭ рзоужьын, асахьаркыратә фильмқәа 300 нызқь мааҭ.
https://sputnik-abkhazia.info/20230921/asny-zhlar-ryntylat-eibashra-iazku-afilma-rakharabara-arytskha-eilkaakheit-1048096733.html
Sputnik Аҧсны
media@sputniknews.com
+74956456601
MIA „Rossiya Segodnya“
2023
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа, аԥсны
Имҩаԥысит Аџьынџьтәылатә еибашьра иазку адокументалтә фильмқәа раԥхьарбара
Акультура аминистрра Аиааиреи Ахьыԥшымреи 30 шықәса рхыҵра ахьӡала имҩаԥнаго аиндаҭлараҟны аиааира ргеит х-документалтә фильмки х-сахьаркыратә фильмки.
АҞӘА, цәыббра 26 – Sputnik, Асмаҭ Ҵәыџьԥҳа. Акультура аминистрра Аиааиреи Ахьыԥшымреи 30 шықәса рхыҵра ахьӡала имҩаԥнагаз аиндаҭлараҟны аиааира згаз адокументалтә фильмқәа рырбара мҩаԥысит Аибашьратә фырхаҵара Ахьӡ-аԥша амузеи аҟны цәыббра 25 рзы.
Ахәаԥшыҩцәа идырбан Манана Кокосқьырԥҳа лусумҭа "Шьак злоу", Фатима Қәҭелмаԥҳа - "Алифт", Елеонора Гилоиан - "Абацәеи аибашьра ахшареи".
Аԥхьа идырбан адокументалтә фильм "Шьак злоу". Афильм аҿы еиҭаҳәоуп аибашьраҿы еиҩызцәахаз, мышкы еицҭахаз, Жәандрыԥшь ақыҭаҿы анышә еицамардаз аԥсуа еибашьҩи Аԥсныҟа хатәгәаԥхарала Приднестровиантәи иааны еибашьуаз арԥыси рҭоурых.
"Ҳфильм ауаҩытәыҩсатә лахьынҵа иазкуп. Иҟалон урҭ ахаангьы рымҩақәа еиԥымлар, аха аԥсҭазаара ахатә гәҭакқәа амоуп. Аӡәы иԥсадгьыл ихьчон, егьи аиаша ихьчон. Аиаша шьак еицызлоу роуп еицызыхьчогьы", - лҳәеит арежиссиор.
Фатима Қәҭалиаԥҳа лфильм аибашьра зхызгаз ахәыҷқәа ирызкуп. Афильм афырхаҵа лашьеи лареи рыҩны иацәыхараны, Пицунда аԥсшьарҭақәа руак аҿы рхәыҷра шырхыргоз атәы лҳәоит. Ари аҭоурых лара лхәыҷқәа абри аԥсшьарҭахь иааганы ирзеиҭалҳәоит.
"Аибашьра ҳәарада ахәыҷтәы ԥсихологиа анырра анаҭеит. Аамҭа ца-цыԥхьаӡа уи ус шакәу еилыскаауа салагеит. Убри азы исыӡбеит усҟан иҭысхуаз ахәыҷқәа ирызкны афильм ҟасҵарц. Исҭахуп афильм збо ахәаԥшыҩцәа ргәалашәарақәа ирзыхынҳәырц", - ҳәа лҳәеит лара.
Ажурналист Елеонора Гилоиан лдокументалә фильм – аибашьра аветеранцәеи дара рыхшареи иаарту реицәажәара ауп, иара убасгьы лара лира 11 мшы шагыз заб дҭахаз аҭыԥҳа лмонолог ауп.
"Аҭыхрақәа раан сфырхацәа ирҳәон џьара акы раԥхьаӡа акәны рхаҭақәа ишеилыркааз, ишыҟаз ран ма раб ирзеиҭарҳәаз. Ари акраҵанакуаны сахәаԥшуан. Убри аамҭазы иаҭахны избоит аиааира дуқәа –акультуратә, аекономикатә, агуманитартә иааирақәа шаҭаху. Ҳҭаацәа ззықәԥоз пату ақәҵаны иахьазы иаҳҭахны иҟоу аԥаҳҵалароуп", - ҳәа лҳәеит лара.
Зметраж кьаҿу асахьаркыратәии адокументалтәии фильмқәа рҭыхраз ахарџь рхыршәааит Акультура аминистрреи Аԥсны жәлар Рџьынџьтәылатә еибашьра аинвалидцәа Рфонди.
Адокументалтә фильмқәа рҭыхразы 200-200 нызқь мааҭ рзоужьын, асахьаркыратә фильмқәа 300 нызқь мааҭ.
