Аԥсны аминистрцәа реилазаара аӡы-биологиатә ресурсқәа рхархәаразы ахә шьақәнаргылеит
© Sputnik / Томас Тхайцук
Анапаҵаҩра
АҞӘА, ԥхынҷкәын 2 – Sputnik. Аԥсны аминистрцәа реилазаара 2023-2024 шықәсқәа рзы ҭагалан-аӡынтәи аԥсыӡкраамҭаз аӡы-биологиатә ресурсқәа рхархәаразы ахә шьақәнаргылеит.
Аӡы-биологиатә ресурсқәа рхархәаразы тоннак азы ахә иартәоит:
агәыҵаԥшь- 20 000 м;
аҷарқал-9 520 м;
аԥсардаҳанқәа-1 050м;
аҵыхәгәышә-16 000 м;
ашәиаҟ-80 000 м;
егьырҭ зегьы (адыԥсала, амшынла, аганвых, атах, алуфар, агәырԥсыӡ, асмарида, аԥсардаҳан, аҭкәицар, амыдаӷьцәа уҳәа егьырҭгьы)- 20 000 м.
2023-2024 шш. рзы ҭагалан-аӡынтәи аԥсыӡкраамҭаз акамшьиа 27 нызқь тонна рҟынӡа акра алшоит.
