https://sputnik-abkhazia.info/20231127/gagrei-aei-ana-ay-ryaleit-amshyn-ara-iakhyyz-iakhany-1049235704.html
Гагреи Аҟәеи аҩнқәа аӡы рыҵалеит амшын аҭра иахьҭыҵыз иахҟьаны
Гагреи Аҟәеи аҩнқәа аӡы рыҵалеит амшын аҭра иахьҭыҵыз иахҟьаны
Sputnik Аҧсны
Амшын еиқәа аҿықәан ацәқәырԥара ду, амшцәгьа ҟалеит абҵара 26-27 рухазы. Еиҳарак ааха роупит Ҟрыми Краснодартәи атәылаҿацәи, амшцәгьа Аԥснынӡагьы иааит. 27.11.2023, Sputnik Аҧсны
2023-11-27T12:41+0300
2023-11-27T12:41+0300
2023-11-27T12:47+0300
аԥсны
ажәабжьқәа
https://cdnn1.img.sputnik-abkhazia.info/img/07e7/07/09/1046808166_0:0:1920:1080_1920x0_80_0_0_2be8238593242025bd16e12b7b4e64ef.jpg
АҞӘА, абҵара 27 - Sputnik, Бадраҟ Аҩӡба. Амшын аҭра иахьҭыҵыз иахҟьаны Гагра ахатәыҩнқәеи атуристтә обиектқәа реиҳараки аӡы рыҵалеит ҳәа Sputnik иазеиҭеиҳәеит араион ахада ихаҭыԥуаҩ Адамыр Ҵышәба."Уажәы аиқәырхаҩцәа ахыбрақәа актәи реихагылақәа рҟынтәи аӡы ҭыртоит, аха амшын аҽеиқәнакуам, аӡы хыҵны амҩа ианылеит", - иҳәеит иара.Ҵышәба иажәақәа рыла, макьана заауп ари аӡхыҵра Гагра анхацәа ирынаҭаз аԥхасҭа атәы аҳәара.Аԥсны АҶА аҿы адырра шыҟарҵаз ала, ацәқәырԥақәа Гагра аӡыҭгагақәеи атрансформатортә станциақәеи ирыҵалеит. Гәыԥҩык ауаа аӡы ахьхыҵыз аҭыԥқәа рҟынтәи иахыргеит.Аиқәырхаҩцәеи акоммуналтә усзуҩцәеи Аҟәа Алашарбага аҳаблаҿгьы аус руеит. Уа аҩнқәа ҩба рҿы актәи аихагылақәа аӡы рыҵалеит, урҭ рахьтә акы аҿы уаҩ дынхом ҳәа иаҳзеиҭеиҳәеит Аҟәа анхамҩатә усбарҭа аиҳабы Руслан Аҩӡба. Ҩыџьа аӡы ахьхыҵыз аҭыԥ аҟынтәи ирыцхрааны иахыгоуп.Уажәы АҶА аусзуҩцәеи акоммуналтә усзуҩцәеи ирылшо зегь ҟарҵоит аӡы аҩнқәа рахь имнеирц азы. Аусурақәа аруадаҩуеит зымчхара быжь-баллк иҟоу амшынеисра.
Sputnik Аҧсны
media@sputniknews.com
+74956456601
MIA „Rossiya Segodnya“
2023
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
ажәабжьқәа
Гагреи Аҟәеи аҩнқәа аӡы рыҵалеит амшын аҭра иахьҭыҵыз иахҟьаны
12:41 27.11.2023 (ирҿыцуп: 12:47 27.11.2023) Амшын еиқәа аҿықәан ацәқәырԥара ду, амшцәгьа ҟалеит абҵара 26-27 рухазы. Еиҳарак ааха роупит Ҟрыми Краснодартәи атәылаҿацәи, амшцәгьа Аԥснынӡагьы иааит.
АҞӘА, абҵара 27 - Sputnik, Бадраҟ Аҩӡба. Амшын аҭра иахьҭыҵыз иахҟьаны Гагра ахатәыҩнқәеи атуристтә обиектқәа реиҳараки аӡы рыҵалеит ҳәа Sputnik иазеиҭеиҳәеит араион ахада ихаҭыԥуаҩ Адамыр Ҵышәба.
"Уажәы аиқәырхаҩцәа ахыбрақәа актәи реихагылақәа рҟынтәи аӡы ҭыртоит, аха амшын аҽеиқәнакуам, аӡы хыҵны амҩа ианылеит", - иҳәеит иара.
Ҵышәба иажәақәа рыла, макьана заауп ари аӡхыҵра Гагра анхацәа ирынаҭаз аԥхасҭа атәы аҳәара.
Аԥсны АҶА аҿы адырра шыҟарҵаз ала, ацәқәырԥақәа Гагра аӡыҭгагақәеи атрансформатортә станциақәеи ирыҵалеит. Гәыԥҩык ауаа аӡы ахьхыҵыз аҭыԥқәа рҟынтәи иахыргеит.
Аиқәырхаҩцәеи акоммуналтә усзуҩцәеи Аҟәа Алашарбага аҳаблаҿгьы аус руеит. Уа аҩнқәа ҩба рҿы актәи аихагылақәа аӡы рыҵалеит, урҭ рахьтә акы аҿы уаҩ дынхом ҳәа иаҳзеиҭеиҳәеит Аҟәа анхамҩатә усбарҭа аиҳабы Руслан Аҩӡба. Ҩыџьа аӡы ахьхыҵыз аҭыԥ аҟынтәи ирыцхрааны иахыгоуп.
Уажәы АҶА аусзуҩцәеи акоммуналтә усзуҩцәеи ирылшо зегь ҟарҵоит аӡы аҩнқәа рахь имнеирц азы. Аусурақәа аруадаҩуеит зымчхара быжь-баллк иҟоу амшынеисра.
