Делԥҳа арҵаҩы изы: ауаҩы диааӡароуп, дшьақәиргылароуп
Делԥҳа арҵаҩы изы: ауаҩы диааӡароуп, дшьақәиргылароуп
Анапаҵаҩра
Жьҭаара 5 рзы Аԥсны иазгәарҭеит Арҵаҩы имш. Есышыкәса ишаԥу еиԥш аҵара ааӡараҿы злагала ыҟоу арҵаҩцәа алкааны рыӡбахә рҳәоит, Зҽаԥсазтәыз арҵаҩы ҳәа аҳаҭыртә хьӡы рхырҵоит. Сынтәа 11-ҩык арҵаҩцәа алкаахеит, урҭ дыруаӡәкуп Баграт Шьынқәба ихьӡ зху Аҟәатәи актәи ашкол аиҳабы Нонна Делԥҳа.
Нонна Делԥҳа арадио Sputnik аефир аҟны далацәажәеит арҵаҩы иус дшазнеиша, иду аҭакԥхықәра атәы.
"Арҵаҩы изанааҭ ҳаҭыр ақәуп, аха аҭакԥхықәрагьы даара идууп. Ҳәарас иаҭахыузеи, ас еиԥш ахьӡ ануанаршьалак, аҭакԥхықәра иҵегьы еиҳахоит. Акыр сыгхама, исыгхаз иҵегьы саԥхьаҟа инасыгӡап ҳәа азхәыцра уалагоит. Арҵаҩы ари ауаҩы дшьақәзыргыло, аԥхьа ахәыҷы аҵарадыррахь ишьаҿа анеихиго иааӡаразы ауал зду иоуп, иԥсадгьыл абзиабара илааӡара, аԥсадгьыл ахьчаҩ, афырхаҵа иира, ус еиԥш ахьӡ ичаԥартә ҟазҵо арҵаҩы иоуп. Аишазы, аҭакԥхықәра ду ацуп уи иус, имариаӡам… уи диааӡароуп, дшьақәиргылароуп ауаҩы. Аҭакԥхықәра иацзароуп азанааҭ абзиабара, узанааҭ бзиа иумбозар, алҵшәа бзиа умоур ҟалап. Зыла ҭырхаха иухәаԥшуа ахәыҷы игәы иҵхо еилукаароуп", -лҳәеит Делԥҳа.
Аицәажәара инеиҵыхны ишәаҳар шәылшоит аудиофаил аҟны хыхь.
