https://sputnik-abkhazia.info/20240302/iarei-larei-dyrmit-glia-ipoema-ialkhu-aspektakl-shymaysyz-1050289999.html
"Иареи лареи": Дырмит Гәлиа ипоема иалху аспектакль шымҩаԥысыз
"Иареи лареи": Дырмит Гәлиа ипоема иалху аспектакль шымҩаԥысыз
Sputnik Аҧсны
2024 шықәсазы Дырмит Гәлиа диижьҭеи 150 шықәса ахьҵуа инамаданы уи иара ишықәсны ирылеиҳәеит Аԥсны ахада Аслан Бжьаниа. Сынтәа иалагӡаны апоет ду изку... 02.03.2024, Sputnik Аҧсны
2024-03-02T10:45+0300
2024-03-02T10:45+0300
2024-03-02T10:45+0300
аԥсны
афотосахьақәа
https://cdnn1.img.sputnik-abkhazia.info/img/07e8/02/1c/1050286894_0:160:3072:1888_1920x0_80_0_0_60ba39c6da1e3cbec0d1c3799b7201b2.jpg
Убас, Аԥсуа драматә театр аҿы жәабран 26-27 рзы имҩаԥысит "Арԥызбеи аԥҳәызбеи рысалам шәҟәы" ашьаҭала Мадина Аргәынԥҳа иқәлыргылаз аспектакль "Иареи лареи" аԥхьарбара.Уи режиссиорс дамоуп Аԥсны Зҽаԥсазтәыз артистка Мадина Аргәынԥҳа. Лара ишылҳәаз ала, апиеса иагәылоу ацәаҳәақәа зегьы Гәлиа итәуп, гәыцәс иамоуп апоема "Арԥызбеи аԥҳәызбеи рысалам шәҟәы", уи иацылҵеит асиужет ианаалоит ҳәа илыԥхьаӡоз илирикатә жәеинраалақәагьы.Апиесаҿы ицәыргоуп уи афырхацәа хадақәа еиуеиԥшым аҭагылазаашьақәа раан реизыҟазаашьақәа зеиԥшроу, иҟалалакгьы, рыԥсҭазаара насыԥла иҭәны иҟаларц ишазықәԥо.Арольқәа ныргӡоит: Аԥсны Жәлар рартистцәа Виолетта Маанԥҳаи Кьасоу Ҳагбеи, иара убас Аԥсуа театр актиорцәа – Гәында Ажьиԥҳа, Гәдиса Ҭодуа, Циала Инаԥшьԥҳа, Кристина Цымцԥҳа, Алхас Шамба.
Sputnik Аҧсны
media@sputniknews.com
+74956456601
MIA „Rosiya Segodnya“
2024
Sputnik Аҧсны
media@sputniknews.com
+74956456601
MIA „Rosiya Segodnya“
Ажәабжьқәа
ab_AB
Sputnik Аҧсны
media@sputniknews.com
+74956456601
MIA „Rosiya Segodnya“
Sputnik Аҧсны
media@sputniknews.com
+74956456601
MIA „Rosiya Segodnya“
афотосахьақәа, фото
"Иареи лареи": Дырмит Гәлиа ипоема иалху аспектакль шымҩаԥысыз
2024 шықәсазы Дырмит Гәлиа диижьҭеи 150 шықәса ахьҵуа инамаданы уи иара ишықәсны ирылеиҳәеит Аԥсны ахада Аслан Бжьаниа. Сынтәа иалагӡаны апоет ду изку еиуеиԥшым аусмҩаԥгатәқәа мҩаԥыргахьеит, аԥхьаҟагьы еиҿыркаауа маҷым.
Убас, Аԥсуа драматә театр аҿы жәабран 26-27 рзы имҩаԥысит "Арԥызбеи аԥҳәызбеи рысалам шәҟәы" ашьаҭала Мадина Аргәынԥҳа иқәлыргылаз аспектакль "Иареи лареи" аԥхьарбара.
