Аԥсны астратегиатә ргыларақәа рзы азакәан рыдыркылеит
17:00 07.02.2024 (ирҿыцуп: 17:50 07.02.2024)
© Sputnik / Томас Тхайцук
Анапаҵаҩра
Аԥсны иҟоу астратегиатә ргыларақәа рхатәтәра ҟалом, урҭ русуреи рхархәареи рзы иҷыдоу аԥҟарақәа ҟалоит.
АҞӘА, жәабран 8 – Sputnik. Апарламент иаднакылеит "Астратегиатә ргыларақәа рзы" азакәан аҵыхәтәантәи аԥхьарала.
Арҭ аргыларақәа рахь иаҵанакуеит:
Атәылахьчара аминистрра, Ашәарҭадаратә маҵзура, Аҩнуҵҟатәи аусқәа рминистрра, Аҭагылазаашьа ҷыдақәа рзы аминистрра, Аиҳабыратә еимадарақәа рмаҵзура рмазара, арратә техникеи амаҭәахәи налаҵаны;
аҳәынҭусбарҭақәа рхы иадырхәо ахыбрақәеи ауадақәеи;
аенергетика;
амагистральтә аимадаратә цәаҳәақәа;
аимадара, ателехәаԥшра, арадио, ателе - радиоеимадаратә центрқәа, аинформациатәи ателеграфтә маҵзурақәа;
авиациа;
аеродромқәа;
ареспубликатә аихамҩатәи автомобилтә мҩақәеи, авокзалқәеи;
аӡиақәа, аӡиасқәа, иԥсабаратәым аӡеизакырҭақәа, аӡыҭгагатә станциақәа;
азеиԥшҳәынҭқарратә ҵакы змоу алашарбагақәа, агидротехникатә ргыларақәа, асқьалақәа;
агәабзиарахьчара;
аҭоурых-культуратә ҭынха;
иҷыдоу аҭҵаарадырратә мамзаргьы акультуратә беиара зныԥшуа;
аҵаратә усбарҭақәа;
Аминистрцәа реилазаарагьы иазнархиар ҟалоит аҳәынҭқарраз астратегиатә ҟазшьа зманы ишьоу аргыларақәа реиқәыԥхьаӡа Апарламент ахәаԥшразы.
