https://sputnik-abkhazia.info/20231023/gagra-asni-urystylei-rynuati-usa-rministrraa-reilaka-reilatara-maysit-1048754447.html
Гагра Аԥсни Урыстәылеи рыҩнуҵҟатәи усқәа рминистррақәа реилакқәа реилатәара мҩаԥысит
Гагра Аԥсни Урыстәылеи рыҩнуҵҟатәи усқәа рминистррақәа реилакқәа реилатәара мҩаԥысит
Sputnik Аҧсны
Аиԥылара иалахәын Аԥсны аҩнуҵҟатәи аусқәа рминистрра, Нхыҵ-Кавказтәи Афедералтә округ аҿы Урыстәыла аҩнуҵҟатәи аусқәа рминистрра аусбарҭа хада, Краснодартәи... 23.10.2023, Sputnik Аҧсны
2023-10-23T16:35+0300
2023-10-23T16:35+0300
2023-10-23T16:52+0300
аԥсны
ажәабжьқәа
кавказ
https://cdnn1.img.sputnik-abkhazia.info/img/07e7/0a/17/1048752660_0:47:500:328_1920x0_80_0_0_b0d206c18dd5ffd50794ffdd6774f05f.png
Аиԥылара иалахәын Аԥсны аҩнуҵҟатәи аусқәа рминистрра, Нхыҵ-Кавказтәи Афедералтә округ аҿы Урыстәыла аҩнуҵҟатәи аусқәа рминистрра аусбарҭа хада, Краснодартәи атәылаҿацә аҿы Урыстәылатәи Афедерациа аҩнуҵҟатәи аусқәа рминистрра русбарҭа хада, Ҟарачы-Черқьесиа Ареспублика аҩнуҵҟатәи аусқәа рминистрра, Афедералтә ҵакыра "Сириус" аҿы Урыстәыла аҩнуҵҟатәи аусқәа рминистрра аҟәша рхаҭарнакцәа.АҞӘА, жьҭаара 23 – Sputnik. Жьҭаарамза 20 рзы Гагра ақалақь аҿы имҩаԥысит ҩымштәи Аԥсни Урыстәылеи рыҩнуҵҟатә усқәа рминистррақәеи аҳәаа иаԥну арегионқәа рыҩнуҵҟатә усқәа русбарҭақәа реилакқәеи реилатәара ҳәа аанацҳауеит Аԥсны АҩАР апресс-маҵзура. Ауснагӡатә алагамҭаз аделегациа алахәылацәа Аԥсны жәлар Рџьынџьтәылатә еибашьраан иҭахаз аибашьцәа рбаҟа аҿаԥхьа ашәҭшьыҵәрақәа шьҭарҵеит, иара убасгьы ашәҭшьыҵәрақәа шьҭарҵеит Аԥсны раԥхьатәи ахада Владислав Арӡынба ибаҟа аҿаԥхьа. Ауснагӡатә аартуа, Аԥсны аҩнуҵҟатәи аусқәа рминистр Роберт Кьиут иазгәеиҭеит атәылақәа рыҩба рзинхьчаратә усбарҭақәа реинырра алҵшәақәа шаанарԥшуа. Нхыҵ-Кавказтәи Афедералтә округ аҟны Урыстәыла аҩнуҵҟатәи аусқәа рминистрра аусбарҭа хада аиҳабы Сергеи Бачурин иазгәеиҭеит Аԥсны АҩАР аусбарҭа иапартниор бзианы ишыҟоу. "Урыстәыла АҩАР аҳәаа иаԥну арегионқәа рҿы аҩнуҵҟатә усқәа русбарҭақәа русура аҳәаақәа ирҭагӡаны реинырра ԥхьаҟатәи аизыҟазаашьақәа рырҿиара иазнархиоит жәларбжьаратәи атерроризм, закәаншьаҭада абџьар, анаркотикқәа реикәыршара, ацәгьоуцәа рыԥшаара аусхк аҟны", - ҳәа иҳәеит иара. Аилатәараҿы аганқәа рылацәажәеит еиуеиԥшым, хра злоу азҵаарақәа. Аиԥылара аихшьаалақәа рыла, аганқәа аҳәаа иаԥну арегионқәа рыҩнуҵҟатәи аусқәа русбарҭақәа ркомитетқәа аилатәара аԥкаанҵа рнапы аҵарҩит. Уи инақәыршәаны, анаҩстәи анапхгарабжьаратәи аусура рконсолидациа алнаршоит.