Уи режиссиорс дамоуп Аԥсны Зҽаԥсазтәыз артистка Мадина Аргәынԥҳа. Лара ишылҳәаз ала, апиеса иагәылоу ацәаҳәақәа зегьы Гәлиа итәуп, гәыцәс иамоуп апоема "Арԥызбеи аԥҳәызбеи рысалам шәҟәы", уи иацылҵеит асиужет ианаалоит ҳәа илыԥхьаӡоз илирикатә жәеинраалақәагьы.
Апиесаҿы ицәыргоуп уи афырхацәа хадақәа еиуеиԥшым аҭагылазаашьақәа раан реизыҟазаашьақәа зеиԥшроу, иҟалалакгьы, рыԥсҭазаара насыԥла иҭәны иҟаларц ишазықәԥо.
Арольқәа ныргӡоит: Аԥсны Жәлар рартистцәа Виолетта Маанԥҳаи Кьасоу Ҳагбеи, иара убас Аԥсуа театр актиорцәа – Гәында Ажьиԥҳа, Гәдиса Ҭодуа, Циала Инаԥшьԥҳа, Кристина Цымцԥҳа, Алхас Шамба.
![Аспектакль "Иареи лареи" аԥхьарбара Аԥсуа драматә театр аҿы жәабран 26-27 рзы имҩаԥысит. - Sputnik Аҧсны](https://cdnn1.img.sputnik-abkhazia.info/img/07e8/02/1c/1050286894_0:0:3072:2048_600x0_80_0_1_0534044ff7688190cb09a4a6e1653458.jpg "Аспектакль "Иареи лареи" аԥхьарбара Аԥсуа драматә театр аҿы жәабран 26-27 рзы имҩаԥысит.")
Аспектакль "Иареи лареи" аԥхьарбара Аԥсуа драматә театр аҿы жәабран 26-27 рзы имҩаԥысит.
![Уи шьаҭас иамоуп Дырмит Гәлиа ипоема "Арԥызбеи аԥҳәызбеи рысалам шәҟәы". - Sputnik Аҧсны](https://cdnn1.img.sputnik-abkhazia.info/img/07e8/02/1c/1050289633_0:0:3072:2048_600x0_80_0_1_f94dd86ec2340521f3bb748532b54f1d.jpg "Уи шьаҭас иамоуп Дырмит Гәлиа ипоема "Арԥызбеи аԥҳәызбеи рысалам шәҟәы".")
Уи шьаҭас иамоуп Дырмит Гәлиа ипоема "Арԥызбеи аԥҳәызбеи рысалам шәҟәы".
Аспектакль Дырмит Гәлиа диижьҭеи 150 шықәса аҵра иазкуп.
Режиссиорс дамоуп Аԥсны Зҽаԥсазтәыз артистка Мадина Аргәынԥҳа.
!["Иареи лареи" аҿы абзиабара итема хаданы иқәгылоуп. - Sputnik Аҧсны](https://cdnn1.img.sputnik-abkhazia.info/img/07e8/02/1c/1050286982_0:0:3072:2048_600x0_80_0_1_7f38fe4ad58fa83f03a3a35f2ae53b6c.jpg ""Иареи лареи" аҿы абзиабара итема хаданы иқәгылоуп.")
"Иареи лареи" аҿы абзиабара итема хаданы иқәгылоуп.
Згәы еизцо арԥызбеи аԥҳәызбеи рыԥсҭазаараҿы еиуеиԥшым ауадаҩрақәа цәырҵуеит.
Аха иагьа ус иҟазаргьы, дара ирылшеит насыԥла иҭәу аԥсҭазаара аицанысра.
Ақәыргыламҭа арежиссиор ишылҳәаз ала, аспектакль атеатр арепертуар иаларҵар ҟалоит.
Иара иалахәуп быжьҩык актиорцәа.
Дара зегьы иаадырԥшуеит иқәыԥшзаргьы, рықәра дузаргьы, абзиабара рыԥсҭазаараҿы анырра ду шамоу.
