Аԥсны акультуратә афиша: атеатртә мчыбжьы
© Foto / Абхазский Государственный Молодежный театр
Анапаҵаҩра
Аинформациатә маҵзуреи арадиои Sputnik Аԥсны есымчыбжьа ишәыднагалоит ареспубликаҿы имҩаԥысуа атеатртә қәгыларақәа, афилармониатәи аестрадатәи аконцертқәа, ацәыргақәҵақәа уҳәа жәпакы разгәаҭа.
Ажьырныҳәа 29 инаркны жәабран 4-нӡа Аԥсны имҩаԥысуа акультуратә хҭысқәа - Sputnik Аԥсны аматериал аҿы.
РУСДРАМ аҿы ажьырныҳәа 30-31 иара убасгьы жәабран 1 асааҭ 19:00 рзы иддырбоит аспектакль “Абырг Хабыгә игәыжь ажәабжь”. Фазиль Искандер ирҿиамҭақәа ирылху акомедиа ықәиргылеит Антон Корнилов.
Жәабран 3 асааҭ 19:00 рзы атеатр актиорцәа иддырбоит Габриель Гарсиа Маркес ирҿиамҭала "Шәышықәса азаҵәра". Ари амагиатә реализм иаҵанакуа, узтҟәо аҭагылазаашьеи актиортә хәмарра ссири – арҭ зегьы ара еилаӡҩоуп.
Жәабран 4 асааҭ 19:00 рзы - Иосиф Бродски ипоема иалху "Аныҟәара". Милана Ломиаԥҳа лмоноспектакль – аӡшәах аиԥш ииасны ицо аҿара азхәыцра зҽазызшәо Бродски қәыԥш ихәыцрақәа аадырԥшуеит.
Ажьырныҳәа 31 асааҭ 19:00 рзы Аԥснытәи аҿар ртеатр иддырбоит аспектакль “Анаурқәа” (Дырмит Гәлиа). ХХ ашәышықәса алагамҭазтәи аԥсуа қыҭаҿ ҩыџьа аигәылацәа реимак атәы еиҭанаҳәоит. Арежиссиор– Аԥсны жәлар рартист Шьалуа Гыцба.