https://sputnik-abkhazia.info/20231006/urystylei-asni-anarkotik-izakanymka-alarara-ayraarazy-eilatsazheit-aar-ay-1048493888.html
Sputnik Аҧсны
media@sputniknews.com
+74956456601
MIA „Rossiya Segodnya“
2023
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа, кавказ
Аиԥылара иалахәын Аԥсны аҩнуҵҟатәи аусқәа рминистрра, Нхыҵ-Кавказтәи Афедералтә округ аҿы Урыстәыла аҩнуҵҟатәи аусқәа рминистрра аусбарҭа хада, Краснодартәи атәылаҿацә аҿы Урыстәылатәи Афедерациа аҩнуҵҟатәи аусқәа рминистрра русбарҭа хада, Ҟарачы-Черқьесиа Ареспублика аҩнуҵҟатәи аусқәа рминистрра, Афедералтә ҵакыра "Сириус" аҿы Урыстәыла аҩнуҵҟатәи аусқәа рминистрра аҟәша рхаҭарнакцәа.
АҞӘА, жьҭаара 23 – Sputnik. Жьҭаарамза 20 рзы Гагра ақалақь аҿы имҩаԥысит ҩымштәи Аԥсни Урыстәылеи рыҩнуҵҟатә усқәа рминистррақәеи аҳәаа иаԥну арегионқәа рыҩнуҵҟатә усқәа русбарҭақәа реилакқәеи реилатәара ҳәа аанацҳауеит Аԥсны АҩАР апресс-маҵзура.
Ауснагӡатә алагамҭаз аделегациа алахәылацәа Аԥсны жәлар Рџьынџьтәылатә еибашьраан иҭахаз аибашьцәа рбаҟа аҿаԥхьа ашәҭшьыҵәрақәа шьҭарҵеит, иара убасгьы ашәҭшьыҵәрақәа шьҭарҵеит Аԥсны раԥхьатәи ахада Владислав Арӡынба ибаҟа аҿаԥхьа.
Ауснагӡатә аартуа, Аԥсны аҩнуҵҟатәи аусқәа рминистр Роберт Кьиут иазгәеиҭеит атәылақәа рыҩба рзинхьчаратә усбарҭақәа реинырра алҵшәақәа шаанарԥшуа.
"Ишдыру еиԥш, аҳәаа иахьаԥну аусеицура шьаҭас иамоуп аҳәынҭқаррақәа рсуверинитет, рзакәанԥҵарақәа,аганқәа рҵакыратә акзаара, раҳаҭыреиқәҵара. Имҩаԥгоу аусурақәа рылкаақәа ҟаҵо, агәра ганы иаҳҳәар ҟалоит узлаҽхәаша арбагақәа шыҟоу, аусбарҭабжьаратә усеицура аԥеиԥш шамоу", - иҳәеит иара.
Нхыҵ-Кавказтәи Афедералтә округ аҟны Урыстәыла аҩнуҵҟатәи аусқәа рминистрра аусбарҭа хада аиҳабы Сергеи Бачурин иазгәеиҭеит Аԥсны АҩАР аусбарҭа иапартниор бзианы ишыҟоу.
"Урыстәыла АҩАР аҳәаа иаԥну арегионқәа рҿы аҩнуҵҟатә усқәа русбарҭақәа русура аҳәаақәа ирҭагӡаны реинырра ԥхьаҟатәи аизыҟазаашьақәа рырҿиара иазнархиоит жәларбжьаратәи атерроризм, закәаншьаҭада абџьар, анаркотикқәа реикәыршара, ацәгьоуцәа рыԥшаара аусхк аҟны", - ҳәа иҳәеит иара.
Аилатәараҿы аганқәа рылацәажәеит еиуеиԥшым, хра злоу азҵаарақәа.
Аиԥылара аихшьаалақәа рыла, аганқәа аҳәаа иаԥну арегионқәа рыҩнуҵҟатәи аусқәа русбарҭақәа ркомитетқәа аилатәара аԥкаанҵа рнапы аҵарҩит. Уи инақәыршәаны, анаҩстәи анапхгарабжьаратәи аусура рконсолидациа алнаршоит.
