https://sputnik-abkhazia.info/20240301/tyba-amshmaakhyr-akhyiaaoz-iblyz-ibachazy-daara-gy-kaan-aoup-1050317168.html
Тыҩба амшәмаахыр ахьыиааӡоз иблыз ибаҳчазы: даара ҳгәы каҳан ҳаҟоуп
Тыҩба амшәмаахыр ахьыиааӡоз иблыз ибаҳчазы: даара ҳгәы каҳан ҳаҟоуп
Sputnik Аҧсны
Амшәмаахыр зааӡо Ешсоу Тыҩба Очамчыра араион аҿы иҟаз абылрақәа ирыхҟьаны агәаҟра дақәшәеит, иблит нап аадкылан ииааӡоз ибаҳча. Арадио Sputnik аефир аҿы... 01.03.2024, Sputnik Аҧсны
2024-03-01T17:30+0300
2024-03-01T17:30+0300
2024-03-01T18:13+0300
арадио
аԥсны
аподкаст
https://cdnn1.img.sputnik-abkhazia.info/img/07e8/03/01/1050317004_0:0:3067:1725_1920x0_80_0_0_9232013c3bc0dd21cc59b51c796fb6fe.jpg
Тыҩба амшәмаахыр ахьыиааӡоз иблыз ибаҳчазы: даара ҳгәы каҳан ҳаҟоуп
Sputnik Аҧсны
Тыҩба амшәмаахыр ахьыиааӡоз иблыз ибаҳчазы: даара ҳгәы каҳан ҳаҟоуп
Ааигәа арадио Sputnik аефир аҿы Ешсоу еиҭеиҳәон иус ширҭбааз, аекономика аминистрра абизнес маҷ азы ирымоу апрограмма иҽшалаирхәыз, ашәырӡқәеи ашәырқалмышьқәеи ахьыҟаиҵо ацех шеиҿикааз.Аха рыцҳарас иҟалаз, ааигәа Очамчыра араион аҿы иҟаз амцакрақәа ирыхҟьаны Ешсоу амшәмаахыр ахьыиааӡоз ибаҳча нықәыблаа ицеит."Амца аԥша иаанагеит Баслахәнтәи. Аҩнынтәи абаҳча аҟынӡа ҳнеиаанӡа хә-минуҭк ала амца ахысхьан. Даара азарал ду ҳамоуп. Быжь-нызқь шьапы амшәмаахыр нықәблаа ицеит. Сашьцәеи сареи ҳнапала еиҭаҳҳаз ауп", - ҳәа еиҭеиҳәоит Ешсоу игәи илаӷырӡи еилаҵәо.Амшәмаахыр адагьы иблит ашьхарыжь хәышә шьапы."Уи ҳара Минскнтәи Аԥсны ианаало ҳәа ҳԥарала иаахәаны иаагаз акәын. Хышықәса ахыҵуан. Сынтәа ишахәҭаз еиԥш ирыцқьаны ашәҭра иаҿын. Аҽаҩра бзиагьы ҳазыԥшын… Иара убас иблит ацәыкәбартә система ҳәа еиҿкааны иҳамаз. Хәышықәса рыҩнуҵҟа еизаҳгахьаз, аҳәынҭқарра иабзоураны аума, ҳара ҳхала еиҿаҳкаауаз аума, амца иагеит. Даара ҳгәы каҳан ҳаҟоуп", - еиҭеиҳәеит Ешсоу.Тыҩба иҳәеит, амца рааигәа имааиртә еиԥш еиҿкааны ирымаз аусқәа ртәы.Инеиҵыху аиҿцәажәара шәазыӡырҩыр шәылшоит аудиофаил аҿы.
Sputnik Аҧсны
media@sputniknews.com
+74956456601
MIA „Rossiya Segodnya“
2024
Sputnik Аҧсны
media@sputniknews.com
+74956456601
MIA „Rossiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rossiya Segodnya“
Sputnik Аҧсны
media@sputniknews.com
+74956456601
MIA „Rossiya Segodnya“
аԥсны, аподкаст, аудио
Тыҩба амшәмаахыр ахьыиааӡоз иблыз ибаҳчазы: даара ҳгәы каҳан ҳаҟоуп
17:30 01.03.2024 (ирҿыцуп: 18:13 01.03.2024) Амшәмаахыр зааӡо Ешсоу Тыҩба Очамчыра араион аҿы иҟаз абылрақәа ирыхҟьаны агәаҟра дақәшәеит, иблит нап аадкылан ииааӡоз ибаҳча. Арадио Sputnik аефир аҿы еиҭеиҳәеит уи шыҟалаз, иоуз аԥхасҭа атәы, насгьы ацхыраара шыиҭаху аиҭашьақәыргыларазы.
Ааигәа арадио Sputnik аефир аҿы Ешсоу еиҭеиҳәон иус ширҭбааз, аекономика аминистрра абизнес маҷ азы ирымоу апрограмма иҽшалаирхәыз, ашәырӡқәеи ашәырқалмышьқәеи ахьыҟаиҵо ацех шеиҿикааз.
Аха рыцҳарас иҟалаз, ааигәа Очамчыра араион аҿы иҟаз амцакрақәа ирыхҟьаны Ешсоу амшәмаахыр ахьыиааӡоз ибаҳча нықәыблаа ицеит.
"Амца аԥша иаанагеит Баслахәнтәи. Аҩнынтәи абаҳча аҟынӡа ҳнеиаанӡа хә-минуҭк ала амца ахысхьан. Даара азарал ду ҳамоуп. Быжь-нызқь шьапы амшәмаахыр нықәблаа ицеит. Сашьцәеи сареи ҳнапала еиҭаҳҳаз ауп", - ҳәа еиҭеиҳәоит Ешсоу игәи илаӷырӡи еилаҵәо.
Амшәмаахыр адагьы иблит ашьхарыжь хәышә шьапы.
"Уи ҳара Минскнтәи Аԥсны ианаало ҳәа ҳԥарала иаахәаны иаагаз акәын. Хышықәса ахыҵуан. Сынтәа ишахәҭаз еиԥш ирыцқьаны ашәҭра иаҿын. Аҽаҩра бзиагьы ҳазыԥшын… Иара убас иблит ацәыкәбартә система ҳәа еиҿкааны иҳамаз. Хәышықәса рыҩнуҵҟа еизаҳгахьаз, аҳәынҭқарра иабзоураны аума, ҳара ҳхала еиҿаҳкаауаз аума, амца иагеит. Даара ҳгәы каҳан ҳаҟоуп", - еиҭеиҳәеит Ешсоу.
Тыҩба иҳәеит, амца рааигәа имааиртә еиԥш еиҿкааны ирымаз аусқәа ртәы.
Инеиҵыху аиҿцәажәара шәазыӡырҩыр шәылшоит аудиофаил аҿы.
