https://sputnik-abkhazia.info/20230929/ireiaou-abara-akhybra-aama-akapsula--agylareit-1048330716.html
Иреиҳаӡоу аӡбарҭа ахыбра аамҭа акапсула агәыларҵеит
Иреиҳаӡоу аӡбарҭа ахыбра аамҭа акапсула агәыларҵеит
Sputnik Аҧсны
100 шықәса ҵуеит Аԥсны еиҿкаауижьҭеи азеиԥш иурисдикциа иаҵанакуа аӡбарҭақәа. 29.09.2023, Sputnik Аҧсны
2023-09-29T14:55+0300
2023-09-29T14:55+0300
2023-09-29T15:18+0300
аԥсны
ажәабжьқәа
https://cdnn1.img.sputnik-abkhazia.info/img/07e7/09/1d/1048320956_0:120:1280:840_1920x0_80_0_0_dac710030d897130ebdc47ff50df53f2.jpg
АҞӘА, цәыббра 29 - Sputnik, Асмаҭ Ҵәыџьԥҳа. Иреиҳаӡоу аӡбарҭа ахыбра аамҭа акапсула агәыларҵеит, иара аартра азыԥхьагәаҭоуп 2073 шықәса лаҵара 13 азы, 150 шықәсазтәи аиубилеи аан. Ԥхьаҟатәи абиԥарақәа рахь анашьҭымҭа даԥхьеит Иреиҳаӡоу аӡбарҭа ахантәаҩы Саида Быҭәԥҳа. Лара иазгәалҭеит 100 шықәса шҵуа Аԥсны еиҿкаауижьҭеи азеиԥш иурисдикциа иаҵанакуа аӡбарҭақәа ҳәа. Ари аамҭа иалагӡаны ирацәоуп иҟаҵоу Аԥсны Аҳәынҭқарра исуверентәу, идемократиатәу, изинтәу ҳәынҭқаррак аҳасабала иҟаларазы лҳәеит лара. "Ҳгәыӷуеит 50 шықәса рышьҭахьгьы Аԥсны аӡбаҩцәа руалԥшьа шынарыгӡо азы, обиективла, иашарыла, Аԥсны Аконституциеи азакәанқәеи ирықәныҟәаны ихьыԥшым аиашаӡбара шымҩаԥыргало", - лҳәеит Быҭәԥҳа. Аамҭа акапсула иҭарҵеит азеиԥш иурисдикциа иаҵанакуа аӡбарҭақәа 100 шықәса рхыҵраантәи аныҳәатә фотосахьақәа, Аԥсны азакәанԥҵаратә ҭыжьымҭақәа, Иреиҳаӡоу аӡбарҭа аусбарҭатә ҳамҭақәа, амонографиа "Аԥсны Аҳәынҭқарра аӡбарҭатә система аҭоурых", Иреиҳаӡоу аӡбарҭа астатистикатә еизга (1994-2022 шш.). Акапсула ахыбра агәылаҵара иалахәын Иреиҳаӡоу аӡбарҭа аусзуҩцәа рхәыҷқәа.
Sputnik Аҧсны
media@sputniknews.com
+74956456601
MIA „Rossiya Segodnya“
2023
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа
Иреиҳаӡоу аӡбарҭа ахыбра аамҭа акапсула агәыларҵеит
14:55 29.09.2023 (ирҿыцуп: 15:18 29.09.2023) 100 шықәса ҵуеит Аԥсны еиҿкаауижьҭеи азеиԥш иурисдикциа иаҵанакуа аӡбарҭақәа.
АҞӘА, цәыббра 29 - Sputnik, Асмаҭ Ҵәыџьԥҳа. Иреиҳаӡоу аӡбарҭа ахыбра аамҭа акапсула агәыларҵеит, иара аартра азыԥхьагәаҭоуп 2073 шықәса лаҵара 13 азы, 150 шықәсазтәи аиубилеи аан.
Ԥхьаҟатәи абиԥарақәа рахь анашьҭымҭа даԥхьеит Иреиҳаӡоу аӡбарҭа ахантәаҩы Саида Быҭәԥҳа. Лара иазгәалҭеит 100 шықәса шҵуа Аԥсны еиҿкаауижьҭеи азеиԥш иурисдикциа иаҵанакуа аӡбарҭақәа ҳәа. Ари аамҭа иалагӡаны ирацәоуп иҟаҵоу Аԥсны Аҳәынҭқарра исуверентәу, идемократиатәу, изинтәу ҳәынҭқаррак аҳасабала иҟаларазы лҳәеит лара.
"Ҳгәыӷуеит 50 шықәса рышьҭахьгьы Аԥсны аӡбаҩцәа руалԥшьа шынарыгӡо азы, обиективла, иашарыла, Аԥсны Аконституциеи азакәанқәеи ирықәныҟәаны ихьыԥшым аиашаӡбара шымҩаԥыргало", - лҳәеит Быҭәԥҳа.
Аамҭа акапсула иҭарҵеит азеиԥш иурисдикциа иаҵанакуа аӡбарҭақәа 100 шықәса рхыҵраантәи аныҳәатә фотосахьақәа, Аԥсны азакәанԥҵаратә ҭыжьымҭақәа, Иреиҳаӡоу аӡбарҭа аусбарҭатә ҳамҭақәа, амонографиа "Аԥсны Аҳәынҭқарра аӡбарҭатә система аҭоурых", Иреиҳаӡоу аӡбарҭа астатистикатә еизга (1994-2022 шш.).
"Агәра аагоит азеиԥш иурисдикциа иаҵанакуа аӡбарҭақәа рыӡбаҩцәеи русзуҩцәеи Аԥсны иаԥсоу абиԥараны, ирылшо зегь шыҟарҵало аӡбарҭатә система ахьӡ-аԥша арӷәӷәаразы, ауаҩи атәылауаҩи рзинқәеи аконституциатә беиареи рыхьчара хықәкыс измоу ихьыԥшым аӡбарҭатә система ашьақәыргыларазы", - лҳәоит Быҭәԥҳа.
Акапсула ахыбра агәылаҵара иалахәын Иреиҳаӡоу аӡбарҭа аусзуҩцәа рхәыҷқәа.
