Микрофон  - Sputnik Аҧсны, 1920
Арадио

Ҳазлацәажәаша ҳамоуп: Қәҭелиа ашколқәа раушьҭымҭацәа Аԥсны анҭыҵ рҵара иазкны

Ҳазлацәажәаша ҳамоуп: Қәҭелиа ашколқәа раушьҭымҭацәа Аԥсны анҭыҵ рҵаара ацҵара иазкны
Анапаҵаҩра
Иахьа, иаҳҳәартә ҳаҟоуп, инагӡаны аҵарашықәс хыркәшоуп. Иаҭоуп аԥышәарақәа, аушьҭымҭацәа рыхәылԥазқәа рҽазыҟарҵоит. Рхыԥхьаӡара абанӡанаӡоу ҳреспубликаҿы ашкол иалгаз аушьҭымҭацәа, аҵара аҭаларазы иарбан ҵараиурҭақәоу иалырхыз, сынтәа еиҳа азҿлымҳара змоу азанааҭқәеи, аҵараминистрра ирзаԥнаҵаз алшарақәеи ртәы арадио Sputnik аефир аҿы еиҭеиҳәеит, Ауаажәлар рымадаразы Аԥсны аҵара аминистрра аҟәша аиҳабы Аслан Қәҭелиа.
1900-ҩык рҟынӡа ашколхәыҷқәа рҵара хдыркәшоит сынтәа. Урҭ рахьынтә 12-ҩык медалистцәоуп. 8-ҩык ахьтәы медалла рҵара хдыркәшеит, 4-ҩык араӡны иаԥсахеит.
Аслан Қәҭелиа еиҭеиҳәеит, аушьҭымҭацәа рыхәылԥазқәа шеиҿкаахо.
"Уажәазы араионқәа рҿы имҩаԥысуеит абалқәа. Рашәара 28 рзы иазгәаҭоуп амедалистцәа рыдныҳәалара иазку аусмҩаԥгатә", - иҳәеит Қәҭелиа.
Ауаажәлар рымадаразы Аԥсны аҵара аминистрра аҟәша аиҳабы иажәақәа рыла аушьҭымҭацәа реиҳараҩык иалырхуа ААУ ауп. Иара иазгәеиҭеит, абитуриентцәа еиҳарак иалырхуа аҟазара иадҳәалоу азанааҭқәа шраку. Макьана аминистррахь инарышьҭуеит арзаҳалқәа аҭалара зҭаху рҟынтә, убри ианамаданы иаахҵәаны шаҟаҩы Аԥсны анҭыҵ ицаз атәы аҳәара уадаҩуп.
Аиҿцәажәара инеиҵыхны ишәаҳар шәылшоит аудиофаил аҟны.
Ажәабжьқәа зегьы
0