https://sputnik-abkhazia.info/20231010/aslan-bzhania-asny-ainvestortsa-rzy-aagylazaasha-manshalaa-ayroit-1048540396.html
Аслан Бжьаниа: Аԥсны аинвесторцәа рзы аҭагылазаашьа маншәалақәа аԥырҵоит
Аслан Бжьаниа: Аԥсны аинвесторцәа рзы аҭагылазаашьа маншәалақәа аԥырҵоит
Sputnik Аҧсны
АҞӘА, жьҭаара 10 - Sputnik. Аԥсны азакәанԥҵара аҽаԥсахуеит аинвесторцәа ареспубликаҿы апроектқәа рырҿиара рҭаххаразы, абри атәы иҳәеит "Россия 1" аинтервиу... 10.10.2023, Sputnik Аҧсны
2023-10-10T10:58+0300
2023-10-10T10:58+0300
2023-10-10T11:45+0300
аԥсны
аԥсны
ажәабжьқәа
https://cdnn1.img.sputnik-abkhazia.info/img/07e7/03/02/1044412052_0:106:1394:890_1920x0_80_0_0_9ae05a92039bbe1476454b383ab37cc8.jpg
АҞӘА, жьҭаара 10 - Sputnik. Аԥсны азакәанԥҵара аҽаԥсахуеит аинвесторцәа ареспубликаҿы апроектқәа рырҿиара рҭаххаразы, абри атәы иҳәеит "Россия 1" аинтервиу азҭаз Атәыла ахада Аслан Бжьаниа. Аслан Бжьаниа иажәақәа рыла, аҳәаанырцәтәи аинвесторцәа атуризм аиԥш ақыҭанхамҩагьы аинтерес рыманы иҟоуп. Гал араион аҿы иазыԥхьагәаҭоуп ацитрустә нхамҩақәа ҩба раԥҵара. Аинвесторцәа иаздырхиоит атехнологиа ҿыцқәа рхархәарала анаплакы арҿиара астратегиа. Ахада еиҭеиҳәеит Аԥсны ишалагаз аголубика аарыхра. Иара ахаҭабзиара ҳаракуп, Польша аасҭа ара еиҳа изааны ишәуеит. Хара имгакәа ареспублика ахатә аалыҵ аҳәаанырцәҟа инанашьҭлоит. Иара убасгьы Аԥсны изышьцыло акультурақәа - киви, ахәырма, абҳәа уҳәа аадрыхуеит, иҿиоит аӡахәааӡара.Аслан Бжьаниа агәыӷра ааирԥшит аинвестициақәа рылшарала Аԥсны злабеиаз ачаи плантациақәагьы еиҭашьақәгылап ҳәа.
https://sputnik-abkhazia.info/20230621/kokhorati-argyts-asny-agolubika-aarykhyra-1046452572.html
Sputnik Аҧсны
media@sputniknews.com
+74956456601
MIA „Rossiya Segodnya“
2023
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
аԥсны, ажәабжьқәа
Аслан Бжьаниа: Аԥсны аинвесторцәа рзы аҭагылазаашьа маншәалақәа аԥырҵоит
10:58 10.10.2023 (ирҿыцуп: 11:45 10.10.2023) АҞӘА, жьҭаара 10 - Sputnik. Аԥсны азакәанԥҵара аҽаԥсахуеит аинвесторцәа ареспубликаҿы апроектқәа рырҿиара рҭаххаразы, абри атәы иҳәеит "Россия 1" аинтервиу азҭаз Атәыла ахада Аслан Бжьаниа.
"Аԥсны азакәанԥҵара аҽаԥсахуеит аинвесторцәа ареспубликаҿы апроектқәа рырҿиара рҭаххаразы. Сара сгәанала аҭагылазаашьа шьахәқәа рзаԥаҳҵоит. Хара имгакәа иҳагәҭакуп Аԥсны аҵакыраҿы урыстәылатәи аиурист хаҿқәа ринвестициатә усуразы аиҳабырабжьаратә еиқәшаҳаҭра анапаҵаҩра. Ари аиурист хаҿы изы льготан акәымкәа преференциақәоуп аекономика аицырҿиаразы", - иҳәеит иара.
Аслан Бжьаниа иажәақәа рыла, аҳәаанырцәтәи аинвесторцәа атуризм аиԥш ақыҭанхамҩагьы аинтерес рыманы иҟоуп. Гал араион аҿы иазыԥхьагәаҭоуп ацитрустә нхамҩақәа ҩба раԥҵара. Аинвесторцәа иаздырхиоит атехнологиа ҿыцқәа рхархәарала анаплакы арҿиара астратегиа.
Ахада еиҭеиҳәеит Аԥсны ишалагаз аголубика аарыхра. Иара ахаҭабзиара ҳаракуп, Польша аасҭа ара еиҳа изааны ишәуеит. Хара имгакәа ареспублика ахатә аалыҵ аҳәаанырцәҟа инанашьҭлоит. Иара убасгьы Аԥсны изышьцыло акультурақәа - киви, ахәырма, абҳәа уҳәа аадрыхуеит, иҿиоит аӡахәааӡара.
Аслан Бжьаниа агәыӷра ааирԥшит аинвестициақәа рылшарала Аԥсны злабеиаз ачаи плантациақәагьы еиҭашьақәгылап ҳәа.
